Datorren azaroaren 30an eta abenduaren 1an EFAYren mahaiaren topaketa ospatuko da Donostian. Bertan, Galiza nova, BNGren gazte taldea; JERC, ERC-ren gazteria; Juventudes Andalucistas, Partido Andalucista; PREGO, gazte erakunde flamenkoa eta Gazte Abertzaleak, Eusko Alkartasuna-ren gazte taldea, parte hartuko dute. Topaketan europar eraikuntzaren eta honen konstituzioaren inguruko gaiak jorratuko dira.

Gaia: Internazionala

Bilboko Abandoibarran kokatuta dagoen, Zubiarte merkatalgunearen gaurko irekieraren aurrean, Gazte Abertzaleak Bizkaian, eta orokorrean Euskal Herrian, gertatzen ari dan merkatalgune erraldoien neurrigabeko ugaltzearen aurka agertzen da. Eta IU- EB-k proiektu hau Bilboko udalean bultzatu izanaren aurrean bere harridura adierazten du.

Gazte Abertzaleak-etik merkatalgune handien ugaltzearen kontra azaltzen gara, arazo hau larria da Bizkaian, eta Bizkaiko merkatari txikiei eta arazo honi aurre egiteko batu diran 50 merkatari-erakundeei gure elkartasuna adierazi nahi diegu.

La Caixa-k egindako ikerketen arabera, 1997 eta 2003 urteen artean merkatalgune handien kopurua %86-an hazi da, eta datu honek kezkatzen gaitu, merkaritza txikiarentzat eta enpleguaren kalitatearentzat mehatsua suposatzen baitu. Merkataritza txikiaren aktibitatea %12-an jeitsi da azken 6 urteotan.

Merkatalgune handien modelua, Bizkaian neurrigabeko hazkundea izan duena, modelu desorekatua da eta gu bere kontra azaltzen gara, saturazio maila batetara heldu baita eta honek pixkanaka merkataritza txikia desagertaraziko du eta lanaren prekarietatea areagotuko du.

Merkatalgune handiek sortzen duten enplegu tinkoaren erdia deusezten dute eta horrexegatik Merkatalgune handien ugaltzeak enpleguaren kalitatean eragin ezkorra dauka, langabezia sortzen du, pobretze soziala eragiten du eta merkataritza txikia desagertarazten du.

Guzti honengatik Gazte Abertzaleak erakundetik pertsonak inola ere kontutan hartzen ez dituen egungo merkataritza-politikaren aldaketa eskatzen dugu eta Bizkaiko merkatari txikiei eta arazo honi aurre egiteko batu diran 50 merkatari-erakundeei gure elkartasuna adierazi nahi diegu.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Emakumearen aurkako indarkeriaren kontrako eguna dela eta, Gazte Abertzaleak bere alkartasuna adierazi nahi die tratu txarrak jasotzen dituzten emakumeei eta erakundeei benetako urratsak eman daitezela eskatzen die, behingoz gure gizartea astintzen duen gaitz honekin bukatzeko. Eusko Alkartasunaren gazte taldearen ustez, hiru dira gaur egun esparru honetan zabaltzen diren arazoak: Lehendabizikoa prebentzio falta, emakumeenganako errespetuaren baloreak ez dira hezkuntza mailan izan beharko liratekeen bezain garrantzitsuak eta sendoak. Bigarrena, salatzeko zailtasunak oraindik ere handiak direla, ez da benetan salaketaren kontzientzia zabaldu gizartean. Gogoratu behar da askotan emakumearentzat ez dela erraza bikotea salatzea, kasu askotan dependentzia kasuetan aurkitu daitezkeelako emakume hauek. Eta hirugarrena, behin salaketa jarrita emakumeei ematen zaizkion segurtasun neurriak oso eskasak direla.

Gazte Abertzaleak gogoratu nahi du, gaur egun asko eta asko direla tratu txarrak jasotzen eta salatzeko beldur diren emakumeak. Hala ere, aitortu behar da emakume askoren egoeraren arabera ez dela erraza izaten urratsa hau ematea, neurri handi batean, gizarteak gaur egun, oraindik ere, dituen aurriritzi eta kontzientzia falta larriagatik. Hortaz, GA-k, arazoaren muina gizarteratzeko senzibilizazio kanpainak indartzeko eskatzen die erakundeei, genero-berdintasuna eta errespetua oinarri izango duten gizarte baten eraketaren bidean.Zentzu berean, Gazte Abertzaleak salatzen du emakume askoren egoeraren aurrean epaile eta gobernu desberdinak dituzten jarrerak, behin senarra edo bikotea salatu dutenean, segurtasuna neurriak ematen ez baitzaizkie emakume hauei, kasu askotan zorigaitzan bukatutako egoera.

Beraz, Gazte Abertzaleak bere alkartasuna luzatu nahi die egoera larri honetan bizi diren emakumeei eta erakunde publikoei inplikazioa eta borondatea eskatzen die, arazo honekin bukatzeko , senzibilizazioa eta emakumeentzako segurtasun neurriak sendotuz.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Joventuts d´Esquerra Republicana de Cataluynya (JERC), Gazte Abertzaleak (GA) eta Iratzarri (Aralar Gazteak), adierazi nahi dugu gure alkartasuna Chobenalla Aragonesista gazte erakunde Aragoiarrarekin, historikoki giza-eskubideen defentsan alde egindako lanagatik, erakutsitako herrien arteko alkartasunagatik, lurraren eta ingurugiroaren defentsaren aldeko ekintza eta adierazpenengatik, Aragoiko hizkuntza eta kulturaren alde egindako lanagatik, halaber, Aragoiko independentziaren alde egindakoagatik. Zentzu berean, azpimarratu nahi dugu, elkarrekin bidezkoagoa eta solidarioagoa izango den mundu baten alde lan egiteko berritutako konpromezua.

Gure erakundeetatik harriduraz hartzen ditugu Aragoiko eta Espainiar estatuko zenbait hedabideetan agertutako berriak eta behartuta sentitzen gara hauetan egindako egiazkoak ez diren zenbait adierazpenen argiketa egitera:
Gure erakundeak gonbidatuak izan ziren Jakan 2004.urteko urriaren 29 eta 30 artean ospatutako Asambleya Nazional de Chobenalla Aragonesista-ra eta ez zaigu konstatzen biolentziaren aldeko defentsa egin zenik, are gutxiago borroka armatuaren alde. Esan genezake gainera, bere testuek edonolako arazoaren irtenbidea modu baketsuan eta elkarrizketa bitarte egin behar zela defendatzen zutela. Modu berean, ez ginen Chobenalla Aragonesistaren kordinatzaile orokorraren adierazpenen testigu izan, non indarkeria eta hau burutzen dutenen defentsa egin zenik.

Bestalde, gure gaitzespena adierazi nahi dugu CHA-ren zuzendaritza nazionalak barne arazoaz egindako kudeaketarekin, bere gazteriaren kanporaketarekin bukatu dena, eta CHA-ren zuzendaritzak independentismoaz egin duen kriminalizazioarekin. Hau, antidemokratikoki egin da, hedabideei kutsadura informatiboa zabaltzen gezurren eta erdi-egien bitartez. Independentismoa aukera ideologiko legitimoa, demokratikoa, bakezalea eta solidarioa da.

Ez dugu aukera galdu nahi lerro hauen bitartez , estatu osoan zehar ideia independentisten bidez, mundu libre,bidezko eta solidario baten aldeko lana egiten duten erakundeei gure alkartasuna eta laguntza adierazteko.

Entalto Aragón Libre y Sozialista!
Gora Aragoi libre ta Sozialista!
Visça l´Áragó Lliure i Socialista!

Gaia: Internazionala

Egilea: Gazte Abertzaleak

Komunikabidea: Prentsa Oharra/Nota de prensa

Eusko Alkartasunaren gazte erakundearen ustez, proposamen horrek erakusten du batzuek inoiz ez dutela autobus bat hartu.

Gasteizko Gazte Abertzaleak, TUVISAren Administrazio Kontseiluak autobus txartelaren prezioa igotzeko, 0,65 eurotik 0,80 eurora, egin duen proposamena baztertzen du. GAren ustez proposamen hau guztiz desegokia da eta erakusten digu Udalak garraio publikoa lurperatu nahi duela.

GAren iritziz, proposamen hau herritarren beharren aurka doa, bereziki gazteon eta langileen kontra. PP saiatzen ari da hiri elitista bat sortzen eta hiri horren elementu garrantzitsuena autoa egiten, non lekua bada zentzurik ez duten proposamen batzuentzat, tranbiarekin gertatzen den bezala.

Era berean, Gazte Abertzaleak, Gau Txoriaren prezioa euro batetik, 1,5 eurora igotzeko asmoaren aurka agertzen da. Zentzu horretan, GAk uste du neurri horrek, gazteontzat erabilgarria eta beharrezkoa den zerbitzu batekin buka dezakeela.

Gazte Abertzaleak-en apustua oso argi da pertsonen mugikortasunari dagokionez: hiri erdia oinezkoentzat uztea , garraio publikoaren erabilera bultzatzea eta automobilaren erabileraren aurkako ekimenak martxan jartzea. GA-ren ustez hauek dira neurri egokiak, PP-k bultzatzen duen ereduaren aurrean.

Gaia: Politika orokorra

Egilea: Martin Aranburu

Komunikabidea: Prentsa Oharra/Nota de prensa

Bizkaiko Gazte Abertzaleak, SEPI-k ontzigintza publikoaren inguruan izandako jarrera salatu nahi du, Europar Komisioak holding publiko-pribatuaren inguruko ezetza eman eta gero. Eusko Alkartasunaren gazte erakundearen ustez, SEPI-ren borondatea hasiera batetik ontzitegiaren pribatizazioa eta banaketa izan da, elkarrizketaren ondorioz sortutako prozesua formalismo hutsa izan delako eta benetan arazoari aurre egiteko eta irtenbideak aurkezteko borondaterik gabe ibili baita . Honek isla dauka alternatibak proposatzeko erakutsitako borondate eskasean, Europatik ezetza jaso eta gero. Bizkaiko Gazte Abertzaleak-en ustez PSOE-ren jarrera kasu honetan tamalgarria izan da ere, langileen aldeko borrokan jardun beharrean, ontzitegiaren kudeaketa txarraren ondorioen inguruan politika elektoralista egiten saiatu delako. Zentzu honetan, azpimarragarria da langileekin elkartasuna erakusteko nahia ez izatea eta ontzitegiaren eta enpresa laguntzaileen arazoa estaltzeko metanero baten eraikuntza positibotzat hartzea, oraindik jasangarritasun plan bat mahai gainean ez dagoenean.

Gazte Abertzaleak gogoratu nahi du arazoak daukan garrantzia, non 6000 familia ondorio zuzenak jasango dituzten eta beste 4000 ere zeharka bada ere korapiloaren barruan aurkituko lirateke. Honi gehitu behar zaio euskal ekonomian izango lukeen erabateko garrantzi kaltegarria. Beraz, Bizkaiko Gazte Abertzaleak ontzitegiaren jarraipen publikoaren aldeko apustua egiten du, langileekin bere elkartasuna adieraziz eta instituzioen benetako inplikazioa beharrezkoa dela goraipatuz, kasu honetan espainiar gobernuari dagokiona. Horrela Euskal Herriarentzat industria sektore sendo bat eraikiz. Modu berean, gogorarazten du, ekintza hauen ikusle izanda, gero eta handiagoa eta sendoagoa dela, Europar Batasunean Euskal Herria libre bat ikusteko Gazte Abertzaleak-en nahia, benetan geure geroaren burujabe izateko.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak, Eusko Alkartasunaren gazte erakundeak, bere ardura eta ezinegona erakusten du azken astean atxilotuta eta inkomunikatuak izan diren gazteen egoeraren
inguruan eta honen salaketa egin nahi du. Gazte erakundearen ustetan, gaur egun oraindik ez dira torturarekin bukatzeko eta honen kasuak zigortzeko garantiak ematen. Hortaz, atxilotuen egoera kezkagarritzat hartzen du, PSOEri behingoz espainiar estatuko kartzela eta komisaldegietan giza-eskubideen urraketak emango ez direnaren bermeak jartzeko eskaria egiten duen bitartean. GAk gogoratu nahi du, aste honetan bertan Guardia Zibilak egindako tortura itzelak salatuak izan direla eta hauek errepikatzeko arriskuaren beldur agertzen da.

Gazte Abertzaleak-entzat, torturak errealitate bat dira eta espainiar gobernutik igaro diren alderdi politiko desberdinak egoera honi irtenbidea emateko interesa erakutsi ez dutela salatzen du. Horregatik salaketak borondatez ikertuak izan daitezela eskatzen du, behingoz torturarekin bukatzeko mekanismoak martxan jartzearekin batera.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Bizkaiko Gazte Abertzaleak-ek ongizate estatuaren inguruko kanpaina bat prestatu du azkeneko hilabeteotan. Lan talde baten bitartez hasi zen lana, urriaren 9an ikastaro arrakastatsu eta baliagarri batekin bukatu zen. Orain kanpaina aurkezteko unea da eta horretarako triptiko informatiboak eta kartelak prestatu dituzte Bizkaiko GA-ko militanteek.

Kanpainak, ongizate estatua zer den eta bere onurak azaltzen ditu, munduan egun bizi garen egoerari erreparatuz, non neoliberalismoak inposatzen duen merkatu libreak gizarte desegituraketa eta pobrezia eragiten duen . Gazte Abertzaleak-en ustez beharrezkoa da benetako ongizate estatu bat eratzea, pertsonen arteko berdintasunak garatu eta gizarte bidezkoago bat eraikitzeko. Zentzu honetan, kanpainak benetan soziala izan beharko litzatekeen Euskal Herri batengatik apustu egiten du, jasangarria den Euskal Herria eta estatuak herritar guztien eskubideak bermatzen dituen Euskal Herria.

