Pasa den asteburuan, abenduak 14 eta 15, Esquerra Republicanako gazteek euren Biltzar Nazionala ospatu zuten Barçelonan. Hori dela eta GAko delegazio bat gerturatu zen bertara gure erakundearen anaitasuna eta aldarrikapena erakusteko gure lagun katalanei.

Andoni Iturzaeta, Iñaki Sánchez eta Harkaitz Millan izan ziren gure ordezkari moduan bertaratu zirenak eta gerora azaldu digutenagatik oso harrera ona jaso zuten bertakoen eskutik.

Jerc-en Biltzar honetan ponentzi bakar bat eztabaidatu zuten eta emendakin kopuruari begiratuta adostasun handia zegoela esan dezakegu. Eztabaida politikoaz gain, egun hauetan Batzorde Nazionalaren berritzeari ere ekin zioten; zentzu honetan aipagarriena urte askotan zehar Idazkari Nagusia eta bozeramailea izan den Uriel Bertrán-en kargu uztea izan zen. Uriel-en lekua, aurrerantzean Pere Aragones-ek beteko du eta lerro hauetatik animoa eta zorte on guztia desiatzen diogu ekin behar duen ibilbidean aurrera jotzeko.

Bestetik aurrerantzean Uriel Kataluinako Legebiltzarrean arituko da, legebiltzarkide moduan, pasa diren azken hauteskundeetan lortutako arrakastaren ondorioz (gogoratu boto kopurua bikoiztu zutela).
Garai itxaropentsuak datoz dudarik gabe. ERC gobernuan arituko da ICV eta PSCrekin batera eta ziur gaude horrek ondorio interesgarriak izango dituela gure herrira begira.

Beraz animo Pere, besarkada bat Uriel eta batez ere Força JERC, força Ezquerra.

VISCA LA TERRA!!!
VISCA CATALUNYA LLIURE!

Gaia: Internazionala

Urte guztietan daude ekintza onak edo txarrak. Aurten ere Olentzerori dagokio UPNAn egindako lanari ikatza edo opariak ematea.

Gaia: Euskal Herria

Asteburu honetan JERC-ek, Esquerra Republicana de Catalunya-ko gazte erakundeak, bere XIX. Kongresua ospatuko du Bartzelonan.

Pasatako hauteskundeak eta haietatik sortu den egoera berriak, nahitaez, presentzia berezia izango du asteburu osoan zehar. ERC-k izandako emaitza paregabeak eta Generalitateko Gobernu berriaren osaketak gazte erakunde honen kongresua ilusio eta esperantza bereziaz jantziko du.

Gazte Abertzaleak-eko kideak han izango dira, Batzorde Nazionaleko hiru ordezkarik JERC-ko kongresuan parte hartuko dute elkarren arteko ikuspuntuak eta prozedurak uztartzeko.

Bai Catalunya bai Euskal Herria nazio eta herri diren heinean GAk eta JERCek bi herrien askatasunaren alde egiten dute elkarrekin, horretan datza eguneroko lana eta borroka, horretan jartzen dute ilusioa eta esperantza. Kongresu honetara joango diren GA-ko kideen presentziak bi gazte elkarteen arteko alkartasuna eta lotura sakona adierazteko, mantentzeko eta gogortzeko balio izango du.

Gaia: Internazionala

Egilea: Gazte Abertzaleak

Komunikabidea: Prentsa Oharra/Nota de prensa

Duela gutti gora behera urte bat, zutabe huntan bertan, egitasmo berri bat aipatzen nuen. Elkartetxeko Kultur Taldea aspalditik bizi bazen ere, Pannecau karrikako egoitza berriarekin garai berri bat hasten zuen. Kideek hameka ideia eta proiektu berri ginituen buruan eta oso iritzi baikorra ginuen elkartearen etorkizunari buruz.

Urte bat geroago, bilana egiteko tenorea heldu da, baita heldu den urteko egitasmoak planifikatzeko ere bai. Hori heldu den larunbat goizean eginen dugu, goizeko 10etatik aitzina Elkartetxean.

Bilan gehienetan bezala, alde baikor eta ezkorrak agertzen dira. Ez ditugu hasieran aurreikusi ginituen ekintza guziak gauzatu. Bainan denbora berean, perspektiba pixkatekin, gauza asko eginak izan direla ohartzen gira, eta haien artean, aurreikusiak ez ziren batzu ere bai.

