2004. urteko azaroaren 18an, 90 eguneko epea abiatu zen Kyotoko Protokoloa indarrean jartzeko bidean. Egun hartan, NBEko Idazkari Nagusiak jaso baitzuen Errusiar Federazioaren onespena. Beraz, protokoloa juridikoki betebeharrekoa izango da izenpetu duten 127 estatuentzako, otsailaren 16tik aurrera.

Kyotoko Protokoak, gasen isurketen murrizpenak ezartzen dizkie 30 estatu industrializaturi 2008-2012 urteen artean. Lortu nahi dena da, 1990.urtearekiko isurpen globalen %5,2 murriztea.

Protokoloa izenpetu duten estatu batzuek, espainiarra, Portugal edo Eire, aipatu helburutik urrun oso kokatzen dira oraindik. Bestetik, Australia edo AEBtako gobernuak, ez dute hau izenpetzeko inolako borondaterik, nahiz eta estatu industrializatuek isurtzen duten Negutegi Efektua sortzen duten Gasen (NEG) herena baino gehiago isurtzen duten.

Bushen gobernuak ez du jaramonik egiten aldarrikapen mundial honi, energia sektoreko multinazionalak babesturik. Klima aldaketak sortzen dituen desastreak eta gaixotasunak ikaragarriak izan arren, nahiz eta herri txiroenek pairatu.

Kalifornia, Connecticut, Iowa, New Jersey, Rhode Island, Vermont eta Wisconsin estatuek, eta New York hiriak urratu duten bideari jarraitzea deitzen dugu. Urrats garrantzitsua eman baitute, enterpresa elektriko nagusienak auzitegietara bidaliz, NEGen isurketen erantzule handienak diren heinean. Erabaki hau zabal bedi AEBtik, Etxe Zuriko zuzendariaren nahiei muzin eginez.

Beharrezkoa da NEGen isurketak geditzea. Ez da posible, 1990. urtetik gaur egun arte Kyotoko Protokoloa ia garatu ezinezko egoerara joan gara eta (1990. urtean CO2ri dagokion 13.728 miloi tona isurtzen zirela).

Espainiar estatuan ez dira datu errealak ezagutzen, ez bederen Protokoloak ezarritakoari jarraituz kalkulatuak direnak. Alegia, IPCC delako metodologiaz. Baina 2003. urterako, beldur gara ez ote ziren jada estatuari zegokionaren kopurutik 30 puntu gorago –
+%15 da Protokoloak egokitu zion kopurua.

Gazte Abertzaleak erakundetik, estatu espainarrari esijitzen diogu politika argi eta garden bat garatzea, eta kriterioen bateratzea posible egitea NEGen kalkulurako. Izan ere PPren garaian ez baitzen behar zen bezela egin eta egun „talante“ berri horrekin ere ez da emaitza praktikorik jaso, Aldaketa Klimatikoari aurre egingo liokeen benetako politikagintza egoki bat garatzeko.

Plan Nacional de Asignaciones delakoa, argiki partziala da, isurketen %50a bakarrik hartzen dituelako kontuan. PSOEk 2005-2007 urte bitarterako egindako plan hau, korrika eta estuasunetik irtetzeko egina den itxurakeria da. Izan ere CEOEk gidatzen dituen enterpresa handiei ez die mugi araziko, eta batek daki ere Confebaskek gidatzen dituenak ere lasai uzteko den.

Samingarriena da ordea, sektore industrial bakar batzuk hartu dituztela kontuan, sektore kimikoa „ahaztuz“ eta oinarrizkoak diren garraio eta etxebizitzen kapituluetan diren arazoei erantzunik eman gabe.

Gazte Abertzaleak erakundetik uste dugu ekin beharreko neurriak konpetentzia maila guztiengan eman behar direla, arazoaren izaera globalagatik, agenda politikoan lehentasuna delako, eta ingurugiro esparruari soilik eragiten ez dionez, baizik eta baita ekonomikoari eta sozialari ere, eta arazoaren konponbidea hain dela biurria jakin dakigulako. Eman beharreko neurriak beraz maila konpetentzial guztiak hartu behar ditu, baita gizarteko (gure kasuan, euskal gizarteko) esparru sektorial guztiak ere. Horregatik esijitzen dugu gure subirautza.

Gazte Abertzaleak erakundetik ulertzen dugu, estatu espainiarrean dioten Plan de Accion 2004-2007 hori jorratu behar dela. Bertan CO2 ekoizten duten sektore guztiei, eta bereziki garraio sektoreari zuzenduriko neurriak jaso beharko lirateke.

Eta egingo ez balute, utz diezaiotela eusko Jaurlaritzari eta gurea bezelako bezelako gobernuei, beren neurriak hartzen. Estatuan garapen jasangarriaz den Ingurugiro Estrategia bakarra bete dadin neurriak hartzeko prest baitago EJ.

