Gazte Abertzaleakek Euskal Herria bezalako nazioek “inguruko nazioekiko” bizi duten diskriminazio egoera salatu du “beste behin ere”, non eta edozein izaera kolektiboko sistema ukatzen zaien; modu honetan, “odisea” bat bihurtzen da hori hezkuntza, gizarte edo kultura-arloko politiketan aplikatzea. Read more »
Gazte Abertzaleakek gaur goizean Espainiako Hizkuntz Akademiak “abertzale” hitzari buruzko egindako definizioa salatu du, zeinak definizio horretan “abertzale erradikal” bezala definitzen duen. Gazte erakunde independentistarentzat,hizkuntza herrietan komuna den eta demokratikoa den aukera bat satanisatzeko erabiltzen denaren beste froga bat besterik ez da honakoa hau eta gaineratu du “argi geratzen dela Espainiako kulturaren gainaldean dauden zenbait pertsonek, independentzia usaina duen edozer negatibizatu eta pozoitu nahi dutela soilik”. “Ulertzen dugu mailegu linguistikoek berezko hizkuntzatan duten definizioaz zer edo zer alda daitezkeela, baina euskal eta espainol abertzaleak batzen gaituen esparru baten bila gabiltzan momentu honetan, horrelako akzio bat irain zuzena da” dio gazte erakunde independentistaren notak. Read more »
Gazte Abertzaleakek asteburu honetan Galizan egingo den galizarren Aberri Egunean parte hartuko du Galiza Nova erakundeak gonbidatua. Gazte erakunde independentistaren ordezkaritza erakundeko Idazkari Nagusia, Maider Carrere, buru duela joango da Compostelako Donejakuera. Carrereren hitzetan “Oso garrantzitsua da gure herri anai-arrebekin beraien aberria aldarrikatzen dituzten egunetan bertan izatea gure babesa eta alkartasuna adierazteko.” Read more »
Uztailaren 15 eta 18 bitartean, Gazte abertzaleakeko ordezkaritza batek JERCek 
Montblancen (Catalunya) antolatutako “Acampada Jove”ren 15. urteurrenean parte hartu du; delegaritza hau Maider Carrere, Idazkari Nagusiak eta Estitxu Iturrate, Sormen Idazkariak osatu dutelarik. Gazte Abertzaleakeko gazteek ez zuten aukera galdu nahi izan Katalunia Herriko lagunak zoriontzeko horrelako ekitaldi bat antolatzeko egiten duten lanagatik, non milaka gaztek aukera duten independentziaren aldeko eta katalandar gune batean formakuntza eta dibertsioa batera aurkitzeko. Read more »
Eusko Alkartasunaren gazte erakundeak, gaur goizean bat egin du larunbat honetarako Bilbon Udalbiltzako auziperatuen alde “UDALBILTZA ASKE! BAI UDALBILTZARI. BAI EUSKAL HERRIARI” lelopean deitua dagoen manifestazioarekin.
Gazte Abertzaleakek gaur goizean adierazi du bat egingo duela larunbat honetan Bilboko la casillatik, Udalbiltzako auziperatuen alde egingo den manifestazioarekin. Gazte erakunde independentistak “bere elkartasuna eta babesa adierazi nahi die prozesu honetan auziperatuak dauden 22 pertsonei. Ezin dugu onartu estatu españolak gure erakunde propioak izan nahiagatik kartzela zigorrak ezartzea”. Erakunde independentista eta ezkertiarraren aburuz “horrelako prozesuekin argi geratzen da estatu espainolak ez duela sekula onartuko gure herriaren askapena, eta horregatik tinko eutsi behar diogu desobedientzia zibilaren mailuari, era demokratiko eta baketsu batean gure herriaren independentzia eta erakunde propioak lortzeko.” Read more »
Gazte Abertzaleak aurten ere Irungo Alarde mistoari bere babes aktiboa eman nahi izan dio, udaletxeko balkoian harrera emanez. Irungo kaleetatik emakumez zein gizonez osatutako alardea jarraitu dute, Eusko Alkartasuneko hainbat kiderekin batera.
Read more »
Gazte Abertzaleakek eta Bizigayk talde homosexualen eskubideen aldeko nazioarteko egunean, Bizigayk parte hartzen duen E- 28ko koordinadorak ateratako deialdiaren bat egin dute. Gazte talde independentistarentzat nahiz eta eskubideen errespetuan urrats asko eman diren, ez dira nahikoak izan, hartara, gaurko eguna oso garrantzitsua da lan horrekin buru- belarri jarraitzeko.
Eusko Alkartasunaren gazte erakundeak astelehen honetan euskal gaztedi guztia abian jarri behar dela eskatu du, Euskal Herri osoan antolatu diren manifestazio guztietan parte hartuz, gay, lesbianen eta transexualen eskubideen aldeko lana guztien artean egin beharrekoa da, askatasun sexualaren zioa guztion erantzunkizuna baita.
Gazte Abertzaleakek bat egin du gaur goizean, larunbat honetan Donostian deitua dagoen manifestazioarekin. Gazte erakundearentzat “behar beharrezkoa da hezkuntza sistema propio bat Euskal Herriarentzat, eta horretarako ezin diegu muzin egin orain arte eman diren pausuei”. “Euskal Herriak nazio erakundeak behar dituen heinean, behar beharrezkoa du hezkuntza sistema propioa, non gure hizkuntzak behar duen pisua izango duen” esan du gazte talde independentistak. Read more »
Ekainaren 26an martxa Bilbon
Bilboko Gazte Abertzaleakek bertoko Udalean agintzen duten PNVk eta EBk aurkeztutako Espazio Publikoaren Ordenantzaren aurka jarraitzen du lanketa egiten. Gure desadostasuna eta haserrea kaleratzen jarraituko dugu hiritar bezala izan beharko genituzkeen funtsezko eskubideen eta askatasunaren zapuztea eta urraketa bortitza bizitzen dugun bitartean.
Hau dela eta, hiritar orori ondoren erantsi dugun alegazioa sina dezan eskatzen diogu Bilboko udalean gure desadostasuna are eta indartsuagoa izan dadin.
Behin sinatuta Gazte Abertzaleakek Bilbon duen egoitzan utzi: Areatza, 2- 3. solairua.
