Eusko Alkartasunako gazte erakundeak bere salaketa irmoena plazaratu nahi du guztiz onartezina deritzon Entzutegi Nazionaleko sententziaren aurrean. Haritz Perez, erakundearen Antolakuntza idazkariaren esanetan “Batzuek bakean gaudela eta bortizkeria bukatu dela dioten bitartean euskal gazteria erasotzen, kolpatzen atxilotzen eta jazartzen jarraitzen dute, euskal gazteriaren eta euskal gizartearen oihuei entzungor egin nahian”. Horren aurrean, Haritz Perezek konbentzituta adierazi du “euskal gazteriaren borroka ez dute geldiaraziko, 6 gehiago gazte gehiago espetxeratu badituzte ere ehunka gaztek jarraituko baitugu aurrekoen borroka politikoarekin, hori baita espetxeratu nahi dutena, politika, ideiak, gure pentsamoldea, eta hori ez dute sekulan lortuko”.

Gazte Abertzaleaketik guztizko elkartasuna adierazi nahi izan diote sententzia horrenpean dauden gazteei, zein euren lagun eta senitartekoei; eta gogorarazi dute prozesu hauetan epaituak izaten ari diren gazteak Euskal Herrian lan politiko bat egiteagatik dela, politikan aritzea izan dela euren ustezko delitua, beste behin, espainiar sasi-justiziaren barrenak agerian gelditu direlarik. Read more »

Gazte Abertzaleaketik Fraga Iribarneren heriotzan justiziaren gabezia eta honen ezarketaren mantsotasuna salatu nahi dugu.

Bart, Francoren ministroa izan zena hil egin da, diktadurarekin  izan zuen erlazioarengatik justiziatik pasatu gabe, ezta transizio garaietan ere, bultzatu zituen ekimenengatik bere epaia jaso gabe.

Gazte erakundeko kideok lotsagarria deritzogu, Estatu espainiarrak transizio garaitik saldu egin nahi izan duen “Estatu demokrazia” horretan ageri diren inpunitate uharteak, zeinetan franquismo garaitik zetozen pertsonai beltzak bertan bere gordelekua izan duten. Estatu krimenak sustatu izan dituen pertsonaren oroitza goraipatua izango da egun hauetan Estatuko sistemako maila desberdinetan, zein komunikabide gehienetan, pertsonai honek izan dituen pasarte ilunenak izkutatuz. Baina herriak ez du ahaztu behar, eta gazteok gure benetako Historiaren ezagupena izatea sustatuko dugu gazte erakunde politikotik.

Atzerrira begira saldu nahi izan duten herri demokratiko horretan, Espainian, horrelako gertaerek argi uzten dute oraindik benetako transizio garaia hasi gabe dagoela. Hau dela eta, Euskal Herriko gazteok argi izan behar dugu, bai Gasteizen zein Jurramendin gertatutakoak, ez zirela kasualak izan eta herriko oroitzan gelditu behar dira berriz ere gerta ez daitezen. Oroimena eta kalteordaina bide bat izanik, faxismoaren birsorketa eta ezarketa ekiditea funtsezkoa da Euskal Herriak formulazio demokratikoa izan dezan.

Gazte Abertzaleakek bat egiten du gasteiztar honen egoera salatu nahi duen manifestaldi honekin. Atxilotua izateko arriskuan dago, Auzitegi Nazionalak kondenatu eta geroago, Auzitegi Gorenak bere zigorra handitu ondoren, 8 urteko zigorra jarri zioten, 6 Segiko kidea izateagatik eta 2 urte molotov koktel batekin Gasteizko trenbiaren geltoki bat erasotzeagatik 2009an.

Bidegabekeri honen aurrean, Gazte Abertzaleakek bat egiten du eta bere elkartasuna adierazi nahi dio, urtarrilarren 14ean Ekaitz Etxean! kolektiboak deitu duen mobilizazioari. Bide batez euskal gazteria deitzen du mobilizazioan parte hartzera.

Gazte Abertzaleaketik egoera politiko berri honetan oraindik militantzia politiko hutsagatik epaiketa politikoak jasatea salatu nahi dugu, Euskal Herritik kanpo egun bateko kartzela zigorra ere mereziko ez lukeenean. Bai Estatu espainolari, baita frantsesari ere exijitu nahi diegu erantzunkizunarekin joka dezala euskal gatazka konpontzeko, eta ez sistematikoki erasotzen jarraitzea euskal gizartearen zati bati, bakerantzeko bidean oztopoak jarriz.

Gazte Abertzaleakek beste behin ere biharko egunean egoitzak irekiko ditu, 31 urteren buruan bete gabe dagoen Lege Organikoa den Estatutuaren mantentzea salatzeko. Euskal Herrian bizi diren belaunaldi askorentzat arrotz egiten zeien “eskakizun” multzo bat da, zeinak egun bizi dugun egoera sozial- ekonomiko- politikoari aurre egiteko mekanismoak agortuak dituen.

Gazte erakundeak Estatutuaren bidea hilda dagoela aldarrikatu nahi du, eta euskal gizarteari horrelako egun batekin iseka besterik ez zaiola egiten argitu nahi dute.

Beraz, Gazte Abertzaleakek euskal gazteriari, zein Euskal Herriko gizarteari, “paktismo” estrategiari muzin egin dezan eskatzen du.

Hau horrela, herrialde desberdinetako egoitzak irekiak izateaz gain, bihar Gernikan “Euskal Herria bat eta bakarra izan ea eraiki” lenapean antolatu diren herri eskola nazionaletan parte hartzera deitu du Gazte Abertzaleakek.

Urriaren 16an, Bake Konferentzia baino egun bat lehenago, gizarte eragile desberdinak gonbidatuak izan ziren topaketa garrantzitsu horren berri izateko, eta talde bakoitzak gaur bizi dugun egoeraren berri dituzten hausnarketak plazaratzeko.

Gazte erakundetik prentsa arduraduna den Asier Gomez Barrenetxea bertaratu zen. Bere aburuz “egun bizi dugun agertoki honetan, eragile politiko eta sindikalaz gain, eragile sozialon hitzak berebiziko garrantzia du, gatazka honen konponbidean denok baitugu gure zeregina”. Ildo honetatik gazteen parte hartzea beharrezkoa dela azpimarratu zuen “Euskal Herriko gazteriak pakean bizitzeko aukera izan behar baitu, denontzat funtsezkoak diren eskubideen guztien errespetuan; eta hori bai orainaldian, baita geroan ere bermatua izan dadin, gazteok lan horretan jarduteko tokia aldarrikatu behar dugu eta proaktiboki lanean jardun konponbidearen norabidean”.

Euskal herritar gehiengo zabalak konponbidea nahi du. Bakea nahi dugulako. Normalizazio politikoa behar dugulako. Giza eskubide guztiekiko begirunea nahi dugulako. Read more »

Egun hauetan Kukutza III.aren inguruan sorrarazi den elkartasuna Portugaleraino iritsi da. Duela bi aste Euskal Herrira Gazte Abertzaleakeko kideekin elkartzera etorri zen Ricardo Sá Ferreirak, Portugaleko Bloco de Esquerdako kidea, “Kukutza: Resistência Cultural” izenburua duen iritzi artikulua idatzi du esquerda.net -en. Interesgarria izango zaizuelakoan, hemen atxikitzen dugu bere ekarpena; Kukutzaren aldeko elkartasunak Euskal Herriko mugak gainditu dituenaren beste adierazle bat, “Kukutza aurrera!!” oihua lau haizetara eramatea lagunduko diguna. Read more »

Gazte Abertzaleakeko kideok gure babesa eman nahi diegu orain Bilboko Errekalde auzoko Kukutza gaztetxean tinko eusten ari diren gazteei eta bertako auzokideei. Gazte erakundea Kukutzaren hustearen kontra agertzen da eta irmoki gaitsezten dugu indar polizialek darabilten indarkeria.

13 urtez, inguruko gazteentzako eta kanpotik zetozen pertsonentzako sormena bultzatu duen guren anitza eta irekia izan da, proiektu eta ekimen hezitzaileak aurrera atera dituenak; erreferente batean bilakatu dute bertan lanean jardun duten gazteak.

Gaur Kukutza III gazte

Gazte Abertzaleakeko kideok espainiar konstituzioaren erreformaren aurrean, lehenik eta behin argi utzi nahi dugu, testu konstituzionala arbuiatzen dugula, Euskal Herriak behar duen burujabetzaren bidean historikoki oztopo bat izan delako. Euskal gizarteak ez dio espainiar Konstituzioari ezer zor, euskal gizartearen borondatearen eta sortzen dituen legeen baitan egon beharko luke herri honen oraina eta geroa.

Bide honetan, gazte erakundetik gure kezka plazaratu nahi dugu: langileen eskubideak berma ez ditzakeen Estatu baten azpian egonik, zeinetan gizarte laguntzen murrizketa latzak egin dituzte krisi garaia dela eta, langabezi tasen zenbakiak egunero handitzen doan sistema batean egonik, zelako etorkizuna gelditzen zaio Estatu espainiarren menpe bizi den gizarteari? Zelako eskubideak bermatuko dizkigute gazteoi?

Egoera honen aurrean, eta Estatu mailako hauteskundeak hain gertu daudela ikusita, Euskal Herriko abertzaletasun eta independentismoaren batzea ikusten dugu irtenbide bakarra, benetako indar erabakiorra Madrilgo gorteetan izateko eta guk herri bezala erabakitzeko eta bizitzeko behar dugun bidearen eraikitzean urratsez urrats aurrera joateko.

Beraz, erabaki ausartak hartzea eta elkarlanaren sustatzea berebiziko garrantzia duela azpimarratu nahi dugu, guk gazte erakunde moduan bultzatuko ditugunak ahal diren esparru guztietan.

Gazte Abertzaleakek beste behin ere, urtero egiten duen moduan Catalunyako herrietara eta Galizako egunera ordezkaritza bat bidali egin zuen.

Uztailaren 14tik 16ra Montblanc-en “Plantem-nos” lemapean, JERC urtero antolatzen duten Acampada Jove izan zen. Aurten Gazte Abertzaleakeko ordezkaritza egun Euskal Herrian ageri den prozesuaren berri emateko hitzaldia antolatu zuten kide catalanek. Hitzaldian, Maider Carrerek, gazte erakundearen Idazkari Nagusiak, Eusko Alkartasunak egindako apostuaren harira, nazio ezberdinen independentzia “gizarteko eragile ororen indarra behar du; talde txikienetik hasita handienera. Eta politikan argi dugu zein erraza da handia izatetik txikia bihurtzea; horregatik oso beharrezkoa da joera baztertzaileak eta handikeriak alde batera uztea herriaren etorkizuna gure eskuetan baitugu; gizarteko sektore guztien batasunak eta elkarrekiko sortzen den alkartasunak independendentziaren bideak irekiko ditu.” Read more »