Gazte Abertzaleak erakundetik, itxaropentsu gara jakinik datorren otsailak 16tik aurrera Kyotoko Protokoloa indarrean jarriko delako. Baina era berean adi gaude garapen politikak edo politika desarrollista ororen aurrean, jasangarritasuna kontuan hartzen ote duen aztertuz, bai maila nazionalean (EJ, Nafarroako Foru Gobernua, eta Ipar Euskal Herrian,) eta baita nazioarte mailan.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak, EA-ren gazte erakundetik, Europari BAI esaten diogu eta Konstituzio Tratatu honen aurrean EZezko botu konstruktiboa bultzatzen dugu.

Gazte Abertzaleak erakundetik beste Europa baten aldeko apustua egiten dugu:

• Herrien europaren alde.
• Autodeterminazio eskubidea onartzen duen Europaren alde.
• Hizkuntza eta kultura guztiak maila berean onartzen eta errespetatzen dituen Europa baten alde
• Eta Justizia Soziala eta Ongizate Estatua bermatzen dituen Europa baten alde.

Konstituzio honek ez ditu elementu hauek aurreikusten. Europar Batasunaren oinarrizko printzipioak eta planteamenduak ez dira ezertan aldatzen.

• Estatuen eta Estatuentzako Europar Batasuna izaten jarraitzen du.
• Estaturik gabeko nazioen partehartze zuzenak Estatuen nahiei lotuta jarraitzen du.
• Autodetreminazio eskubidea ez du aurreikusten.
• Hizkuntzei dagokienez ez da ezer aldatzen, hau da, hizkuntza ofizialak Estatuenak soilik izango dira.
• Eskubide sozialak ez dira Konstituzio honetan Europar Batasuneko beste zenbait Konstituziotan egiten dan bezala biltzen.
• Ez du Ongizate Estatua bermatzen. Zenbait arlo sozial eta fiskaletan betu eskubidea ezartzen du.

Guzti honengatik eta beste Europa bat posible dalako, Europari BAI esaten diogu eta Konstituzio tratatu honen aurrean Ezezko botua eskatzen dugu.

Kanpainaren testua PDF formatuan

Gaia: Politika orokorra

Egilea: Martin Aranburu

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, bere gaitzespena erakusten du ETAk gaur goizean Madrileko Ifema-n egindako atentatuaren aurrean. Erakunde abertzalearentzat, gaur goizean ETAk egindako atentatuak, euskal gizartearen borondatearen ezeztapena suposatzen du, askotan indarkeriaren kontrako iritzia azaldu baitu. Zentzu honetan, Gazte Abertzaleak-entzat eraso hauek Euskal Herriaren normalizazio politikoaren bidean oztopo bat besterik ez dute suposatzen, bake eskenatokitik aldentzen gaituztenak. Elkarrizketaren eta eztabaidaren bidetik bakarrik helduko den eskenatokia.

Gazte Abertzaleak-ek, bide batez, gaurko atentatuko zaurituei eta kaltedunei bere alkartasuna luzatu nahi die.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-en Idazkari Nagusia, Ibon Usandizaga, behatzaile gisa joan da Entzutegi Nazionalera Jarrai, Haika eta Segi-ren zenbait kideren aurka irekitako makroprozesuan. Prozesu honetan hogeitahamairu akusatu presente daude, hoietatik hogeitahiru prebentziozko prisioaldian eta hamar behin- behineko askatasunean daude. Otsailak 7an aurreikusitako epaiketan ez agertzeagatik, beste bi kide prozesaturen inguruan bilatze eta harrapaketa ordena eman zuen Epaimahairen presidenteak. Epaimahaiak otsailak 11rarte ahozko ikustaldia atzeratzea erabaki zuen.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek inoiz baino garrantzitsuagotzat hartzen du euskal gizartea bere geroaz galdetua izan dadin, euskal legebiltzarrak demokratiko hartutako erabaki baten aurrean Madrilgo parlamentuaren ezetzak erakutsitako setakeri begirunegabeagatik.

Gazte Abertzaleak-ek, Eusko Alkartasunaren gazte erakundeak, atzo Espainiako parlamentuaren ezetzaren alde egin zutenen jarrera akats historikotzat hartzen du. Gazte erakundearentzat, argi eta garbi gelditu zen PP eta PSOEk euskal gatazkaren inguruan jarrera komuna mantentzen dutela, inposizio jarrera bat, izaera antidemokratikoa duen ekintza batean islatuta gelditzen dena, ez baitzuten onartu eta errespetatu Gasteizko legebiltzarrean ordezkatuta dagoen euskal gizartearen erabakia. Beraz, aspaldikoa den Espainia bakar eta homogeneoaren baten ideia zaharkituaren inguruan iritzi bera dutela erakutsi zuten, atzokoan gizarteari bi paper politiko desberdinduetan agertzea saiatu ziren arren eta bere ekintzak talante hitzan gordetzeko saiakera egin zuten arren. Gazte Abertzaleak-entzat, euskal gizartearen iritzia, Euskal Herriaren eta estatu espainolaren arteko gatazkari arrazoitua izan behar den irteera emateko etengabeko ezetza ematen duten bi alderdi politikoen iritziagatik ordezkatua izan zen. Hortaz, atzokoa behin betiko gatazkaren bukaeraren bidean eman beharreko beste urrats garrantzitsua zen, parlamentu demokratiko batek hasitako proposamena abiapuntu zuena, non Euskal Autonomia Erkidegoko alderdi politiko guztiak parte hartzeko eskubidea izan duten eta prozesua behar bezala jarraitu zuen proposamena, Epaitegi Konstituzionalaren sententzia batek erakutsi zuen bezala. Beraz, erakunde abertzalearen ustez, atzokoa atekada bat da euskal gizarteari, zeinek askotan erakutsi du Euskadiren eta estatu espainolaren arteko harreman berri bat beharrezkoa dela. Estatutuaren ez betetzea ahalbidetu duten berdinak emandako atekada. Azken batean, estatu espainolaren plurinazionaltasuna eta herrien erabakitzeko eskubidea aitortzen ez dutenek emandako atekada.

Gazte Abertzaleak-ek, Madrilgo parlamentuan gertatutakoaren ildora, euskal ordezkari politikoei gizartearekin hartutako konpromisoa bete dezaten eskatzen die, Eusko Jaurlaritzaren elkarbizitzarako proposamenaren inguruan galdetua izan dadin.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek bidegabekeritzat hartzen du 18/01 makrosumarioa, Jarrai, Haika eta Segi taldeetako kideak kriminalizatzea bilatzen duen arma politikoa besterik ez delako. Makrosumario honetan espainiar botere judizialak errugabetasun presuntzio printzipioa, zenbait prozesu printzipio eta eskubide ezberdinak urratu dituela salatzen dugu.
Espainiar estatuak, Euskal Herriaren eskubide nazionalen kontra mantentzen duen estrategiaren barruan sailkatu behar dugu euskal gazteriaren zati baten kriminalizazio prozesu hau. Zentzu honetan, Gazte Abertzaleak-ek, 18/01 eredu politiko zehatz baten mesederako hasi eta bideratutako makrosumarioa besterik ez dela uste du. Eraso honek, euskal gazteri osoaren ardura izan beharko luke, azken batean elkartzeko askatasuna, ideologiak defendatzeko eskubidea, adierazpen askatasuna eta askatasun politikoaren eskubideak urratzen dituen prozesua baita.
Estrategia propagandistiko eta politiko zanpatzaile baten beste urrats bat besterik ez da talde hauen kideen kontrako prozesamendua, eta zentzu horretan GA-k oinarrizko eskubideen defentsaren aldeko apostua egiten duela berretsi nahi du oraingo honetan ere. Euskal gazteariak askotan erakutsi du bakean eta normalizazio politikoaren giroan hazi nahi duela eta zentzu horretan gatazka politikoaren gainditzea beharrezkotzat hartzen duela. Kriminalizazioa ez da bidea. Baina ezta ere honen aurrean indarkeria erabiltzea eta honen legitimizazioa egitea, horrek bakarrik mina eta sufrimendua ekartzen baitio gizarteari. Gatazka erreproduzitu, elikatu eta handitu besterik ez dute egiten 18/01 sumarioa bezalako ekintzek eta biolentziak. Ez da onargarria ideologiagatik talde baten kontra etengabeko jazarpen kanpaina bat irekita izatea, ez baita taldea bere osotasunean inkulpatu ditzakeen arrazoi juridikorik ematen. Bide horretan Gazte Abertzaleak-ek adostutako irtenbide batetara heltzeko lehenengo normalizazio pausuak eman daitezen dei egiten du, biolentziaren kiribila gutxitzea ekarriko duten ekintzak izango direlarik horretarako lehendabiziko urratsa. Demokrazian alde batera gelditzen dira biolentzia eta estatuaren azpijoko zikinak nazioen eskubideak aitortu ez izateko. Horregatik GA-k arazoaren konponbidera heltzeko bere borondatea adierazten du, momentu honetan gatazkaren irtenbidea bilatu nahi ez dutenei ausardia eskatuz.
Beraz, Gazte Abertzaleak-ek, bakearen eta normalizio politikoaren biderako biolentziaren gaitzespena egiten duen bitartean, bere alkartasuna adierazten die 18/01 makroprozesuan beren ideologia aitzaki prozesatuak izan diren euskal gazteei.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa