Gazte Abertzaleak-ek, Eusko Alkartasunaren gazte erakundeak, uste du, Gasteizeko parlamentuaren konposaketa berrian argi eta garbi gelditzen dela euskal gizarteak marko juridiko politiko berri baten aldeko apustua egiten duela eta zentzu horretan, behingoz legealdi hau, gizarteari zuzenean egin beharreko galdeketaren legealdia izatea eskatzen du. Erakunde independentistarentzat, inoiz baino beharrezkoagoa da, euskal indar politiko ordezkatzaileak akordioetara eta elkar ulertzera heltzeko borondatea erakustea. Zentzu horretan, normalizazioa, bakegintza eta Euskal Herriaren eraikuntza sozial eta nazionala izan behar dute hurrengo lau urteetako lanaren oinarria. Momentu honetan ez da posiblea ezbaika ibiltzea eta indar politiko bakoitzaren borondatea bere ekintzetan irudikatua geldituko da. Horregatik, Gazte Abertzaleak-ek, ausardia politikoa eskatzen die alderdi politikoei gure herriaren gerorako hain garrantzitsuak izango diren urte hauei aurre egiteko.

Gazte Abertzaleak-ek, gogoratu nahi du ere herriaren borondatea ordezkaezina dela eta momentua dela gizarteari, espainiar estatuarekin mantendu nahi duen markoa zein den galdetzeko.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, egonkortasunaren egoera galdu duten irakasleen arazoaren aurrean hurrengo hau jakitera eman nahi du:

• Ukatzen dugu gatazka honen aurrean bildu diren interes guztiak eta bakarrak lan arlokoak direnik. Ia hauteskunde aurrean protesta hauek guztiak plazaratzeak, alderdi konstituzionalisten soilik laguntza bilatzeak eta Hezkuntzako sailburua zein gure alderdiaren kontra jotzeak esandakoa frogatzen duela uste dugu.
• Hezkuntza sistematik kanpo geratu direla erakutsi nahi izan dute, hau, inondik inora egia ez denean. Irakasle hauek zeukaten egonkortasuna galdu arren, Hezkuntzaren barruan, egonkortasun gabeko interinoen lan poltsan, hain zuzen, jarraitzen dute.
• Hezkuntza Sailak, ezarrita dagoen legalitatearekin bat egin du, gehiengo sindikalarekin akordioak sinatuz eta malgutasun handiz kokatuz. Malgutasun handiz esaten dugu, izan ere Hezkuntza Sailak egoera hau berbera 1998an zein 2002an planteatu izan litekeen arren, 2005 arte luzatzea erabaki baitzuen.
• Hau gutxi balitz, irakasle hauek jakin badakite dagokien HE lortuz gero, berriro egonkortasuna errekuperatuko luketela eta indar handiz planteatuko arazoari erraz konpon lezakete.
• Beste alde batetik, gure harridura erakutsi nahi dugu behin eta berriro esaten digutenean irakasle horietatik askoren zerbitzua 20 urtekoa baino luzeago dela. Akaso, horrekin frogatu nahi digute denbora eskasa izan dutela euren buruak euskalduntzeko eta erkidego honetako bi hizkuntzetan zerbitzatu ahal izateko? Euren kabuz ez bada izan, administrazioak jarritako programei, gehienak 4 urte baino gehiago egonda, lanetik liberatuta eta soldata osoa mantenduz, interesa jarriz gero, gaur egungo egoera beste bat izango litzateke eta haiek bakarrik sortutako arazoa konponduta legoke. Hala ere, ez daukagu bat ere argi euren helburua bene-benetan euskalduntzea izan den ala, berriz, euren egonkortasun egoeraz baliatuz, “denbora pasa” egitearena izan den. Nola da posible, bestela, 40 urteko irakasle askok Karrantzan bizi arren, familia osoari arreta jarrita, egunero Bilboraino joan etorria egin behar izatea eta eskatutako EH lortu izana? Ikusita itxialdian dauden irakasle batzuk karrera bat baino gehiago egin dutela, goian luzatutako harridura oraindik handiago egiten zaigu.

Bukatzeko, berriro ere, Hezkuntza Sailari pairatzen ari den arazo hauen aurrean gure elkartasun handiena erakutsi nahi diogu jakin badakigulako bere helbururik nagusiena gizarte hau hobetzea dela kalitatezko zerbitzuak eskainiz, guztiontzat oportunitateak bermatuz eta gure kultura eta gure hizkuntza inongo konplexurik gabe zabalduz. Era berean, euskal gizarteari mezu argia luzatu nahi diogu, ez dezala pentsa irakasle guztiak hauek bezalakoak direnik; 20.000 pertsonentzako lantalde bat 157 pertsonek ezin dute eta ez dute ordezkatzen. Euskal gizarteak jakin behar du besteak beste irakaskuntzako profesionalei esker gure irakaskuntzako sistema Estatuko onena eta Europako onenetariko bat dela. Profesional hauei guztiei gure errekonozimendu oso-osoa

