Orain dela hilabete batzuk, GAZTE ABERTZALEAKen kide batzuk, DEMOekin batera, ekintza batean parte hartu zuten. Euskararen erabilera eta ofizialtasuna aldarrikatu nahi zuten eta horretarako mus txapelketa bat antolatu zen trenbideetan. Orain, GA-en kideak eta 68 DEMOAK epaituta izango dira. Paben egongo gara gure atxikimendua emateko.

Gaia: Euskal Herria

Orain dela hilabete batzuk, GAZTE ABERTZALEAKen kide batzuk, DEMOekin batera, ekintza batean parte hartu zuten. Euskararen erabilera eta ofizialtasuna aldarrikatu nahi zuten eta horretarako mus txapelketa bat antolatu zen trenbideetan. Orain, GA-en kideak eta 68 DEMOAK epaituta izango dira. Paben egongo gara gure atxikimendua emateko.

Gaia: Euskal Herria

Pasa den Larunbatean (Maiatzak 22) 50 militante inguru bildu ginen Bilboko Bilborock gunean Mikel Irujorekin, Eusko Alkartasunaren Europarako hautagaia, solasaldian aritzeko. “Herrien Europa” lelopean, Mikelek egun Europan dauden erakunde eta antolaketa azaldu zituen. Askotan Parlamentua, Komisioa edo Kontseilua urrunegi dirudite Euskal Herriko hiritarrontzat baina arlo askotan hartzen dituzten erabakiak funtsezkoak dira.

Kontseilua da, Parlamentuaren gainetik, erabakiak hartzeko dagoen erakunderik gorena. Bertan Estatuko ministroak hartzen dute parte, eta argi dago Euskal Herria momentuz estatua ez denez, ez dagoela hantxe ordezkatuta. Espainiak edo Frantziak nahi izanez gero hau zuzentzeko tresnak euren eskuetan dituzte, baina Alemaniak, Erresuma Batuak edota Austriak erabiltzen duten sistemari uko eginez haiek bereganatzen dute ordezkapen osoa, gure konpetentziak direnak –arrantza, nekazaritza, zergak,…- euren gain hartuz.

Argi eta garbi ageri zen ere Europak momentuz ez duela justizia sozialean inolako aurrerapenik emango, Estatuek kide berriei nolabaiteko neurriak ezartzen dizkieten arren (batik bat langileen joan-etorri libre dela eta),euren baitan eta beste arazo guztietan (oinarrizko errenta, langabezia, despidoa, enpresen onuren kontrola,…) ez dute neurriak ezartzeko inolako interesik. Ingurugiroan ere zer esan asko dugu, gure politiko taldean (ALE) Europako Berdeak daudelako eta asko dira oraindik bete beharrrekoak ongizatezko etorkizuna bermatzeko.

Guztion Europa izan behar duena gutxi batzuen esku dago orain, komunitate linguistiko txikiek (katalana txikitzat hartzen badugu) edo estaturik gabeko herri eta nazioek lan handia dugu Estatuen Europa honetan gure ahotsa entzunarazteko.

Oso hitzaldi-ikastaro emankorra izan zen eta izandako bi orduak gutxiegi izan zirelakoa dugu. Halere hilabete honetan Mikel Irujorekin izateko aukera izango dugu, eta bestelako gaiak ere argitzeko momentua.

Gaia: Internazionala

Sorgintxulo Gaztetxeak 5 urte daramatza Santutxuko auzoan lan egiten autogestio eta auzo bileretan. Ikastaroak eta kultur ekimenak antolatzeaz gain, oinarrian, gazteek beren ekintzak aurrera eramateko toki bat eskeintzen du Sortintxulok, kalea eta tabernekiko alternatiba bat sortuz. Santutxuko gazte batzuek Karmelo eliza ondoko eraikinean sartu zirenetik, bizitza eman diote urteetan hutsik egon diren lokal hauei.

Gazte talde horri, eta azken lau urteetan egitasmora gehitu zaizkien beste gazte batzuei esker, gaur egun Sorgintxulok auzoko liburutegi eta zinematoki bakarra du. Liburutegia, eta bildu ahal izan den liburu aukera zabala, bizilagun guztientzat eskuragarri dago, irakurketarako zein ikasteko. Bestalde, zinematokian astero filme bat ikus daiteke, gazteleraz zein euskaraz. Ludoteka, erakusketa gela, informatika gela, eta musika gela ere baditu.

Azken bost urteotan, antolatzaileen gaztetasun, bizitasun, eta ordutegien aldakortasunari esker, Txurdinagako gizarte etxearen ahalmenetatik kanpo dauden ekintzak egin dira. Hitzaldiak, mahai borobilak, ikastaroak (txalaparta, linux…), kontzertuak, lehiaketak, txangoak, kale piztura ekimenak, haurrentzako jokoak, antzerkia, eta abar luze bat antolatu da. Honela, auzoaren azpiegitura publiko eskasiari aurre egin ahal izan zaio.

Baina Bizkaiko Foru Aldundiak Sorgintxuloren itxiera suposatuko lukeen egitasmo bat du esku artean. Adinekoentzat Eguneko Zentru bat eraiki nahi da gaur egun Gaztetxea dagoen tokian. Helburu honetarako egokiena ez den toki bat. 24 plazatako ahalmena izango duela jakinik, Foru Aldundiaren egitasmo honek gehiegizkotzat jo daitekeen inbertsio bat dakar. Santutxun bizi diren 11.500 zaharretatik 24 bakarrik hartu ahal izango ditu bertan.
400 erabiltzaile baino gehiagok ezingo dute, gainera, autogestioan oinarritutako egitasmo honetaz gozatu.

Hau dela eta, Bizkaiko Gazte Abertzaleakek, Sorgintxulo Gaztetxearen azken urteetako lana goraipatu nahi du eta Sorgintxulo proiektua aurrera eramaten aritu diren pertsona taldearekiko bere elkartasuna adierazi nahi du. Sorgintxulo aurrera!

Gaia: Justizia soziala

Egilea: Ibon Usandizaga

Komunikabidea: Prentsa Oharra/Nota de prensa

Europako Hauteskundeak direla eta GA, JERC eta Chobenalla erakundeek “Herrien Europa” koalizioaren alde azaltzen garela esateko elkartuko gara. Guk nahi dugun Europaren eredua eta gazte eta europar ikuspuntu batetik gure beharrak eta nahiak zeintzuk diren azalduko dugu.

Gaia: Internazionala

Urtero bezela Bizkaiako Ikastolen aldeko festa ospatuko da. Aurten Leioan izango da eta euskaldunok gure hizkuntzarekiko konpromezua azaltzeko modurik onena eta alaiena da. GA-eko militanteak, urtero bezela, antolakuntzan laguntzeko prest gaude.

Gaia: Euskal Herria

Felipe VI. Eta Leticia Ortiz arteko ezkontzaren aurrean, Gasteizko GAZTE
ABERTZALEAKek kanpaina hau kaleratu du jakinazateko beste eredu politiko bat
posiblea dela: justuago, salidarioago eta berdintasuna bultzatzen duena
herritarren artean. Uko egin monarkiari, Euskal Errepublika eraiki
dezagun!!!

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Asteburu honetan, Euskal Herriko Gizarte Foroak Europar Konstituzioaren inguruan eztabaidatzeko jardunaldia egingo du, eta datorren udazkenean ospatuko den EHGF-aren II.Topagunaren antolakuntzaz ere hitz egingo da. GA-ek jardunaldi horretan parte hartuko du, ohi den bezala.

Egitaraua:
-9:30/10:00: Harrera.

-10:00/10:30: Plenarioan egunaren aurkezpena-kokapena.

-10:30/13:00: Gai-ardatz bakoitzean eztabaidak.

-13:00/14:00: Plenarioan gai-ardatz bakoitzeko eztabaiden elkartrukea.

-14:00/16:00: Bazkaria.

-16:00/18:00: Plenarioan Europako Konstituzioaren eta bideratzen duen eredu
sozialaren eztabaida.

-18:00/20:00: Udazkeneko II. Topaketa lantzeko antolaketa bilera.

Gaia: Globalizazioa

Maiatzaren 9an, Europaren Eguna ospatu da eta aukera hau aprobetxatu nahi izan dugu europar eraikuntzaren prozesuan dugun konpromisoa eta nazioz gaindiko proiektuan daukagun konfiantza eta gertutasuna azaltzeko.

Laster, beste hauteskundeei aurre egin beharko diegu. Berriz ere, koalizio eta alderdi ezberdinen ahotsa eta hitza Europara eramango dutenen arteko lehia ikusi ahal izango dugu. Zentzu honetan, JERC, Chobenalla eta Gazte Abertzaleak Herrien Europa bultzatuko duen koalizioaren alde azalduko garela adierazi nahi dugu. Zerrenda honekin gure herrien hitza entzungo da eta gure ezkertiar eta gizarterako planteamenduak Europar Parlamentuan era argi eta tinkoan defendatuak izango direla uste dugu.

Hain garrantzitsua den egunean, manifestu hau sinatzen dugunok Europar eredua hurrengo puntuetan oinarrituta egotea nahi dugu:

1.- Herrien Europa: Autodeterminazio eskubidean oinarritutako herrien edo nazioen adierazpen librean eraikitako Europa. Nahi dugun Europa gutxiengoekiko, komunitate bakoitzaren desberdintasun kultural, eta bereziki, hizkuntza gutxitu eta ingurugiroarekiko errespetu zorrotzean oinarritzen da.

2.- Europa Soziala: Mugarik gabeko Europa solidarioa eta irekiaren alde apustu egiten dugu, non pertsona guztiak modu librean mugi daitezke eta inolako diskriminaziorik ez den ematen. Kapitalaren interesen gainetik dagoen Europa bat nahi dugu, pertsonari garrantzi handiena eman eta bakoitzaren gizarte eskubideak eta indibidualak bermatzen dituen Europa, bizi kalitate duina eduki ahal izateko. Mekanismo demokratikoak eta gizarte erakundeen arteko kontaktua gehituz, erakundeen eta gizartearen arteko harremana gerturatuko duen Europan sinisten dugu.

3.- Europa Bakezalea: Europa mundu mailan gatazka konponketan erreferentzia eta ezinbesteko eragile izan behar dela uste dugu, eta bakearekin eta bake bidez lortutako gatazken konponketarekin konpromiso tinkoa mantendu behar du. Gerrate, inperialismo eta herrien arteko zentzugabeko probokazioen kontra argi azaltzen den Europa nahi dugu, Amerikako estatu Batuen ereduaren antitesi, errespetuan eta elkarbizitza baketsuan oinarrituta.

4.- Gazteen Europa: Gazteok ere badugu zer esan handia eta gure beharrak eta kezkak Europan entzunak eta defendatuak izateko elkarlan handia dugu egiteko. Horrela, talde bezala gugan eragina izango dituzten erabakietan parte hartu nahi dugu.

5.- Europa jasangarria: Ingurugiro osasuntsua duen Europa nahi dugu, baliabide naturalak murriztuko ez dituena, energia eta nekazaritza alternatiboaren alde egingo duena eta ekosistema naturalak errespetatu eta babestuko dituena, eta kutsatzen duena zigortuz. Laburtuz, garapen kapitalista arautuz eta geldituz (uraren aldaketak eta eskaeraren zabalkunde kontrolatu gabean oinarrituriko PHNrik inoiz gehiago), eta animaliak torturatuak izan ez daitezenaren eskubidean legislatuko duen eta kontzientzia hartuko duen Europa; betiere, gainontzeko izaki bizidunen inguruko jarrera espezistak ekidituz.

Gaia: Internazionala

Egilea: Gazte Abertzaleak

Komunikabidea: Prentsa Oharra/Nota de prensa

Gobernu espainiarrak aukera politiko bat ilegalizatuko balu, aurreko gobernuek izan dituzten jarrera antidemokratikoen jarraipena egiten duela esan nahiko luke

Gazte Abertzaleak-ek, EA-ko gazte erakundeak, Herritarren Zerrenda-k europar hauteskundeetara aurkezteko eskubidea izan behar duela adierazi du, eta aukera politiko abertzaleen ilegalizazioaren inguruko eztabaida berrartzea kezkagarria dela dio.Erakundearen ustez, gizartearen oniritzia azaltzen duten 49.000 sinaduren atzean izan eta betebehar legal guztiak betetzen dituen zerrenda bat kuestionatzea, eta are gehiago, legez kanpo uztea ulergaitza da.Zentzu honetan, “aukera politiko hori legez kanpo uzteko bide bakarra espainiar Gobernuak botere judizialean bertan eragin zuzena izatea da. Exekutiboak botere judizialean eragin zuzena izango balu, aurretik datorkion botere banaketa eza berriro ere azalduko zen. Aurreko gobernuak utzitako kutsu antidemokratikoen jarrerak eta ekintzak mantentzen direlaren froga argia izango litzateke”, adierazi du GA-en Idazkari Nagusi den Andoni Iturzaetak. Era berean, GA-ek, izenez baino ez zinez dugun demokrazia honetan, “Alderdi Politikoen Legea” Euskal Herriko eskubide politikoen urraketarako bururatu den legerik eraginkorrena dela esaten du.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa