Gazte Abertzaleak-ek, Eusko Alkartasunaren gazte erakundeak, pasa den urtarrilaren 23an ikastaro bat ospatu zuen Europar Batasunarentzat konstituzio baten onarpena suposatuko duen tratatuaren inguruko erreferendumaren ildora. Gasteizen ospatutako ikastaroan, Ibon Usandizaga, Gazte Abertzaleak-en idazkari nagusia eta Begoña Lasagabaster, Eusko Alkartasunaren diputatua Madrileko parlamentuan eta EA-ren nazio batzordearen arlo internazionaleko arduraduna parte hartu zuten.

Usandizagak azpimarratu zuen konstituzio honetan ez direla aitortzen “Europan elkar bizi diren hizkuntza desberdinak ”, honek, Europan errealitate bat den “kultur aniztasunaren” kontra eraso larria suposatzen duela argituz. Zentzu honetan, “onartezina ” bezala definitu zuen estaturik gabeko nazioek Europar errepresentazio organoetan zuzeneko partaidetza ez izatea, bere ustez “nahikoa ” konstituzio honi Euskal Herriak gogor eta ozenki “ez” esateko. Lasagabasterrek gai hau korapilatsutzat hartu zuen, ezin baita testuaren irakurketa polarizatua egin. Diputatu abertzaleak aitortu zuen testuak hobekuntzak ekartzen dituela egungo egoerara, baina gabezi larriak dituela esan zuen ere, hala nola, estaturik gabeko nazioak onartzen ez dituela eta hizkuntza guztien ofizialtasuna bermatzen ez duela. Lasagabasterrek ere parlamentuak jokatuko duen papera aztertu zuen, konstituzioa onartua izatekotan, bere garrantzia handituko den arren, Eusko Alkartasunak defenditzen duen eredutik urrun geratzen oraindik, ministroen kontseiluak erabakiak hartzeko eskubidea izaten jarraituko duelako.

Bestalde konstituzio hau hutsune handiak dituela esan zuen, eskubide sozialen eta estaturik gabeko eskubideen aldeko aurrerapausoei dagokionez, horrek EA autodeterminista, sozialdemokrata eta kultur aniztasuna onartzen duen alderdi bezala ezetza eskatzera eraman duelarik. Goraipatuz ez dela hau guztientzako konstituzioa, hiritar askoren errealitateari bizkarra ematen diolako. Beharrezkoa da hortaz hausnarketa bat bideratzea euskal gizarteari, izan ere, Euskadin eragin zuzena izango duten erabakiak eztabaidatzera ez doaz euskal gizarteak aukeratutako buruzagi politikoak.

Hala ere, Lasagabasterrek ikastaro arrakastatsuari bukaera eman zion Europar eraikuntza ez dela otsailaren 20an bukatuko esanez, eta Eusko Alkartasuna, ALE-ren kide bezala, Europa bidezkoago eta solidarioago baten alde lan egiten jarraituko duela.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Eusko Alkartasunaren gazte erakundeak ,Gazte Abertzaleak, datorren otsaileko Europar konstituzioaren inguruko erreferendumean “ ez eraikitzaile “ baten aldeko apustua egin zuen. Erakundearen idazkari nagusiak, Ibon Usandizaga, argitu zuen GA-k “Europar Batasunari baietz esaten diola ”, baina ezetza eman behar diola “ongizate estatua eta estaturik gabeko nazioen eskubideak aitortzen ez dituen konsituzioari ”.
Erakundea abertzalearen buruzagiak informatu zuenaren arabera Gazte Abertzaleak-ek, EA-k ezetzaren alde otsailaren 3tik aurrera egingo duen kanpainarekin bat egingo du, eta deitoratu zuen tratatu honek ez duela ezer aldatzen “batasunaren oinarrietan ”. Usandizagarentzat erreferendumera eramango den testua ezkorra da, “estatuen eta estatuentzako ” batasuna bermatzen jarraituko duelako.
Bestalde, Usandizagak tratatuaren alde txarrak azaldu zituen, hala nola, “estaturik gabeko nazioen partehartzea estatuen menpe jarraitzen du, autodeterminazio eskubidea ez da onartzen, eredu linguistikoa berdin jarraitzen du eta bakarrik izango dira ofizialak estatuen hizkuntzak ”. Aspektu sozialak testuaren beste puntu ezkorra suposatzen zuela argitu zuen , ”oinarrizko hutsunea” bezala definituz, izan ere “oinarrizko eskubideak ez dira batasunaren kide diren zenbait estatuen konstituzioetan jasotzen diren bezain indartsuak ”. Bide batez, Gazte Abertzaleak-en buruak “ongizate estatua ” bermatzen ez dela goraipatu zuen, aspektu sozial eta fiskaletan beto eskubidea aitortzen delako.
Guzti hauen baturan, Usandizagak esan zuen bere erakundearen ustez “bestelako Europa bat posiblea da, Europa soziala, herrien Europa, hizkuntza guztiak aitortuko dituena eta kultura guztiak errespetatuko dituen Europa ”.

