Alderdi politikoetako jaun-andreak, gogoeta egin ezazue. Zorionez, gizakiok entzuteko, elkar ulertzeko eta elkarrizketatzeko gaitasuna daukagu. Hitza izan bedi gure artean herrialde honetan erabiltzen den arma bakarra. Arazoen soluzioak gizarte honetan bizi garen gizon-emakumeek elkar ulertuta lortzen dira. Hitz egin dezagun, bestearen posizioa ulertzen saia gaitezen. Aurkari politikoarekin tolerantzia eta begirunea izan dezagun. Ahalegindu gaitezen, har dezagun konpromiso hori, ausartak izan gaitezen. Onar dezagun Euskal Herrian daukaguna gatazka politikoa dela, zein luzaro irauten ari den eta bizitza gehiegi eraman dituen. Gero eta arnasezinagoa den giro honi eusteak nora garamatza? Gatazka guztietan bezala, elkarrizketa da bidea. Hitz egin dezagun eta elkarri entzun diezaiogun.

Gaia: Euskal Herria

Egilea: Ibon Usandizaga

Komunikabidea: Euskaldunon Egunkaria

Florenzian hilaren 6 eta 10 bitartean burututako Europako Gizarte Foroa dela eta , Gazte Abertzaleakek Gasteizko Andra Mari Zuriaren enparantzan beste globalizazio baten aldeko kanpaina zabaldu zuen.

Euria izan arren , erakusketak arrakasta handia izan zuen eta asko izan ziren Gazte Abertzaleakek azkenengo hilabeteotan garatu duen kanpaina honegatik interesatu ziren lagunak .

EAk Eusko Legebiltzarrean duen eleduna ere berton izan zen eta ekimen haek oso positibotzat hartu zituen eta bai Gazte Abertzaleakek bai EAk neoliberalaren ezberdina izango den globalizazioaren aldeko borondatea aldarrikatu zuen, herri zein pertsonen duintasunean eta giza eskubideekiko begirunean oinarrituta egon behar dena.

Hau da banatutako triptikoaren edukina:

-Azaroaren 7 eta 9 bitartean Florenzian (Italia) Europako Gizarte Foroa burutuko da, berton gizarte mugimenduek, sindikatuek eta alderdi politikoek parte hartuko dutelarik.

-Foro honen alderik nabarmena partaideen aniztasuna da, bai eta Europa zein Mundu askeago, berdintsuago , solidarioago eta justuago lortzeko konpromezua.

-Florenziako EGFan gure eguneroko bizitzan eragina duten haibat gaien inguruko solasaldi eta hitzaldi egingo dira: enplegua, giza justizia,ingurugiroa, kultur aniztasuna, inmigrazioa, bakea… Hau guztia ikuspuntu kritiko zein eraikitzailearen bitartez, guztiontzako Europa ezberdin eta hobeagoa lortzeko.

-Gazte Abertzaleakek, Euskal Herriko Ezker Gaztearen erakunde bezela, herritarrek eraikitako herritarrentzako Europa aldarrikatzen du, xede nagusitzat norberaren onura hartzen ez duena, baizik eta guztiontzako ongizatea , non gazteok zeregin garrantzitsua izango dugun.

-Era berean, Europa kultur anitzaren aldeko konpromezua plazaratu nahi dugu, non herri guztiek baldintza berdinetan ordezkaturik izango diren; azken batean, berton euskaldunok Euskal Herria eraikiko dugun Europa, hiritarrok bakean eta askatasunean biziko garen Euskal Herria.

Gaia: Globalizazioa

EAko gazteek azaldu dutenez asmo txarreko aldrebestea GA-ren alternatiba gazte,independentista eta aurrerakoiaren beldur direlako eman da.

Gazte Abertzaleak prentsa ohar honen bidez egun hauetan Sakanan agertu diren kartelak kritikatu nahi ditu, hain zuzen ere Altsasuan ALKARTASUN EGUNA (alderdiaren festa) ospatzen ari zela, Gazte Abertzaleak-eko militanteek taberna batean istiluak sortu eta horren ondorioz mehatxuak eta gezurrezko salaketak eman zirela azaltzen dutenak , zeharo faltsuak eta asmo txarrez egindakoak direlako.

Hauxe da benetan gertatutakoa; irailaren 21ean Gazte Abertzaleak-eko hamarnaka militante herri horretako taberna batean modu baketsuan sartu ondoren, beranduago SEGI elkarteko kide bezala identifikatuko ziren berton egondako batzuk “ke se vayan!” eta ” Gora ETA militarra!” oihuka zuzendu zitzaizkien . Egoera honen aurrean , Gazte Abertzaleak-eko militanteak SEGIko kideekin ezbaika hasi ziren euren aurka horrela aritzeko zergatia galdeginda. Ordu erdiko elkarrizketa bortitz baten ostean eta benetan molestatzen ziena Gazte Abertzaleak-eko militanteek pegatinen bidez Eusko Alkartasunaren proiektuan bere militatzia azaltzea zela jakin ondoren, SEGIko militanteak sexu organoak seinalatuz eta ipurdia erakutsiz agurtu egin ziren. Haietako bat baino ez zen gelditu Gazte Abertzaleak-eko militanteekin mintzo, hauek, eta bide batez, gertuko herrik batera etxera eraman zutelarik, bertara iristeko ibilgailurik ez zuen eta.

SEGIko kide bezala autoidentifikatu zirenen ume jokaera eta gero, bertan bildutakoek jasandakoari inongo garrantzirik ez ematea ebatzi zuten, bapateko probokatzaileen heldutasun ezak eta intransigentziak eraginda zelakoan. Hori zela eta, ez zioten aparteko garrantzirik eman eta aurrikusitako ekintzekin jarraitu zuten.

Hala ere, hurrengo egunean , Burunda pilotalekuan jende andana bildu zuen mitin politikoa burutzen ari zela, SEGIko hamarna gaztek (gehienak aurreko eguneko probokazioetan egondakoak) kanpoaldean materiala biltzen bakarrik ari zen Gazte Abertzaleak-eko kide gazte bati hurbildu zitzaizkion eta bultzatu eta hitzez mehatxatu eta gero Altsasuan Gazte Abertzaleak-eko kartelak jartzea “eraso zuzena” zela “ohartarazi” zioten eta “kartelak kartzeko nortzuk zirela uste zutela , eta batez ere, ezker abertzalearen hormen gainean” galdetu zioten, ETAko ikurraren pintada estaltzen zuen Gazte Abertzaleak-eko kartel bat aipatuz.

Gauzak horrela, behin SEGIko militanteak alde eginda eta akosatutako Gazte Abertzaleak-eko kideak antolakuntzaren zuzendaritzari honen berri emanda , inongo zabalpen publikorik ez egitea ebatzi genuen,ez genuelako uste probokazio eta probokatzaileen heldutasun eza SEGI gazte erakundearen errepresentagarria zenik. Hala ere, aurreko egunetan , sekulako gezurrak zabaltzen zituzten SEGIren kartelekin topatu egin ginen, hala nola, SEGIko gazteek frontoiko mitinean parte hartzen zuten 3000 lagunei aurre egin zietela esatea, kanpoan Gazte Abertzaleak-eko materiala biltzen bakarik ziharduen gazte bati baino ez ziotenean aurre egin. Koldar halakoak.
Guzti honengatik, Gazte Abertzaleak Altsasuan benetan gertatutakoa zabaldu nahi du eta Sakanako SEGIren jarduera aldrebeskeriak salatu nahi ditu. Probokazioa, mehatxua , irainak eta gezurren bidez ezinezkoa ezingo zaigu Euskal Herria eraikitzea. Ezin dira ulertu Gazte Abertzeleak-en alternatiba bakezale,aurrerakoi eta abertzalearen kontrako ekintza hauek , ez bada Gazte Abertzaleak ezker independentista gaztearen benetazko erreferente bezala ikusten duen erakunde baten ezintasunaren islada bezala.

Edozein kasutan , Gazte Abertzaleak-ek SEGIko nazio zuzendaritzak praktika mota hauek zuzendu eta ikuska ditzan espero du Sakanan, bestela, SEGI erakundea bere osotasunean gezur,probokazio eta mehatxu eragilea dela sinesataraziko digute eta.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa

EAren gazteriak baieztatu du militarrek Sankristobalen sortutako azken suteak bukatuta zegoen pazientzia berriro ere agortu egin duela.

Militarrek Sancristobaleko mendian sortutako sutea dela eta, Nafarroako Gazte Abertzaleak taldeak atzo izandako bileran, Nafarroako lurraldean Espainiako armadak duen ezarpenaren egoera historikoa monografikoki aztertu zuten.

EAren gazteriak Espainiako armadaren gaur egungo egoera Nafarroako eskubide historikoei zein hiritarrei egindako ultrapetzat hartzen dute.. Nafarroak ez du inoiz begi onez ikusi Nafarroako lurraldean Espainiako armadaren ezarpena eta Nafarroako instituzioak dira, hain zuen, egoera hau behin-betiko konpondu behar dutenak.

Gamazada bezalako gertakari historikoetan sartu gabe, historia berriak gogorazten dizkigu INTSUMISIOAren aldeko jarduerek izan zituzten gizarte onarpena eta bat egin anitzak, NATOri Nafarroako ezetza eta baita ere militarrek okupatutako Bardeetako lurraldea nafar herriarentzako betiereko. Nafarrok Espainiako armada beti ikusi dugu Nafarroatik at sortutako zerbait arrotza eta baita ere, gure erkidegoan izan duen ezarpenaren historian, hiritarren esker ona lortzeko ezertan protagonista izan ez dena, beraz, balantzea ezin da negatiboagoa izan.

Berriz sortu duten sua, kasualitatez erre zuten mendira martxa jendetsu bat burutu ondoren, non historikoki gaizki tratatua izan den mendiaren osasuna aldarrikatzen zen, ez dezagun ahaztu 2001eko azarotik Kultura Interes Ondasun hartua izan zela, ez da ulertzen ez bada nafarren eginkizun eta borondatearen mesprezu hutsetik. Honekin batera, Marcotegui sailburu jaunaren hitzak era bat lotsagabe agertu zaizkio Nafarroako hiritarren sen onari. Sailburua “Artadi kontserbatzeko bera erretzea beharrezkoa da” esatera ausartu da. EAren gazteriaren aburuz, pertsona hau lelotzat hartzen ditu nafar hiritarrak. Falta zen bakarra da Nafarroak Gobernuak armadari domina eman diezaiola ingurumenaren aldeko jarreragatik.

Armadak ez du Nafarroa errespetatzen, Nafarroak ez du armada nahi, beraz, hiritarren ordezkarien betebeharra Nafarroako ondarea eta nahia defendatzea da. Hau dela eta, Gazte Abertzaleak taldeak hauei berehala gestioak (beharrezkoa bada desobedientzia instituzionala barne) egin ditzatela eskatzen die Nafarroatik Espainiako armadak behin betiko alde egin dezala. Gaur egungo Nafarroako Gobernuak berriro pentsatu beharko du ia armada espainolaren alde agertu nahi duen edo, berriz, teorian defendatzen dituen alde, hots, Nafarroako ondarea eta hemengo hiritarrak, jokatu nahi duen.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa