Mayor Oreja Jauna, zureak ez dauka izenik. Komunikabideei esker, Espainian eta Euskal Herrian Eusko Jaurlaritzarekiko eta Euskadirekiko zure jarrera zein den garbi gelditu zen lehengo egunean.

Aurrekontuei dagokienez Legebiltzarrean gertatutakoak zure eta zure alderdikideen lotsagabekeria argi baino argiago utzi du Herriaren begien aurrean. Espainiako gobernutik eta PPtik jo eta ke egiten zabiltzaten Euskadirekiko boikot etengabeak lotsagarri gelditzera eraman zaituzte.

Aurrekontuak ezinbesteko elementua dira herrialde batek bere gestioa aurrera eraman dezan, eta duten garrantzia ezagututa, jarrera boikoteatzaile lotsagabea besterik ez duzue eduki. Baina Eusko Jaurlaritzan dauden alderdiek mutu- rretan eman dizuete. Iturgaitz baino azkarragoa zinela uste nuen, baina oker nenbilela azaldu didazu. Gainera, agian zuen jarrera faxista aldatzen hasi beharko zenukete. Ez al duzu uste, Mayor Oreja Jauna?

Gaia: Euskal Herria

Egilea: Ibon Usandizaga

Komunikabidea: Euskaldunon Egunkaria

Datorren abenduaren 26tik aurrera, Gazte Abertzaleakeko kideak Kanbora (Lapurdi) gerturatuko dira Xalbador ikastolako atontze lanetan laguntzera. Burutuko duten lana paretak pintatu, eskailera bat egin… eta beharrezkoak estimatzen diren lan ezberdinak egitea izango da.

Ezkerreko erakunde abertzale honek beharrezkoa deritzo guztien arteko elkarlana bultzatzea, guztien arteko laguntza bultzatzea eta azken finean kooperazio eta alkartasun baloreetan murgiltzea. Kooperazio hau traba politiko, ekonomiko eta administratibo gehien egon daitezken lurraldetan jorratzea beharrezkoagoa dela deritzote GAko kideek eta horregatik Nafarroa eta Iparraldea lehentasuna izan beharko luketela erizten dute.

Erakunde honek dinamika hau urtero gauzatzeko asmoa duela adierazi du eta oraingoz Euskal Herrian egiteko asmoa duten arren ez dute baztertzen aurrerago beste “herri zigortuetara” –arrazoi kultural, politiko edo ekonomikoengatik- jotzea.

GAren ustez hau da izan ere benetazko aberrigintza bultzatzeko eta mundu justu eta hobeago baten lorpenerako beharrezko jarrera eta ekin bidea; kooperazioa, elkarlana eta alkartasuna uztartuko dituen alternatiba.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleek NUPeko errektorearen euskararekiko jarrera salatzen du.
Gazte Abertzaleak, Eusko Alkartasunako gazte erakundeak, Antonio Pérez Prados errektoreak eta bere zuzendaritza taldeak euskara bezalako aberastasun eta altxor kulturalaren aurrean duten jarrera salatzeko ekintza erreibindikatzaile bat burutu du gaur goizean Nafarroako Unibertsitate Publikoan.

Orain urte bete Olentzerok Miguel Sanz eta Batasunari ikatza utzi zien bezela, oraingoan ere GAren gonbidapenari erantzunez, NUPera gerturatu da bere asto “erretore”k lagunduta bertako errektoreari merezi duena uztera: ikatza eta “Kulturaniztasuna eta aberastasun kulturala estimatzeko gidaliburua”.

Olentzero, “erretore” astoa eta beste hogei bat lagun kanpusa zeharkatu dute goizean goiz; ikastegiak, kafetegia…etb. “kalejira” errektoradutzako atean amaituz, izan ere eraikin hontara iritsi orduko ateak giltzaz itxi dizkiete segurtasun konpainiakoek.

Olentzerok egindako oparien zergatiak azaltzeari ekin dio atearen aurrean, sartzea ezinezkoa zela ikustean: “Hiru izan dira hontara bultzatu nauten arrazoiak; lehena Pérez Pradosek behin eta berriz azaltzen duen euskararekiko mespretsu eta begirune eza. Bigarrena euskararen normalizazioa aldarrikatzen dutenekiko erakutsitako bortizkeria. Eta azkenik zuzendaritza taldearen –errektorea barne noski- arduren ez betetzea”- izan ere hauek Nafarroako Legebiltzarrari igorri diote euskararen erabilera erregulatuko duen legearen egikaritzaren ardura; NUPeko estatutoen arabera erregulazio hau unibertsitate berari legokioke eta ondorioz Legebiltzarrera igorri izanak errektore taldearen borondatea argi erakusten du GAko kideen ustez.

Beherago argazkiak aurkituko dituzu(Sakatu lupan haundiagotzeko):

Olentzero llegando a la UPNA.	Ayudantes de Olentzero con el burro.
Camino del Rectorado.	Dentro de la UPNA.
Seguimos camino del Rectorado.	En la puerta del rectorado dejamos el carbón.
Olentzero cuenta a los medios la causa de traerle carbón al Rector.	Echando el carbón en la puerta.
Ayudantes de Olentzero con el burro.

Gaia: Politika orokorra

Urtero bezela, Gazte Abertzaleakeko kideok partidura joango gara geure selekzio propioak aldarrikatzera.

Eguerdian partidura joan baino lehen EA Sarean-eko deialdiarekin bat eginez bazkari bat edukiko dugu Bilbon bertan eta gero partidura joango gara.

Partidura apuntatu ezezik EA Sareaneko bazkarira apuntatu zaitez. Partidura apuntatzeko bidaliozu email bat Jon Aritzi eta bazkarira apuntatzeko bidaliozu EA Sarean-eko koodinatzailea den Iñakiri.

Bazkaria 14:30 izango da Kafe Antzokian, animatu zaitezte.

Anima zaitez!

Gaia: Euskal Herria

Eusko Alkartasunaren gazte elkarteak bere egonezina plazaratu nahi du Espainiako Ejerzitoa burutzen ari den maniobrak direla eta Euskal Herriko herritarrek pairatu beharreko etengabeko egonaldien aurrean. Garen iritziz, hau euskaldunon kontrako iraina eta guda kutsua duen ekimen harroputza baino ez da eta gizartean krispazioa sortu nahi du Espainiaren batasunaren zaintzailearen indar erakustaldi baten bitartez.

Gazte Abertzaleaken ustez “ Ejerzitoaren ohiko zabalpena Euskal Herrian badira baseak, tiro poligonoak eta kuartelen desagertzea aldarrikatzeko nahiko arrazoi momentu hauetan jasan behar ditugun maniobrekin Euskal Herria saturatzeko.

“Euskal Herrian gerrarako makinaria izateak suposatzen duen benetazko arriskuaz gain (armamentoa, helikopteroak, tankeak…), batez ere Espainiakoa bezalako ejerzito txapuzeroen menpean ( Ezkaba nola erre zen baino ez dugu gogoratu behar), bere erabakiak errespetatzen ez direla ohartzen den gizartearen krispazioarena ere badago” Gazte Abertzaleaken ustez. Zentzu honetan badira gogaratu beharreko hainbat adibide, hala nola, 86ko erreferendumean euskaldunok NATOri emandako ezetza, gure herriaren inplikazio paregabea Insumisioaren aurkako borroka antimilitaristan eta Bardeetako tiro poliginoaren kontra berriki egindako mobilizazioak.

Gazte Abertzaleakek ozenki esan nahi du “ Euskal Herria militarismos mota guztiaz nazkatuta dagoela, herri honetan azken urte hauetan sufrimendu eta hondamen gehiena sortu duena barne : ETA militarrena. Hau dela eta GAko zuzendaritzak Espainiako Ejerzitoaren erakusketa eta maniobrak iraintzat hartzen ditu batez ere Eusko Jaurlaritzak proposatutako marko berriaren inguruko eztabaida zabaltzen ari den momnetu honetan,maniobrak euskaldunon nahia PP eta PSEk defenditzen dutenaren aurka baletor Espainiak egin lezakeenaren adibide bailiran.

Hau guztiagatik , Gazte Abertzaleakek jakinarazi nahi du Euskal Herri desmilitarizatu baten aldeko manifestazioetan parte hartuko duela eta bakegintza nahiz demokraziarenaldeko eta gatazkak konpontzeko borroko militarraren erabileraren kontrako konpromisoa berretsi nahi du.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa

Gaur egun egiten dudan lanaren aspektu interesgarriena Euskal Herriko gizartean dauden hainbat eragile sozialekin harremanetan jartzeko ematen didan aukera da; arlo askotako eragileen dinamikak ezagutzeko parada, alegia. Maiz ezagunak izaten dira elkarteak eta egiten dituzten lanak. Beste askotan, berriz, ordura arte niretzat erabat edo ia guztiz ezezagunak ziren aspektu berriak azaltzen dizkidate. Hori gertatu zen, adibidez, asteartean nekazaritza ekologikoan diharduen elkarte bateko kideekin bildu nintzenean.

Nekazaritza ekologikoaren berri orokorra banuen, baina aitortu beharra dut nik nekiena ez dela ezer sektore horrek duen eta izan dezakeen garrantziarekin alderatuz gero.

Edozein gizartetako lehendabiziko sektorean nekazaritza ekologikoak duen garrantzia gizarte baten garapenaren datu erakusgarrienetarikoa izan daiteke, nekazaritza mota honen oinarrian kontzientzia ekologiko oso sakon bat baitago. Hori dela-eta, Alemania, Austria eta Suitza bezalako estatuek garatu eta landu dute gehien.

Nekazaritza mota honen kutsu ekologikoa ez datza ekoizpen prozesuan bakarrik, produktua merkaturatzeko prozesua ere kontuan hartzen baita. Bizia den organismoaren funtzionamenduaren alterazio kimiko guztiak ukatu egiten dira, animalia zein landarea izan, eta, horrenbestez, landareak edo animaliak hazteko behar duen prozesu naturala errespetatu egiten da, eta ez dira erabiltzen berau azkartzeko edo indartzeko naturalak ez diren produktuak. Horretaz gain, merkaturatzeko eman beharreko urratsak ere zaindu egiten dira, ekologikoki edo naturalki hazi den produktuak bere kutsu ekologikoa galtzen baitu kontsumitzailearengana heltzeko kamioi batek seiehun kilometroan garraiatu behar izan baldin baditu.

Ekoizpen mota honen oinarria kalitate kontzeptua da; ez, ordea, kalitatea definitzen duten aldagai batzuk soilik kontuan hartuta, aldiz guztiak bere osotasunean harturik: zaporea, osasunerako bermea, elikagarri konposaketa eta beste hainbat.

Ez dira asko oraindik ekoizpen mota honetara dedikatzen diren baserritar euskaldunak, beren kopurua urtez urte igotzen bada ere. Euskal Herriko landen ezaugarriak kontuan hartuta, eta gaur egungo nekazaritza ustiaketa bortitzak exijitzen dituen ekoizpen mota basatiak kontuan hartuz gero, zentzuzko epe luzeko apustua izan liteke nekazaritza ekologiko baten aldeko lana, gure produktuen kalitatea hobetuko duena eta baserritarren bizi baldintzak ere hobetuko dituena.

Gaian aditua ez banaiz ere, elkarte horien lanaren meritua onartzen dut eta bere omenez pozten naiz artikulu xume honek irakurlearen gogoeta piztu baldin badu.

Gaia: Justizia soziala

Egilea: Martin Aranburu

Komunikabidea: Gara

Pasadan ostegunean, Abenduaren 12an, Iruñeako Alkartetxe mitikoan Nafarroako Gazte Abertzaleak-ek antolatutako globalizazioari buruzko hitzaldia ospatu zen. Hartan, Gazte Abertzaleak-en bozeramaile den Maiorga Ramirezek, eta Gai Sozioekonomikoetarako idazkaria den Miguel de Andrés Frías-ek, Europear Foro Sozialean gertatutakoari buruzko hausnarketa egin zuten, hala-nola zeinolako espektatibekin aurre egiten dioten urtarrila amaieran Porto Alegren ozpatuko den Mundu Foro Sozialari.

Hizlariek globalizazio zuzenago baten aldeko mugimendua hitzetatik ekintzetara pasa behar dela azpimarratu zuten, eta bere eguneroko lana erakundeetan isladatzeko pausuak ematen hasi. Mundu askeago, zuzenago, berdinzale eta solidarioago baterantza aurrera egiteko gako batzuk aipatu ziren, guzti guzti honek Alkartetxearen batzar aretoa txikia egin zuen entzulego ugari baten aurrean.

Hizketaldien amaieran, jendeak parteartze zabala izan zuen, gai aniztasun handia ikutuz, Euskal Herriko Foro Soziala martxan jartzeko proposamenetatik elikadura zein nekazaritza gaietara, gaurko gizartean gure balioen aldaketa sakona bultzatzeko beharraren oharpenak ahaztu gabe.

Gaia: Globalizazioa

Web honetan jadanik iragarri dugunez, artikulu, berri… etabarren bidez, joandako Azaroan Florentzian ospatu zen I Foru Sozial Europearra.

Foru horretan Euskal Herriko ordezkaritza ugari bildu zen, eta han tratatutako gaien interesa ikusirik, Elkarlanean-Leioatik eta Gazte Abertzaleak-etik, oso interesgarritzat jo genuen han egondako batzuekin mahai ingurua antolatzea. Horiek Florentziara eramandako aldarrikapena herrien eskubideak bermatuko dituen Europa solidario eta justu baten eraikuntzaren aldekoa izan zen.

Mahai inguru horretan Josu Egireun, Hemen eta Munduan taldekoa, Mikel Noval, ELA sindikatukoa, eta Nekane Alzelai, Eusko Alkartasunako parlamentaria, bildu ziren.

Lehenengoz, EAko ordezkariak hitz egin zuen; zenbaki eta adibideen bidez globalizazio neoliberalak eragindako gizazpiko egoera antidemokratikoa plazaratu zigun, batez ere herrialde pobreenetan duen eragina, eta era berean Banku Mundialak, Nazioarteko Dirutza Fondoak eta Merkataritzarako Munduko Erakundeak prozesu honetan duten papera salatu zuen.

Bigarrenez, Josu Egireun, Hemen eta Munduan taldekoak, Florentzian gertatutakoaren berri zehatza helarazi zigun, eta nola, Berlusconi gobernuak Forua dinamitatzeko saiakerak egin arren, hauxe benetazko arrakasta izan zen, bertan 58.000 pertsonak hartu baitzuten parte. Baina, zalantzarik gabe, gauzarik aipagarriena Larunbata 9ko manifestaldia izan zen, non 800.000 pertsonak Gerraren aurkako bere aldarrikapena plazaratu zuten, era pakezale batez eta inolako istilurik gertatu gabe.

Azkenik, Mikel Noval, ELA sindikatuko batzordekidea, zehatz zehazki aztertu zituen Florentzian tratatutako gai nagusiak: Erasoaldi Neoliberala, Gerra eta Eskubide sozialak. Modu horretan, planetako herri guztiei giza eskubideak, eskubide sozialak, ekonomikoak eta kulturalak globalizatzearen garrantziari ekin zion eta herriek duten eskubidea, beraien etorkizuna askatasunez eta era demokratiko batez erabakitzeko, bereziki aipatuz. Era berean, EEBBek, nagusiki, egiten duten Gerraren erabilera, beraien interes ekonomikoen aldekoa, salatu nahi izan zuen.

Baina zalantzarik gabe aldirik interesgarrien eta animatuena azkenengoa izan zen, Zientzia Sozial eta Komunikazioetako Fakultateko Areto Nagusian bildutako pertsona ugarik hizlariekin eztabaida interesgarri izateko aukera izan zutenean.

Gaia: Hitzaldia

Amnesty International erakundeak Errusian gertatzen den giza eskubideen urraketa azaltzeko eta salatzeko kanpaina jarri zuen martxan astelehenean. Horren bidez, AIk iritzi publikoaren kontzientziazio lan bat jorratu nahi du; alde batetik, Txetxenian gertatzen ari dena gogoraraziz, eta, bestetik, Errusian bertan milaka eta milaka biztanlek bizi duten zapalketa sistematikoa plazaratuz.

Sobiet Batasuneko sistema komunistatzat jotzea zuzena ote den ez da gaur hizpide, baina munduko bigarren potentzia militarrak, ustez komunismoan zegoela, giza eskubideen urraketa indibidualak eta kolektiboak egin zizkion bere biztanleriari; besteak beste eslaviar zuriak ez ziren etnien aurka, iritzi politiko desberdinak zituzten hainbat herritarren aurka eta sistemak onartezintzat jotzen zituen bizimoduak hautatzen zituztenen aurka. Gutxi dira gaur egun egia historiko hori ukatzen dutenak, joera ideologiko stalinista batzuk salbu, eta ezker eta eskuinaren gaur egungo debate ideologikoan oso erabilia da SESBeko egia latz hori ezkerraren aurkako erasoak egiteko. Zilegi litzateke ezkerrari erasotzea lehenaldian egindako akatsengatik, baina zilegitasun hori zalantzan jartzen da baldin eta argudio hori erabiltzen dutenek ez ikusiarena egiten badute eskuina denean egia latz horiek praktikan jartzen dituena. Gaur egungo Errusia aztertuta, non daude orain ezkerrari giza eskubideen urraketak leporatzen dizkietenak? Putin eslaviarra ez den herri baten genozidio sistematikoa egiten ari da egunez egun Txetxenian, eta, horretaz gain, Errusia zaristaren ezaugarrietako batzuk biziberritu ditu, adibidez, gutxiengo etnikoen, behartsuen aurkako torturak eta jazarpenak, espetxeetan dauden emakumeen eta umeen aurkako esplotazio eta eraso sexualak. Halere, ukaezina den errealitate horri komunismo adjektiboa gehitzerik ez dagoenez, ezinbestekoa da ezkutatzea, eta, agertuko balitz, ukatzea. Fidel Castrori prentsa askatasuna ez dagoela leporatzen dioten bitartean, onartzen dute Putinek hedabide denei informatzeko duten eskubidea ezeztatzea, Txetxenian sartzea debekatuz. Eta zer esanik ez, Milosevic gaur egun Hagako epaitegian badago, zein da Putin bertan ez egotearen aitzakia? Gure gizatasunaren alde, Kontzientzia bikoitz horren aurkako borroka egin behar dugu une oro eta leku oro.

Amnesty Internationalen gaineko gogoeta helarazi nahi dizuet artikulua amaitu aurretik. Akatsak akats, lasaigarria da nazioarteko erakunde garrantzitsu batek azterketa parametro berdinak erabiltzea egoera guztien analisia egiteko garaian, salatu behar dena salatuz. Batzuek asko eskertzen dugu bere lana, eta ildo berean jarrai dezala eskatzen diogu.

Gaia: Giza eskubideak

Egilea: Martin Aranburu

Komunikabidea: Gara

Juventudes Andalucistas erakundeak gonbidatuta, GAZTE ABERTZALEAKEKO ordezkaritza bat Malagan kokatutako Torremolinos herrira joan zen, talde andaluzista honek antolatutako hezkuntza jardunaldia batzuetan partehartzera. Bertako mahai inguru batetan, zenbait gazte erakunden ordezkariek euren errealitate politiko eta hausnarketa ezberdinak azaldu zituzten.

Ekintza konkretu honetaz gain, han emandako egunak egungo estatu espainolaren ereduaren aurka dauden beste erakundeekin harremanak sendotzeko erabili genituen. Hauek, herrien autodeterminazio askea bultzatuz, gurea bezalako diskurtsoa defendatzen dute, gaurko kontserbadurismo morala eta neoliberalismo ekonomikoaren kontra hain zuzen ere. Manipulazio informatiboaren aurkako borroka eta gure mezua eta hausnarketa politikoaren gizarteratzea Euskal Herriko mugetatik kanpo azaltzea da GAren Nazioarteko Harremanetarako Idazkaritzak bultzatuz jarraituko duen lan garrantzitsua.

Informazioa bidaltzen jarraituko dugu, andaluziako lagunei tratu eta harrera ona eskertuz.

Gaia: Hitzaldia