Kanpaina Urriaren 23an hasi zen eta Abenduan bukatuko da eta bere bidez Eusko Jaurlaritzari zera proposatzen dio GAk: Eusko Legebiltzarrean ondoko ardatzak errespetatuz Ongizate Estatuaren aldeko erakunde-adierazpen baten onarpena bultzatu dezala:

• Pentsioen sistema bermatu eta pentsio baxuenen hobekuntza bultzatu.
• Espainiar gobernuari eskumenen trasferentzia exigitu.
• Osasun eta langabezian giza prestazioak bermatu eta prestazio hauen murrizketak ekiditu.
• Ekonomi aktibitate osoa merkatuaren autoerregulazioaren esku hutsetan ez utzi. Estatuak, herritar guztion ekonomi eta giza ongizatea lortzeko, gutxieneko puntu batzuk bermatu behar ditu.
• Liberalizazio latzari kontra egin.
• Behin eta berriz ematen diren pribatizazioei ez.
• Delitu zehatz batzuen hazkundea errazten duten zenbait faktoreri buruzko erreflexioa.
• Zergen gorakada erabakiko balitz, zuzenekoei legokienak (PFEZ, OZ…) lehentasuna euki beharko luke zeharkako zergen ( BEZ, erregaiak, alkohola…) gorakaden aurrean. Txiroak eta aberatsak ez dezala berdin ordaindu. Gehiago daukanak gehiago ordaindu dezala

Kanpainaren egutegia:

AZAROA:

6: Ezkerraldea
13: Gernika, Bermeo.
20: Lekeitio, Mutriku, Ondarroa, Markina.
27: Uribekosta

ABENDUA:

4: Durango, Arratia.
10- 11: Muskiz eta Ortuella (Mehatzaldea)

Gaia: Politika orokorra

Gazte Abertzaleak martxan daukan “Alternatiba bada” kanpainaren testuinguruaren barruan, hitzaldi bat ospatu da azaroaren 17an Leioako kanpusean. Kanpainaren leloak dioen moduan, geure nazioaren garapena ahalbidetzen ez duten zenbait faktoreri alternatiba bada eta eman behar zaio. Ildo horretan, eskumaren eredu neoliberala eta borroka armatua zein eskubideen urraketa izan ziren hizpide nagusi hitzaldian.

Bertan, Mikel Noval ( ELA), Paul Rios (Elkarri) izan ziren gai desberdinen inguruan hitz egiten. Hasiera batean, ELA-ko ordezkariak bere sindikatuak gaur egun euskal gizartearen egoeraz egiten duen irakurketa eman zigun, bere ustez neoliberalismoaren itzalpean bizi den gizartea. Hortaz, eredu neoliberalari aurre egiteko bere sindikatuak mahai gainean dituen estrategien berri eman zigun, horretarako gai konkretuen inguruan dauzkaten teknikak azalduz, hala nola etxebizitza. Bestalde, Paul Rios-ek, ELKARRIK-ren ustez giza eskubideen urraketari eta bortizkeriari alternatiba badela adierazi zigun, bere erakundeak azken urte hauetan egindako lanari errepasoa eginez. Rios-en ustetan giza eskubideak ez dira bana daitezkeen arazoa, batzuen alde eta besteen kontra, giza-eskubideak osotasuna batean ulertu behar dira eta hauen urraketaren kontra edo alde egon zaitezke, ez bakarrik interes politikoen arabera batzuei erreparatu.

Hitzaldi interesgarri hau eta gero, Gazte Abertzaleak-eko kideak “alternatiba bada” kanpaina Leioa-ko kanpusera zabaldu genuen, kartelak ipiniz eta triptikoak banatuz.

Gaia: Hitzaldia

GAren delegazio batek parte hartu zuen joan den urrian Londresen ospatutako Europako Gizarte Foroan. Bertan jasotako ideia, esperientzia eta argazkiekin, Gazte Abertzaleak erakustaldi bat antolatu du Gasteizko Zaramaga auzoko Alkartetxean. Argazkien bitartez, egun horietan Londresen bizi zen giroa irudikatzeko aukera dago, jai giroan ospatutako tailer, hitzaldi eta manifestaldi erraldoira hurbiltzeko aukera paregabea beraz.

Erakusketa interesgarri hau ikusteko gonbidapena egiten dizuegu, azaroaren 15 eta 21 bitartean

Gaia: Erakusketa