Gazte Abertzaleak-eko kide batzu Baionan, Batera plataformak deituriko manifestaldian izan ginen larunbatean, bestak beste Batera plataformarentzat dirua biltzen, sostengu bonoen bidez. Euskal Herria departamentua, Euskararen Koofizialtasuna, Berezko Unibertsitatea eta Laborantza Ganbara galdetzen dituen plataformak konbokatutako manifestaldia, euri jasa handiaren pean pasa zen. Eguraldi txarra izan arren, 7000 lagun bildu ginen Baionan aldarrikapen horiek sustengatzeko.

Aldarrikapen horiek, ezkerreko, eskuineko, abertzale eta ez-abertzale diren jendeak babesten ditu Iparraldean, ideologia politiko guzi horien gainetik, eta Baionan, aldarrikapen horiei buruzko Raffarin lehen ministroaren ukapenari erantzuteko bildu gira.

Etiketa politiko desberdinetako dozenaka hautetsik (65 alkate, hamar bat kontseilari orokor, 200 eta 300 arteko zinegotzi) parte hartu dute 110 elkartek antolaturiko manifestaldian.
Manifestaldi hau, luzera joko duen kanpaina baten hasiera besterik ez zen, eta Baterak hilabetero antolatuko dituen ekintzetan parte hartzen eta ekintza horiek antolatzea laguntzen saiatuko gira GAkoak, gutxienez hurrengo Urrian izango den manifestaldi erraldoia arte.

Gaia: Politika orokorra

EA- ko gazte- erakundeak desobedientzia zibileko- deialdia egiten du Euskal Herriko gaztedia Donostiara joan dadin ekitaldietan parte har dezan.

Hurrengo larunbata 1-ean, eguerdiko hamabietan, Donostiako Konstituzio enparantzan “Desobedientzialariak” Gandhiren heriotzaren 56. urteurrena oroitarazteko antolatutako ekitaldietan parte hartuko du Gazte Abertzaleak.

Erakunde abertzale- aurrerakoiaren aburuz, positiboa da oso Gandhiren irudia ez ahanztea bakezaletasunaren irudia izateaz gain, bere herriaren eskubide nazionalak eskuratzeko azkeneraino borrokatu egin zuelako baliabide baten bitartez, Gazte Abertzaleak osoki eskuratu duena: Desobedientzia Zibila.

Horrela, EA- ko gazte- erakundeak argi eta garbi dio, Gandhik, bere ekintzen formulazioaz, hurrengo belaunaldiei aukera askoko bide bat irekirik utzi ziela eta hauek bide honetaz baliatu behar dira eta aurrera eramaten ikasi behar dute egoera desberdinetan. Ondorioz, Gazte Abertzaleak biolentziaren aurrean tinko mantentzetik eta bere bake konpromezua aurrera atera nahian, segurtasun osoz, Desobedientzia Zibilaren apustua aurrera eraman nahi du Euskalherriaren eskubide nazionalen aldarrikapenak eta ondorioz, errespetua eskuratzeko baliabide bakarra bezala. Zentzu honetan kokatu dezakegu pasa den Urrian Gazte Abertzaleko Batzorde Nazionalak espainiar nazionaltasuna arbuiatzea, bere nortasun agiri nazionalen entregarekin, instantzia internazionaletara eramanak izan zirelarik ikus zezaten nola euskal lurretan espainiar nazionaltasunaren inposaketa ematen ari den. Gazte Abertzaleak desobedientziaren aldeko hainbat ekintzetan parte hartzeaz gain, aurreko Maiatzeko Biltzarrean txosten politikoan estrategia desobedientzailearen bidea jarraitzearen beharra eta bideragarritasuna berretsi zen, edozein biolentzi estrategiaren aurka agertuz eta beti ere, herri hau aurrera ateratzeko hain beharrezkoa den elkartasuna sustatuz.

Bestalde, Gazte Abertzaleak dio Gandhiren irudia askotan modu alderdikarian erabilia izan dela eta honen aurrean galdera izango litzateke ea ze nolako jarrera hartuko luke gaur egungo Euskalherria bizitzen ari den egoeraz berri izango balu. Horrela, nota hau amaitutzat ematen du erantzunik gabeko suposizio hipotetiko batzuk proposatuz:

- Aisa, Gandhi ETA -ren estrategia bortitzaren aurka jarriko litzateke, baina konstituzioaren aldeko agertuko zen?
- Bere nortasun agiria nazionala publikoki apurtuko balu ze nolako interpretazio egingo liokete ekintza horri?
- Ez luke ezer esango egun Gobernu espainiarrak bideratzen ari gaitun Irak -en aurkako gudan?

Gaia: Giza eskubideak

Egilea: Gazte Abertzaleak

Komunikabidea: Prentsa Oharra/Nota de prensa

“EA-ko gaztediari lotsagarri iruditzen zaie Gobernuak egindako “Zubiarte” euskaltegiaren inaugurazioa, ikasturtea orain dela hiru hilabete hasi zelako eta azpiegitura gabe klaseak eman behar izan dituztelako, besteak beste. Aldi berean, Iruñeako udaletxeari kritika zorrotza egiten diote argitaratu berri duen “La juventud de Pamplona a las puertas del siglo XXI” liburua gazteleraz soilik idatzia dago eta.”

Gazte Abertzaleak, Eusko Alkartasuneko gazte antolakundea, Sanz jaunaren Gobernuaren eskutik egindako “Zubiarte” euskaltegiaren inaugurazioaren dela eta, ekintza hau euskara eta hizkuntza hau erabili nahi dutenen kalterako egina izan dela dio, kontutan hartu behar baita, ikasturtea orain dela hiru hilabete hasi zela eta azpiegitura eskasiarekin ibili behar izan dutela.

Honen bestez, Gazte Abertzaleak Nafarroako exekutibori euskaltegira iristeko dauden garraio arazoak konpontzeko irtenbiderik bilatu ez izana aurpegiratzen dio, “UPN buru den Nafar Gobernuarentzat ez baita ikusten arazorik, bere kultur planteamendu uniformatzailearen aurrean kritikoki mantentzen ari diren pertsonei ez bezala”.

Gazte Abertzaleaken iritziz, “Zubiarte” euskaltegiaren egoera UPN-k euskararekiko daraman politikaren adibide argia da. Maiorga Ramirez prentsa arduradunaren ustetan “UPN-k euskara inkomunikatutako leku batean bazterturik utzi nahi du, non ikasi nahi duenak, oztopo- oztopoz, mediorik gabe ikasi beharko dutena; baina noski, inaugurazioaren argazkia ezin da falta. Lotsagarria eta zitala da, nafar kulturaren altxorrik handiena hiritarren interesak defendatu behar dituztenen muzinak eta bazterketa izatea”.

Modu honetan, Gazte Abertzaleak “Zubiarte” euskaltegiko ikasleekin atxikia erakusten du eta egoitza honek izan behar dituen azpiegiturak eta garraio baliabideak izateko aldarrikapenetan bat egiten du.

Bestalde, Iruñeako Udaletxeak gaztelania hutsez argitaratu berri izan duen “La juventud de Pamplona a las puertas del siglo XXI” liburuaren aurrean, Gazte Abertzaleak sumindura erakusten du paradoxiko xamar iruditzen baitzaio liburu hori zuzenduta dagoen adin- taldeari gaztelaniaz bakarrik eskaintzea, talde honek duen euskararekiko ezagupena, erabilpena eta atxikimendua kopuruz handiena delako, beste adin- taldeekin konparatuz gero. Maiorga Ramirezen iritziz “Iruñeako Udaletxeak erakutsitako jarrera iraingarria da oso; batez ere, liburuan argitara ematen den inkesta, gazteak euskararekiko duten atxikimenduaz ari denean, non gehiengoak bat egiten duen euskararen sustapenaren beharrean”.

“UPN-k euskararekiko duen jokabidea nafar gizarte errealitatearen aurrean doilor, totalitarioa eta nekez, itsua da. Alderdi honek eragina duen edozein esparrutan euskararen aurkako obsesioaz kutsatzen du, nahiz eta bere ekintzek irizpide kulturaletatik, linguistikoetatik, honenbestez edozein pertsonen sen onetik, eta batzuetan, indarrean dagoen legezkotasunetik, aparte egon”, amaitzen du esanez Gazte Abertzaleko bozeramaileak.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa