Aurreko asteazkenean, urriaren 6an, Estatuko segurtasun indarrek
egindako atxiloketak direla eta, Gazte Abertzaleakek hurrengo puntuak
azpimarratu nahi ditu:

1. Ustezko errugabetasuna mantendu eta atxilotuen eskubideak
errespetatzea exigitzen dugu.

2. Estatuko segurtasun indarrek eta Guardia Zibilak egin ohi dituen
tortura kasuak zigortu edo desagertarazteko berme gabezia salatzen
dugu.

3. Modu berean PPko gobernuak darabilen Euskal Herriko gazteriaren
kriminalizazio sistematikoa salatzen dugu. Honek, gure ustetan, gure
herriak pairatzen duen bortizkeriazko akzio-erreakzio zurrunbiloa
indartu baino ez duelako egiten.

Gizarte eta politika gatazkari bide zibiletatik, eta ez
militarretatik, egin behar zaiola aurre uste du Gazte Abertzaleakek.
Ondorioz, bazterketarik gabeko elkarrizketa eta guztion eta norbere
eskubide guztien errespetuaren alde egiten dugu.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak eta DesobedientEAk-eko kideek desobedientzia zibilaren bidea hautatzen dute Euskal Herriko gatazka gainditzeko tresna gisa.

Datorren larunbata, urriak 11, Amurrion Desobedientzia Zibilaren 3. eguna ospatuko da. Oso egitarau erakargarri batekin, ABK, DesobedientEAk DEMO, ZUZEN eta Desobedientzialariak taldeek egun berezia antolatu dute desobedientzia zibilaren aldarrikapenaren inguruan.

Goizeko 12:00etan hastekoa den ekitaldi honetarako taillerak, herri bazkaria, mahai ingurua eta beste gauza asko prestatu dituzte, eguna oso kontzertu indartsuekin bukatzen delarik.

DesobedientEAk-en koordinatzaile den Gaizka Barañanoren ustetan “desobedientzia zibila aldarrikatzen dugu gure herriaren askatasuna lortzeko bide bezala, askapen nazional zein sozialerako zilegizko bide bezala, indarkeria mota guztiak gure ingurutik baztertzeko apostu gogorra egitearekin batera”.

Beraz, egun honetan gure aldarrikapena indartzeko eta gure gizartean beharrezko bihurtu den mugimendu honetan gehiago murgiltzeko asmoarekin Desobedientzia Zibilaren 3.eguna ospatzeko Amurrion elkartuko gara.

Gaia: Giza eskubideak

Egilea: Gazte Abertzaleak

Komunikabidea: Prentsa Oharra/Nota de prensa

EAko gazte erakundeak Euskal Herriko gizartea deitzen du datorren asteburuan Baterak “5000 enplegu Euskal Herriarendako” leloarekin egin duen deialdiagatik ospatuko den manifestaldira joateko.

Gazte Abertzaleak larunbata honetan Baionan ospatuko den Batera-ko plataformak antolatutako manifestaldira joango da, bertan aurkezten diren aldarrikapenei atxikituz. “5000 enplegu Euskal Herriarendako” lelopean eta euskararen koofizialtasuna, euskal departamendua, laborantza ganbara eta berezko unibertsitatea aldarrikatzen duten eskakizunekin bat eginez Gazte Abertzaleak-ek bere laguntza eta konpromezua Baterari eskaintzen dio, honetan aurkezten diren aldarrikapenak bereganatuz eta manifestaldian parte hartzen.

Gazte Abertzaleak-en Iparraldeko garapenari bultzada ekonomiko, kultural zein gizarte garapena lortzeko, aurkezten diren aldarrikapen guztiak ezinbestekoak direla uste dugu. Hauek gure identitate nazionala, eta gune honen gizarte joritasuna zein ekonomikoaren babesa bermatzeko gai garrantsitsuak eta beharrezkoak dira.

Gure herriko lurralde honek aberrigintzan aurrera pausoak emateko jasan behar dituen zailtasun bereziak kontuan hartuta, Gazte Abertzaleak-en ustetan gaur, inoiz baino gehiago, bere militanteek eta Euskal Herriko beste agente politiko zein sozialek ekitaldi honetan laguntza eta konpromezua manifestaldi honetan adierazteko aukera aparta dute.

Zentzu honetan, Gazte Abertzaleak-eko idazkari nagusi den Andoni Iturzaetak “indarrak batuz eta talde aniztasunaren ikuspuntu zabala kontuan hartuta, zeharbidez gure geroa erabakitzeko eskubidea exigituko dugu autodeterminaziorako eskubidearen berma eskatuz, gero gure herriaren soberaniaren alde burrukan hasteko” ideia adierazten du.

Guzti honengatik, Gazte Abertzaleak erakundeak datorren larunbatean arratsaldeko 16:00etan Baionan ospatuko den manifestaldirako deialdia luzatzen die Euskal Herriko gizarte agenteei, politikoei eta gizarteari orokorrean, euskararen koofizialtasuna, euskal departamendua, laborantza ganbara eta berezko unibertsitatea aldarrikatzeko.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa

Maiatzean Eusko Legebiltzarrak EAren eskuz adostutako Bikoeteen Legeari Espainiako Gobernuak errekurtsoa ezarri dio. Konkretuki adopzio eskubidea ukatzeko. Beraz Bizigay taldeak, beste taldeekin batera, manifestazio deialdia egiten du errekurtso horren kontra egiteko. Gazte Abertzaleakeko kideek ere han egongo gara.

Gaia: Giza eskubideak