Erakusketen lan-taldea karraskan aritu da lanean. Hala, Euskal Herri osotik jiniko artistek, pintura, eskultura eta beste mota batzuetako arte lanak erakusteko parada izan dute Baiona erdi erdian. Gure herriari edo beste hainbat herri guttitueri buruzko hitzaldiak ere ez dira gutti izan. Lehen hitzaldia Noel Elorga jaunak egin zuen, “Euskaldunak munduan” duten bizia aipatuz. Gero, Kortzikari, Bretainiari edo marea beltzei buruzkoak izan dira besteak beste. Indiar kulturak ere bere tokia izan zuen ihauterietan, Elkartetxea kolore bizietan apainduz. Bitartean, gure herria hobeki ezagutzeko bidaiak antolatuak izan dira, eta baita hegoalde eta iparraldeko jendeen arteko harremanak sortu eta sakontzeko ere. Lokala une berezietan, ostatu modura irekirik egon da, ihauterietan, Baionako bestetan, urtezaharrean edo Batera-ren bigarren manifestazio handiaren landan. Berriki, Maiatz-ek jardunaldi batzu antolatu zituen, kulturaren topagunea izaitera nahi dugun leku hortan. Bestalde, lokala ireki zelarik pentsatu ez bazen ere, antzerki bat ikusteko parada izanen da laster, Ostiral gau huntan hain zuzen!
Elkartetxeko egitaraua oparoa izan dela ezin uka beraz. Hasierako helburu batzu bete ditugu: Euskal Herriko eta herri ez ezagunetako kultura (bereziki herri guttituetakoa) ezagutaraztea, ongi kokatua den lokalaren faltan, haien egitasmoak aitzina eramaiteko zailtasunak dituztenekiko elkartasuna; Euskal Herriko hego eta iparraldeko jendeen arteko harremanak bultzatzea…
Heldu den urtera begira, egitasmo berriak ere agertzen dira: euskal dantza klaseak emaitea, herri ttipietako beste elkarte kultural batzueri lokala uztea edo Euskal Herriko egoera politikoari buruzko hitzaldi batzu antolatzea besteak beste. Elkarte irekia izaiten segitu nahi du EKTk, beraz zuk ere egitasmo bat baldin baduzu, joan zaitez lasai larunbat goizeko bilkurara eta han proposatu ezazu. Segur naiz beste kide batzuen laguntza izanen duzula!

Gaia: Euskal Herria

Egilea: Haritza Camblong

Komunikabidea: Le Journal du Pays Basque

Ikurriñaren Legalizazioaren Eguna

Gaia: Euskal Herria

Urtero bezala Gazte Abertzaleakak han egongo gara euskal selekzioak bultzatzeko.

Gaia: Euskal Herria

Europako Gizarte foroaren inguruko ekintzekin jarraituz, Abenduaren 3an Gasteizko Gazte Abertzaleak-ak hitzaldi bat antolatu zuen Parisen gertatu zena aztertzeko. Hitzaldi honetan, Gasteizko Alkartetxean ospatu izan zena. Nekane Alzelai(EA) Antonio Escalante (Gasteizkoak) eta Miguel de Andrés-ek(Gazte Abertzaleak) parte hartu zuten. Azken momentuan, Mikel Noval, ELA-ko ordeazkaria, ezin izan zuen hitzaldian parte hartu.
Hitzaldiaren helburu nagusia zen Foroan bi ardatzak nagusitu zutenak aztertzea: Europako Konstituzioa eta Gerra.
Miguel de Andrés-ek, GA-ko Sozioekonomiaren idazkaria, entzuleei azaldu zizkien Foroaren puntu aspimarragarriak: partehartzaileak, manifestaldia, mintegiak….. eta gogoeta sakon bat planteatu zuen Europako Konstituzioaren inguruan. Horrela, herrialde guztiak eta gizarte eskubideak errespetatu dezala Konstituzio bat aldarrikatu zuen.
Bere partez, Nekane Alzelai EA-ko legebiltzarkideak globalizazioan erdiratu zuen bere interbentzioa, eta azaldu zuen zein den Gizarte Foroek jokatzen duten papera.
Bukatzeko, Antonio Escalantek, antimilitarista dena, gerraren inguruko bere iritzia eskaini zigun, eta gerraren aurka egunero borrokatu behar dugula argitu zuen , eta instituzioei neurriak hartarazten diegula arlo guztietan: hezkuntzan, enpresei emandako diru laguntzetan……….
Hitzaldia nahiko aberesgarria izan zen eta lagundu zigun Parisen tratatu zena ondo ulertzeko.

Gaia: Globalizazioa

Eusko Legebiltzarreko kide den Gorka Knörr gaur deklaratzera deitu dute, Sozialista Abertzaleak legebiltzar taldea ez disolbatzeagatik.

Gazte Abertzaleak-eko hainbat kidek, Bilbon, Euskal Herriko Auzitegi Goreneko egoitzara joan dira Eusko Alkartasuna-ko legebiltzarkidearen alde egiteko eta berekiko alkartasuna adierazteko.

GA-ek Gorka Knörr desobedientzia delitu batengatik epaitua izaten ari dela gogorarazi nahi du, bere ideiekin koherentzia mantentzearen alde erabakia hartuta ,Sozialista Abertzaleak legebiltzar taldea disolbatzearen kanpotik etorritako agindu inposatuari muzin egiteagatik. “Demokratikoki aukeratua izan den legebiltzar baten mahaiko kide baten bozkaketa behartzen duen epailerik ez da egon behar ” dio Gazte Abertzaleak.

Gaze Abertzaleak, Euskal Herritik bertatik eta Europa guztitik etorritako alkartasun eta prozesu ireki honen salaketa adierazten duten deklarazioei atxikitzen da, kanpo epaitegiek Eusko Legebiltzarreko aktibitatean era ulergaitzan sartu izana kritikatuz eta Gorka Knörr, Juan Mari Atutxa eta Kontxi Bilbaok mantentzen ari diren jarrera txalotuz.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa

EZ GARA SARTZEN, EZ DUGU SARTU NAHI.

Aurten ere, abenduak 6a heltzeko dagoenean espainiar konstituzioa aipatu beharrean gaude. Baina urte honetan, inoiz baino gehiago honen inguru mugimendu handiagoa ikusten da, bai Euskal Herritik bai Katalunyatik datozen konstituzioaren aldaketen eskaerak direla eta.

25 urte dira espainolen konstituzioa aprobatu zenetik eta honek, Euskal Herri mailan bizi dugun egoera politiko berezia kontuan hartuta, ospaketan interes handia eragiten du espainolen sentimendu nazionala asetuz eta areagotuz.

Euskal Herrian erakunde eta alderdiak badira aste bat daramatela ospakizun hau prestatzen hainbat ekitaldiekin, eta Gazte Abertzaleak-en ustetan, honenganako debozioa baino gure herriko giro politikoa astintzeko asmo ezkutua dago.

Gogorarazi nahi dugu gaur konstituzioa hain era oparoan ospatzen duten askok, bere kontra azaldu zirela bere sorreran. Gaur, ostera, bere alde eta bere oinarri diren “printzipio gorenak” defendatzen tinko ari dira. Dena den, “hitzetan” geratzen den defentsa honek, konstituzio honen ezarkera murritza eta esklusiboa agerian uzten du eta pasatako garaietatik etorritako eta oraindik bizirik dirauten interesak ez ditu ezkutatzen.

Guk, Gazte Abertzaleak-eko kideek ez dugu lekurik konstituzio honetan. Bere printzipioek ezta beraietaz egiten den irakurketa ez gaituzte asetzen, eta errotik baztertzen gaituzte.

1978.eko Konstituzio espainolean ez dago guretzako lekurik, konstituzio honek ezartzen duen espainol nazionaltasun sentimenduekin bat ez datozen hiritarrentzat ez dago lekurik. Baina honek ez gaitu haserratzen, ez gaitu tristatzen. Aldiz, honetan lekurik ez izateak pozten gaitu, HERRITZAT HARTZEN EZ GAITUEN KONSTITUZIO BATEN PARTE IZATEA EZ DUGU NAHI.

Herri bat gara eta herri garen heinean gurea eta guretzat den konstituzioa nahi eta behar dugu. Gure eskubideak bermatuko dituen konstituzioa eta gure naziotasunari moldatuko zaion konstituzioa. Euskal Herria subirano eta independiente baten hiritarrentzako konstituzio bat.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Nafarroako eta Euskararen eguna ospatzen dugu abenduaren 3an, eta ez da kasualitatez, Xabier deuna euskal hiztuna baitzen. Sanzen gobernuak daraman hizkuntz politika kontutan hartzen badugu paradogikoa dirudi egun berberean bi ospakizun hauek bat egitea. UPNrentzat euskara eta Nafarroa bateraezinak baitira, lehian iharduten bi ezaugarri, bi paralelo elkarezin.

Nafar agitariek aho bete hortz geratzen dira “beraien” herria anitza, askea eta beste erkidegoentzako eredugarria dela esanez, noski, euskaldon eta abertzaleon eskubideak zanpatuak darraiten bitartean eredu garbia izango baita Espainiar estatuko gobernuarentzat baina ez ordea geure herriarentzat. Nafarroako hinkuntza, kultura, ohiturak…halaber nortasuna itotzen sailatzen duzuten heinean gure herriarekiko errespetu gabezia adierazten jarraituko duzute.

UPNko politikari oro: ez zarete nafar bakarrak, nafartasuna ez baita zuen alderdiari lotua dihoan zeozer, euskalduna eta abertzalea izateak ez du esanahi Nafarroa maite ez dugunik, are eta gehiago esango nuke, Nafarroko benetako espirituaren isalda adierazten dugula, konkistatua izan aurreko Nafarroa: askea, bere legeen jabea eta bere herrialde anaiekin batera iharduten zuena.

Zailatsunak-zailtasun, oztopoei, lege arrotzei aurre eginez euskara goraka doa Nafarroan batez ere eremu ez euskalduna deritzanean, geure hizkuntza zaindu eta batez ere erabili behar dugun altxor bat delakoaren ideia lekua hartzen baitoalako gizartean, Euskara eta Nafar izatea bategarria eta osagarria delako.

Mugak jarriko dizkigute baina aurrera jarraituko dugu, geure herria bere osotasunean errespetatzen dugulako eta egunen baten Nafarroako herria hitza hartuko du beingoz, ez egunean daukagun marko foralaren ezarreraren moduan, Nafar guztion hitza berdin balio duelako, bai Beran, Kortesen, Zuñigan zein Garden bizi.

Gaia: Euskal Herria

Egilea: Estitxu Iturrate

Komunikabidea: Berria