Gaia: Politika orokorra

Egilea: Gazte Abertzaleak

Komunikabidea: Prentsa aurrekoa

Gazte Abertzaleak-en nazio batzordeak, Eusko Alkartasunaren gazte erakundea, EA-ren kargu publikoak Euskal Herria osoan jasan behar duten jazarpen kanpaina salatzen du. Zentzu honetan, Lekeitioko udaletxean Eusko Alkartasunaren bozeramaile den Zuriñe Uskolaren komertzioak jasandako erasoak, gizabanakoen askatasun printzipioaren kontra eta giza eskubideen urraketa larria suposatzen dutela uste du gazte erakundeak. Eraso hauek ez dute lekurik gaur egungo Euskal Herrian, gizarteak askotan erakutsi baitu bere indarkeriaren kontrako jarrera sendoa eta aldarrikapen politikoak egiteko bide guztiak baliagarriak ez direla. Horregatik, GAk arazoaren konponketaz urruntzen gaituzten metodo hauek behingoz etetearen eskakizuna egiten du eta eztabaida eta elkar-ulertzearen aldeko apustua berriztatzen du, desberdintasun politikoen gainditzerako bide bakar moduan.

GAk, bide batez, bere alkartasuna adierazi nahi dio Zuriñe Uskolari , Euskal Herri demokratiko eta baketsu baten alde lan egiten jarraitzeko animatuz.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, bere gaitzespen sutsuena erakusten du ETA-k Getxon egindako atentatuaren aurrean. Gazte erakunde abertzaleak ETA-k berriro ere euskal gizartearen eskariak onartzen ez dituela erakutsi duela uste du, eztabaidaren eta elkar-ulertzeren bidera batu daitezenaren herri borondatea ez baitu onartzen. ETA bakegintzaren prozesuan bideratu den momentu historiko honek behar duen maila emateko gauza ez dela sute du GA-k, eta gaur bezalako ekintzek Euskal Herriaren burujabetzaren alde hasitako lana ez dutela eteteko gogorazi nahi dio.

Gazte Abertzaleak, bide batez, ETA-ri jakinarazi nahi dio bere atentatuek euskal gizartearen bakezaletasunaren aldeko konpromisoaren indarpena eta berriztatzea besterik ez dutela lortuko. Zentzu honetan, azpimarratu behar da ETA-k sorbalda eman diola herri honen normalizazioa ekar zezakeen momentu honi, bere presentzia, egoitzalde batetan jarritako bonba batek suposatzen duen mehatxuaren eta eskubideen bortxaketaren bidez eskenaratuz. Gazte Abertzaleak-entzat kontraesana da eztabaidarako eskaintza bat egitea eta ordu gutxira Euskal Herritarren normalitatearen kontra atentatzea. Jarrera honek, Gazte Abertzaleak-en sutez, kredibilitatea kentzen dio proposamen horri eta horregatik ETA-ri behingoz indarkeria alde batera utzi dezan eta bide demokratikoak eta politikoak erabiltzearen eskaria egiten dio. Elkarrizketa da gatazka bat konpontzeko bide bakarra, hitza izan behar da erabiltzen den arma bakarra.

Gazte Abertzaleak bere alkartasuna erakutsi nahi dio zauritu ertzainari eta bere familiari momentu gogor honetan.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, Euskal Herriaren normalizazio politikoa behingoz bideratzeko, Espainiar gobernuak bere presidentea den Jose Luis Rodriguez Zapatero-ren bidez galdutako aukera deitoratzen du. Gazte erakundearen ustez, egungo exekutiboaren jarrera, aurrekoaren politika egiteko moduaren berdintsua da eta demokratikoki onartu eta hasietako prozesu baten aurrean erakutsitako setakeriak, argi eta garbi erakusten du talante berriaren ideia marketing politiko estrategia bat besterik ez dela. Zentzu honetan, goraipatu behar da PSOEk mantentzen duen jarrera elektoralista datozen Euskadiko hauteskundeen aurrean. Izan ere, euskal parlamentuan eztabaida ezeztatzen zuten bitartean, Madrilgo gorteak erabiliko dituzte euskaldunoi bakarrik axola zaigun gai bat oztopatzeko, PSEk bere proiektu propioa aurkezten duen bitartean.Guzti honek argi usten du PSOEk materia konpetentzialean izandako etengabeko ez betetzearen izaerak, marko politiko berri baten beharra sortu duela. Gazte Abertzaleak-ek ulertzen du beraz, alderdi konstituzionalisten ekintzen arabera, azken 25 urteko oztopoak eta ezetzak bakarrik argia ikusiko dutela alderdi politiko hauen interes partikularrak direnean mahai gainean, euskal gizartearen beharra eta borondatea kontutan izan gabe, erabat antidemokratikoa beraz.

Gazte Abertzaleak-ek, atzo Espainiako presidenteak eta Juan Jose Ibarretxek izandako bilera aukera paregabetzat hartzen du modu baketsuan eta demokratikoan behingoz euskal gatazka bere irtenbidera bideratzeko. PSOEren helburu elektoralistak zapuztutako aukera, eta argi utzi duena Euskal Herria politikoki normalizatzeko aukera dagoen une honetan, bere erantzukizuna hartzeko borondate falta handia daukala.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, zentzugabekeriatzat hartzen du UPN, PSN eta CDN alderdi politikoetako ordezkariek Nafarroako gobernuan mantendutako jarrera, bere baieztapenerako aurkeztu zuten ebazpena, zeinen helburu bakarra beste parlamentu batek adostutako iritzi bat doan kritikatzea den. Gazte erakundearentzat, alderdi nafarren bat egiteak, marko politiko berri baterako Euskal Autonomia Erkidegoko parlamentuak oniritzia eman zuenetik, Espainian martxan jarri den estrategia mediatiko eta politiko batera batzera dator. Zentzu honetan, ebazpena taxugabekeritzat hartzen du, bertan ez baita inolako injerentziarik egiten Nafarroako parlamentuari dagokionez, proposamen berriaren isla eta tratamendua, momentu honetan indarrean dagoen Gernikako Estatutuaren berdintsua delako. Beraz, GA-ren ustez, esku-sartze salaketa hori funsgabekeria da, ez baita Nafarroako eremu konpetentzialaz hitz egiten eta erkidego foralaren inguruan egiten den aipamen bakarra bere biztanleek demokratikoki bere geroaz erabakitzeko eskubidea izanda, EAE-ko biztanleekin batera izaera politiko-juridiko bakarreko estruktura sortzeko aukeraren inguruan da. Hau da, demokratikoki bere hiritarrak nahi balute, euskal nazioaren parte izanda, estruktura bakarreko errealitatera urratsak eman. Bide honetan, Gazte Abertzaleak Gasteizko parlamentuaren borondatea errespetatua izan dadila eskatzen du, eta saiaketa oztopatzaileak etetearen eskaera egiten du, euskal gizarteak 25 urteko ez betetzearen ondorioz beste urrats bat emateko aukera daukan une honetan.

Gazte Abertzaleak-ek salatu nahi du halaber, Euskadiko Alderdi Popularra egoera honetan mantentzen ari den jarrera, berriro ere aurrera egiteari eta normalizazioari sorbalda ematen baitio, Eusko Jaurlaritzako ordezkari nagusiarekin ez elkartuta. Zentzu honetan, GA-k euskal gizartearen eskariei aurre egiteko PPk duen borondate falta goraipatu nahi du, etekin elektoralak ateratzearen zentratuta baitaude, horretarako bere estrategia euskal gatazkan ezetza eta oztopo bezala lan egitea izanda.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, deitoragarritzat hartzen du Audientzia Nazionaleko Zaintze Penitentziarioko Epaitegi Zentralak hartutako erabakia, Guardia Zibileko jeneral ohia den Enrique Rodriguez Galindo-ri hirugarren gradua ematea suposatu duena. Gazte erakundearentzat, erabaki hauek legearen aurrean berdintasuna ez dagoenaren isla dira eta botere judizialaren erabilketa alderdikoia dagoela argi eta garbi uzten dute, erabaki honek PSOE gobernura itzultzearekin bat egin duelako denboran. Gazte Abertzaleak-en ustez hirugarren gradua eman izana, alderdi sozialista gobernura iritzi zenetik izandako izaeraren berronespen lagala besterik ez du suposatzen .Argi gelditzen da beraz, Espainian botere judizialaz egiten den erabilketa politiko eta partidista. Gogoratu behar da Rodriguez Galindo,gertaera oso larriengatik zigortua izan zela, hala nola, Joxi Zabala eta Joxean Lasa euskaldunen bahiketa eta ondorengo erailketagatik et a jasotako 75 urteko zigorraren 5 urte besterik ez dituela bete kartzelan.

Gazte Abertzaleak-en ustez, estatu espainolean maila desberdineko presoak dira , eta batzuei bere bizilekuetatik aldentzen zaien bitartean eta bere zigorra osotasunean betetzera behartzen zaien bitartean, besteei kalera atertzeko aukera ematen dieten neurriak aplikatzen zaizkie, egindakoaren larritasunari erreparo egin gabe. Gertatutakoa bada kezkagarria ere, presoaren osasun arazo bat eragindako kontzesioa delako , izan ere, bada neurri hau aplikatua izan ez duen euskal presorik, gaixotasun kronikoak izanda kartzelan jarraitu behar izan dutenak . Zentzu honetan, Gazte Abertzaleak-ek azpimarratu nahi du , herraminta politiko diren Espainiako erakunde judizialen kriterio falta.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa