Eusko Alkartasunaren gazteriak bere ezadostasuna erakutsi nahi du ertzaintzak manifestaldi baketsu batean izan zuen jarreraren aurrean.

Gazte Abertzalek-ek, atzo izan zuen ezohizko batzarrean, Bilbon aurreko larunbatean burutu zen manifestaldi jendetsu aurrean non euskal herritarren gehiengoak nahi duen normaltasun demokratikoari ez dagozkion gertakariak ikusi ziren, Ertzaintzaren jarrera akats larriari deritzo. Gazte erakunde independentistaren aburuz, manifestazio askatasuna da, hain zuzen, demokrazia eta askatasunaren oinarrizko zutabeetako bat. Zutabe hauek, ezin ditu inongo indar polizialek zapaldu. Hori dela eta, Eusko Jaurlaritzako Barne Sailari erantzukizunak exijitzen dizkiote.

Honekin batera, Bilboko manifestaldian, non erakundeko hamarkada militante zeuden, Gazte Abertzaleak-ek berrezten du aurrez aurretik zirikatzerik ez zela egon eta ekintza polizialen ardura hori agintzen dutenei dagokiela. Idazkari Nagusiaren hitzetan, “Manifestaldi jendetsu bat delinkuenteak izango baziren bezala disolbatzea bakarrik manifestatzeagatik, erokeria da” Sentsu honetan, Andoni Iturzaetak hurrengoa baieztatzen du “Garzonen autoak, Madrilgo legeak eta Partido Popularren zakarkeria frankisten aurretik, Eusko Jaurlaritzaren jokaeran askatasunen errespetuak eta EAEko euskal herritarren gehiengo borondateak lehentasuna izan behar dute, horrek desobedientzia egintza dakarren arren”.

Sentsu honetan, Madriletik euskal hiritarren borondatea ez denez errespetatzen eta gizartea integratu eta Euskal Herriak pairatzen duen arazo larria konpondu baino, elkarbizitza apurtzeari ekiten zaion, beste denbora batzuetara garamatzan eta hiritarren borondateari errespetu eza harrokeriaz erakusten dituzten jokaera eta legeak ezartzen ari direnez, Gazte Abertzaleak-ek elkarbizitzaren marko subirano baterantz berehalako urratsak eman behar direla berrezten du. Iturzaetak “Euskal Herrian garaia heldu da arazoari konponbide egokia ekiditea eta dagozkigun eskubideak estaltzea helburu dituen estrukturen betetzearen gaurko egoera gainditzeko” esaten du. Horrela, EAJren jarrera bikoitza kritikatzen eta kondenatzen dute. “Partidu Popularrak eta gobernu espainiarrak beligerantzia jarraitua eta, EAEko 2001ko maiatzaren hauteskundeetan zein Estatutua betetzeko bi hilabetetako epean, euskal herritarren erabakiari errespetu eza erakutsi dituzte. Ezin da onartu zalantzazko autoak guri betearaz diezagutela haiek Lege Organika bat bete ez dutenean. Hori dela eta EAJk euskal herritarrek eskatzen dituen urratsak eman behar ditu. Horiek gabe, ez liteke gobernuko lanetan jarraitzea posible izan beharko” esan zuen Idazkari Nagusiak.

Beste aldetik, Gazte Abertzaleak-ek kritikatu du Batasunak egin duen manifestaldiaren erabilera partidista Garzonen autoari eta bere ondorioei egindako kritikak kapitalizatzen saiatuz. Are gehiago, egindako kritika gehienak eta zintzoenak biolentzia oro, hiritar guztien giza eskubideak eta demokraziaren berezko askatasunak kritikatzen gai direnengandik etortzen direnean. Zentzu horretan Iturzaetak oso zorrotz: “Partido Popularrari egunero argudioak ematen dizkionak eta ETAk egiten dituen atentatuen aurrean bat ere kritiko agertzen ez direnak, paradoxikoa da helburu demokratikoak eta haiek defenditu gai ez diren askatasunei errespetua bilatzen dituen borroka kapitalizatzea saiatzea. Demokraziak eta askatasunak koherentzia politikoa eta haien printzipioen errespetuen exijentzia eskatzen dituzte eta ez bakarrik norberari zuzen eragiten diotenean” hau esanez bukatzen du Iturzaetak.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa

Legebiltzarreko Hezkuntza eta Kultura Batzordeko batzordeburu eta EA-ko legebiltzarkidea den Martin Aranburuk esan duenez “Kalitate Legeari buruz jakin ahal izan dugunaren arabera hezkuntzaren eredu elitista eta klasista ezartzea du helburutzat PP-k, eta hau zentzu bikoitz batean da kritikagarria: legearen edukia batetik eta berau prestatzeko erabilitako moduak bestalde.” Honela, Hezkuntza eta Lanbide Heziketako idazkari orokorra den Isabel Couso-k Kalitate Legea izango denaren inguruan aurreratutakoari erantzuten dio Aranburu-k.

EA-ko legebiltzarkidearen esanetan, “Etengabeko ebaluazioaren amaiera suposatzen du lege honek. Ezagupenen ebaluaziorako proben bidez, eta D.B.H-n. ezarriko diren hiru edo lau ikaskuntza ibilbideen bidez ikaslegoaren segregazioa eta klasifikapena bideratuko da, amankomuneko ezagutza minimoak lortzea helburu duen hezkuntza sistema bat alderatuz eta eredu klasista, elitista bat ezarriz iparamerikan ezarrita dagoen ereduaren porrotoan adierazgarririk nagusiena daukalarik”. Martin Aranbururen ustez “etorkizunerako bai sozial eta baita heziketa mailan ondorio latzak izango ditu ikasleak gelaka banatzea ikasketerako dituzten ahalbideak kontutan hartuta”.

“Ikasle ororen kurrikulumean gutxieneko edukiak ziurtatzea da helburua, ez aldiz rebalida, DBH bukaeran edo Lehen Hezkuntza bukaeran ezarri litezken proben bidezko elite baten aukeraketa, beste ikasle gustiak baztertuta utziz” gehitu du Aranburu-k.

Azkenik, “Legearen prestaketan erabilitako moduak jasanezinak dira: irakasle, ikasle, guraso elkarte zein sindikatuen iritziei muzin eginda prestatu dute legea. Salagarria da era berean, eskuduntza duen Euskal Elkarte Autonomoak ezin parte hartu izana prestaketa prozesu honetan. ” adierazi du, horrek agerian uzten baitu “P.P. alderdiaren benetazko zentzu demokratikoa eta Gernikako Estututuan adierazten denari dion errespetua.”

Gaia: Hezkuntza

Egilea: Gazte Abertzaleak

Komunikabidea: Prentsa Oharra/Nota de prensa

Pasa den asteko larunbatean, lurraren defentsaren aldeko taldea “Lurra”, Gasteiz hiriko Villasuso jauregian Johannesburgon izandako “Garapen sustengarriari buruzko Gailurrean” gertatutakoaren hausnarketa egiteko, eta euskal ordezkariek beteriko lanari buruz aritzeko ere.

Gazte Abertzaleak-ak jardunaldi hauetan egon zen, non Johannesburgora joandako taldeen ordezkariak bildu ziren. Horrela han gertatutakoa zuzenean ezagutzeko aukera izan genuen komunikabideek arruntki burutzen duten zentsurarik gabe.

Goizean izandako saioan, gailurrera joan zirenek diapositibak erabilita han egindakoa azaldu ziguten, gailurra beraren antolakuntza, foro alternatiboak, mobilizazioak,…

Beranduago, EAE-ko Ingurumen eta Lurralde Antolamendurako Gobernuko Sailburua den Sabin Intxaurraga aritu zen. EAEko Gobernuak egindako “Garapen Sustenagarrirako Estrategia” azaldu zuen, zein Europako aurrenetarikoen artean agertzen da.

Azkenik, Euskal Herri osoko erakunde sozialen ordezkariek Johannesburgoko gailurrari buruz, planetaren ingurumen egoera eta konkretuki Euskal Herriko egoerari buruz, euren ikuspegia azaldu ziguten.

Arratsaldeko saioan arlo ezberdinei buruz eztabaidatzeko, lan taldeetan banandu ginen: ura, energia, garraioa, osasuna, biodibertsitatea,…

Laburbilduz, eguneko garapen eredu ezberdin bat aldarrikatzeko balio zuen topaketa interesgarria izan zen. Garapen hau pertsonenganako, munduko herrienganako eta orokorki planeta osoarenganako errespetuan oinarritu behar da.

Gaia: Jardunaldiak

Euskal Herriak pairatzen duen gatazka politikoa argitasun izpirik gabeko iluntasun sakonean zegoen aspalditik murgilduta. Espainiako alderdi abertzaleek irteera politiko negoziatu baten alternatiba deuseztatu egin dute, euskal abertzaletasunaren eta zehazkiago ezker abertzalearen aurkako irmotasunak elektoralki emaitza onak ematen baititu. Bestalde, euskal abertzaletasuna egoera kafkiano batean murgilduta dago: Erkidego autonomoan gehiengo nabarmena izanik, eta Euskal Herri osoan indar politiko dinamikoa izateko ziurtasunarekin, ezinezkoa zaio oraindik ere komunean planteamendurik egitea euskal gizarteari, borroka armatuari buruz euskal abertzaleek egiten duten balorazio desberdinaren ondorioz. Espainiako alderdietan aldaketarik egongo ez delako ziurtasuna kontuan hartuta, herri honek aurrera egiteko duen aukera bakartzat euskal abertzaleen arteko lan komuna jotzen dut nik.

Abertzaleen batasunaren beharra abiapuntutzat eta helburutzat jota, bi elementu dira berau ezinezko egiten dutenak, borroka armatua eta «epeltasuna», alegia. Bada, bi oztopo horien desagertzearen atarian egon gintezke Erkidegoko Gobernuan dauden alderdi abertzaleek egin duten planteamenduaren ondorioz. Izan ere, marko juridiko-politiko berri baten lorpena hiru printzipiotan sostengatuko den prozesuaren emaitza izango da: prozesu irekia, legala eta demokratikoa izatearena alegia.

Irekia izango bada, gizarteko eragile guztiek euren planteamenduak ezagutarazteko aukerak izan behar dituzte. Euskal Herria askotarikoa da, askotarikoak dira errelitatearen irakurketak, eta uko egin behar zaio talde batek bere irakurketa aldebakarra besteei inposatzeari.

Era berean, euskal gizartearen zati garrantzitsu batengan subiranotasun, independentzia, marko juridikoaren aldaketa eta antzeko kontzeptuek sortzen duten beldurraz jabetuta, eta Europako Batasunaren oniritzia ezinbestekoa dela onartuta, marko legalak eskaintzen dituen zirrikituak aprobetxatu beharko dira, markoaren aldaketarako aurreikusten diren urratsak eman, eta, azken finean, agerian utzi Espainiako legeek ezeztatu egiten dutela herri honek demokratikoki bere iritzia eman dezan. Egoera horretan, Euskal Herriaren iritziari muzin egin eta Espainiak bere legalitatea aldatu ezean, nazioarteko erakundeek esku hartu behar dute.

Herri honen indar abertzale desberdinen planteamendu komuna garaile izango da epe luze edo ertainera. Indar hori geldituko duenik ez da. Aukera horren oztopo garrantzitsu bat desagertzeko bidean da. Nire ustez, beste oztopoa ere alde batera utzi behar dugu, elkarrekin, etorkizuna Euskal Herriarena baita.

Gaia: Euskal Herria

Egilea: Martin Aranburu

Komunikabidea: Gara

Irailak 21 eta 22an, Gazte Abertzaleak-ak jadanik ohitura bihurtu dugun urte hasierako Gaztegunea izan genuen. Honetan aztertu beharreko gaia Drogen Legeztapenarena izan zen; eztabaida hau beti izan da publikoari lapurtuta, eta GAren ustez ezin dugu gehiago atzeratu. Gai honek dituen alde serio, polemiko, aberatsgarri eta sakonak antzeman genituen Kontxi Gabantxo, Eusko Jaurlaritzaren Drogamenpekotasun Sailaren Zuzendari ohiaren eskutik.

Hemen eztabaidaren ildo nagusiak aurkeztuko dizkizuegu eta azkenean atera genituen ondorioak ere:

1. Drogak betidanik egon dira gizartean, eta zihurrenik herrien historian jarraituko dute haien kulturen parte bihurtu arte. Baina ezin dugu ahaztu drogei buruz ari garenean, ez garela bakarrik droga ilegalei buruz soilik aritzen. Alkohola, tabakoa eta botikak beste edozein droga bezalako ondorioak izan ditzakete, eta halere legeen babesa dute: hau gure ustetan Mendebaldeak historiko drogen gaia nola tratatu duenaren adibide argia da, euren drogak (alkohola, tabakoa,…) legalak diren bitartean, eta euren kontsumoa erabat arrunta, Hegoaldeko herrien drogen kontsumoa (Koka, marihuana, haxix,..) zigortuta dago.

2. Ez dugu inolaz ere droga legal eta ilegalen artean egiten den desberdintasuna onartzen. Adibidez, EHE-n asteburuero 90.000k alkohoal edaten duten bitartean, egunero 27.000 lagun dituzte alkoholismo arazoak. Honetaz gainera, EHE-ko gazteen %50a gutxienez astean behin haxixa hartzen dute.

Honek sustantzia legalen kontsumoa ilegalena bezain kaltegarri izan daitekela frogatzen du, eta era berean droga batzuen ilegaltasunak ez duela kontsumorako oztopo izaten.

3. Drogek honelako ondorioak dituzte: aizundutako droga eta gaindosiak direla eta hildakoak, gaixotasunen trasmisioa, droga-trafiko, delinkuentzia,…. Guztiak ondorio txarrak.

4. Gazte Abertzaleak-ak drogen legalizazioaren alde agertzen da. Baina hala ere, honelako urratsak eman behar direlakoa dugu:

- Pertsona bakoitzak bere gorputzarekin nahi duena egiteko aske da.

- Behar beharrezkoa da aldi baterako edo epe luze bateko kontsumoak ekar ditzakeen efektu sikiko eta fisikoei buruz, eta osasun langile, gizarte-laguntzaile, sikologo, eta abarren formakuntzan, hezkuntza eta informaziorako Politika Publikoak diseinatzea.

- Drogak Erakunde Publikoen bidez aztertuta, kontrolatuta eta arautua izan behar du, bere purutasuna kontrolatzean, aizundutze eta gaindosien ondorioak ezabatuz.

- Administrazioak sustanztiak banatuko balitu, salneurrien beherapen handiak ekarriko luke, eta beraz diru kantitate handiak lortzeko sortzen den delinkuentziaren arazoa murriztu.

- Euren banaketa erakundeek kudeatu eta araututako tokietan burutu beharko da. Bertan sustantzia eta tresnei egindako kontrolak, kontsumoak eratorritako gaixotasunen trasmisioen ondorioak ezabatuko lituzke.

- Drogozaleen gizarteratzerako baliabideak zuzendu, edo gutxienez kalte-murrizketarako. Horregatik Hontza, Bilboko Zamakola auzoan, bezalako ekimenen eta narkosalen alde agertzen gara.

- Era berean, marihuana eta beste sustantzien erabilera terapeutikoa bultzatzen dugu, euren sendatze edo mina arintzeko ahalmena konprobatuta baitago.

Gaia: Hitzaldia

Globalizazio prozesuan, iharduera ekonomikoaren desrregularizazioa eta finantza ihardueraren liberalizazioa ez da estatuen esparrura murrizten, baizik eta merkatal kontzeptzio globalago batera jauzten da, muga geopolitikoetara mugatzen ez dena. Behar ekonomiko hau, estatuak iharduera ekonomikoa mugatzeko duen gaitasunaren gainditzean ematen da, hainbat estatu normatiba ezberdin homogenizatuz desregularizaziorantz eta ez mugaketarantz. Prozesu honen ondorioz merkatu mundialak sortzen dira, non ekonomia iharduera mugatzeko eta erregulatzeko gai den erakunde politiko baten ezean, estatuarteko finantza transakzioak, multinazionalen iharduera ekonomikoa e.a… errazten baitiren.

Prozesu ekonomiko honek ez du soilik ihaurduera ekonomiko mota jakin bat orokortzen, baizik eta globalizatzen ditu estatuak hartzera behartuak diren neurri politkoak, egunez egun kontsumo formak imposatzen duten multinazionalek ekoiztutako produktuak, eta batez ere, eta larriena dena, ekonomikoki errentagarriaren superbizipen dinamika liberala, lehiatzeko gaitasuna ez duten enterpresak desagerpenera kondenatuz, ondorioz herriak eta kontinenteak europartzen eta amerikartzen.

Hainbat enterpresen neurrigabekeriak mugatzen duten legeetan ondorio zuzena du desregularizazio beharrak, izan ere halako normatibak desagertzean, enterpresek bestela hartu ezingo lituzketen erabakiak hartzen baitituzte. Era berean, enterpresen iharduera mugatzeko ezintasunak, baldintza erosoenak eskeintzen duten herriak aukeratzea uzten die enterpresei, ekonomia nazional eta batez ere familiarrak kaltetuz. Kapital eta enterpresa mugikortasun honek eragin larriak sortzen ditu herrien ekonomietan: herri batek enpresei ezarritako zergen bidez jasotzen duen diru kopuruaren murrizketak, eskeini ditzakeen zerbitzu publikoen kopuruan eragin zuzena du, enterpresa hauek sortutako langabeziaren asistentzia eskeintzeko diru gutxiago izatearen aurkakotasuna ematen dela.

Ulrich Beck soziologo alemaniarrak dio globalizazioa geldiezina dela, baina ez ordea globalismoa. Estatuek ekonomiaren gehiegikeriak mugatzeko gaitasun politiko erreala izan behar dute: ekonomia globalak, mugatu eta erregularizatzen duen Estatu Globalari atxekirik egon behar du. Estatu bat, zeinaren gobernu ezberdinen arteko akordio politikoa, globalki pentsatu eta lokalki ekiten duten herritarren gehiengoaren gogoaren emaitza den. Planeta mailako hainbat foroek ekar diezaguketen irakspen eta hausnarketen gaindik, prozesu honen errefusapenaren eta gizarte mobilizazioaren beharraren kontzientzia geroz eta hedatuak daude. Porto Algre azken adibidea izan da. Geroz eta gehiago izango da.

Gaia: Politika orokorra

Egilea: Martin Aranburu

Komunikabidea: Gara