Gaia: Hezkuntza

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, uste du Alderdi Popularraren eta PSOE-ren arteko itun antiterroristaren benetako xedea frogatua gelditu zela atzo Madrileko parlamentuan. Erakunde abertzalearentzat, itun hau euskal gizartearen erabakitzeko eskubidearen kontrako akordioa besterik ez da, eta ez zuen inoiz edonolako talde armatuarekin bukatzeko helbururik izan. Hau argi eta garbi gelditu zen Madrilen Rajoy-k eta Rodriguez Zapatero-k egindako adierazpenetan. Alderdi politiko baten eta ETA-ren arteko lotura aztarnen bidez frogatzea ezinezkoa da, azkenik PSOE-k onartu duen moduan, kalkulu elektoral bat bideratutako jarrera aldaketa bada ere. Hala ere, atzo bere ekintzak justifikatzeko espainiar gobernuko presidenteak erabilitako argumentuek erakusten dute, itun horretan bere alderdiaren izaera gonbidatuarena zela, eta azken batean bakarrik etekin elektoralekin egindako estrategia politikoa zela. Zentzu berean, ikusi ahal izan zen paktu sektarioa zela, Eusko Alkartasuna, ETA bera baino gehiagotan izendatzen zuen ituna.

Beraz, Gazte Abertzaleak berriro gogoratu nahi die PP eta PSOE-ri , Euskal Herriaren normalizazio politikoa, akordioetarako borondatearen eta erabakitzeko eskubidearen bidetik bakarrik etorriko dela.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, ontzat hartzen ditu EAJ-EA koalizioak joan den igandean, apirilaren 17an, lortutako emaitzak. Gazte erakundearentzat, kanpaina gogorra izan da hau eta bide batez goraipatzen du, alderdi espainolistak hirukoa gobernutik kentzeko egindako esfortzuak, ez dutela emaitzarik eman. PP eta PSE-ren zentralismoak markatutako hauteskunde prozesua izan da, Génova eta Ferraz-etik zuzendutako kanpainekin, baita Batasunaren parte hartzea EHAK-ren bidez ere. Beraz, bada parlamentua gure egungo gizartearen benetako argazkia. Zentzu horretan, Gazte Abertzaleak, pozik agertzen da indar guztiak Gasteizen ordezkatuak izango direlako, beste alderdien ilegalizazioa eta gero.

PNV-EA koalizioaren garaipenak, gizartearen ongizatearen aurrera egitea suposatuko du. Gizarteak, eraikuntza nazionalaren bidean, bakearen, elkarrizketaren eta distentsio egoerako eskenatoki baten aldeko apustua egin du argi eta garbi urnetan.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, espainiar gobernuaren presidentearen, Jose Luis Rodriguez Zapaterok, EAE-rako estatutu berri baten inguruan Bilbon egindako adierazpenak demagogikotzat hartzen ditu. Gazte erakundearentzat, demokrazia garai osoan zehar, alderdi popularraren zortzi urteko gobernuan izan ezik, estatutua bete ez duten alderdi berdina da orain hauek esatera etorri zaizkiguna. Beraz, ez da taxuzkoa orain indarrean dagoen legedia betetzeko borondatea mahai gainean jarri ez duen alderdi batek beste estatutu bat eskaintzera etortzea. Zentzu honetan, azpimarragarria da alderdi sozialistak hutsetik hasi behar den estatutu berri baterako proposamena egitea, orain berri bukatutako legealdian horrelako prozesu bat hasi denean eta parte hartu nahi ez dutenean izan.

Beraz, Gazte Abertzaleak, PSOEri estatu espainolean emaitzak ematen dizkion Euskadi-ren inguruko baieztapen hutsak alde batera ustea eskatzen dio, beste lekuetan talantea denak hemen ez duelako ezertarako balio. Zentzu honetan, euskaldunak gure parlamentuan onartu genuena oztopatu beharrean Euskal Herriaren normalizaziorako lanean hastea eskatzen dio, gatazka ETAren indarkeri onargaitza baino harago baitoa.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Ez dira “karrerako funtzionariak”, baizik eta “bitarteko pertsonalak” dira, duela gutxi arte “bitarteko egonkortasun” egoeraz gozatzen zutenak.

Karrerako funtzionari izateko OPE gainditu behar da. 1993/94 eta 2003an OPEn partehartzeko aukera izan zuten irakasle hauek karrerako funtzionari izateko.

Bitarteko egonkortasunak “Status Pribilegiatu” bat ematen die gainontzeko bitarteko eta ordezkarien artean (17.000 baino gehiago), honek eskubide eta betebeharrak ezartzen dizkie. Egonkortasun erlazio honek lanpostu finko bat izateko ziurtapena bermatzen die. Horrela bada, esaterako irakasle lanpostuan plazarik ez bada gelditzen beste lanpostu bat ematen die (eskolako jantokian e.a.).

Betebeharren artean azpimarratu behar da, 228/2002 Dekretuan, 30. artikuluan, 4. puntuan 2004ko abuztuak 31 geroztik egonkortasuna mantentzeko “beharrezkoa izango da data horretan aurkeztea 47/1993 Dekretuak, maiatzak 9, ezartzen duena”, hau da, HE1 edo HE 2.

Hau dela eta argi dago ez dela erabaki politikoa, baizik eta indarrean dagoen legezkotasunaren betekizuna baino, zehazki, irakasleen egonkortasunaren konpromezua zuzentzen duen araudiarena.

Egonkortasuna mantentzeko eskatzen zen gutxienez HE 1, bitarteko egonkortasuna 102 pertsonak mantendu dutelarik.

Gazte Abertzaleen ustez, hizkuntz arrazoiei dagokionez ez dago bereizketarik. Hizkuntz Ereduen eskaeren arrazoia oso sinplea da: EAEn ikasleek libreki eta boluntarioki matrikulatzeko eskubidea dute nahi duten hizkuntz ereduan. Azken urteotan, gure Hezkuntz Sisteman euskalduntze prozesu aurrerakoi eta gehiengoa eman da (B eta gehienbat D eredua), eta horrek berezitasun askotan arazoak ekarri ditu HE gabeko karrerako funtzionariak jartzeko orduan, horregatik irakaslego honi beste lanpostu bat eskaini zaio (ZULEI, jantoki, eskolaz kanpoko ekintzak, zuzendari laguntzaile e.a.).

Hezkuntz Sistematik ez zaie botako. Hala ere, Zerrendagaien Gestio zerrendara pasatzen dira, 17.000 irakasle baino gehiagok osatzen dute zerrendara. Gainera, hauen aintzinatasuna dela eta, zerrendako lehenengo postuak betetzera pasatzen dira, bakoitzari dagokion berezitasunean.

Talde honek aukera asko izan ditu eta izaten ari da gutxienez HE 1 eskuratzeko. 1996/97 ikasturtetik IRALE programan partehartzeko aukera izan dute karrerako funtzionariekin batera. Honek 9,5 miloi euroko kostua suposatzen du (beraien ordezkapenak), eta honi gehitu behar zaio euskalduntze programan jarraitzen duten horiei dagokioen kostua (2 miloi euro). IRALE programan jarraitzeko baimena eman zaie euskalduntze prozesu luze honetan ( 1, 2 eta 3 kurtso arte), beraien urteko soldata kobratuz.

Datu interesgarri batzuk:

IRALE programa

157 bitarteko egonkortasuna dutenetatik:

41 ek IRALE ko askapena agortuta dute
97 k askaturiko kurtso batez gozatu dute
19 k ez du gozatu askapenaz ( ez dutelako eskatu)
Kostu zuzena (ordezkapenen ordainketa): 9.526.333 euro

2004/2005 ikasturtea

19 k beste lanpostu baten (jantoki, eskolaz kanpoko ekintzak…)
25 plaza gabe (batzuk IRALEn)
96 IRALEn askapenaz
Gainontzekoak dagokien plazan irakasle bezala

Irakasle OPE 2002

102 k ez gainditu: horietatik 51 k 0,000 puntu
30 ek gainditu (plaza gabe)
25 ek ez aurkeztua

Gazte Abertzaleek uste dugu 157 irakasle hauen eskubide eta interesak, eta hauei ordezkatu dieten 157 irakasleak, eta gainontzeko ordezko zein bitartekoak kontutan hartu behar ditugula. Baina ezin gara ahaztu Hezkuntz Sisteman oso garrantzitsuak diren ikasleen eskubide eta interesak errespetatzeaz, hauek baitirelako benetako protagonistak eta hauei esker lana dugulako.

Julene Azumendi
Euskara, Hezkuntza eta kultura idazkaria

Gaia: Politika orokorra

Egilea: Julene Azumendi

Komunikabidea: Gutuna

Gazte Abertzaleak-ek, Eusko Alkartasunaren gazte erakundeak, PSE-ren hautagaia den Patxi Lopez-i behingoz publikoa egin dezala apirilak 17ko hauteskundeak eta gero bere aliantza politika zein izango den eskatzen dio. Gazte erakundearen ustetan, Patxi Lopez-ek, hain garrantzitsua den gai batean, muzin egiten dio bere jarrera aitortzeari, bere alderdiaren eta PPren parlamentarien arteko elkarketak euskal gizartearen borondatea ordezkatzeko aukera ematen badio. Gazte Abertzaleak-ek bere “Ezkontza” kanpainan adierazi duen bezala, euskal gizarteak badaki Lopez-ek ez duela zalantzarik izango eskuin espainolarekin bere botoak elkartzeko, xede elektoral batekin horren harreman txarra erakustea nahi duten arren. Izan ere, eskutik joango dira matematikak horrela ahalbidetzen badie.

PP alderdiaren hautagaiak egin duen moduan, PSE-ren ordezkariak, bi alderdien bat egitearen aurrean bere jarrera positiboa adierazi beharko luke, izatekotan, bere kanpainaren muina den aldaketarako deia bakarrik PPrekin burutu ahal izango duelako. Aliantza hau, gudak sinatzen dituen, arazo ekologikoak ahalbidetzen dituen eta LOU bezalako lege antisozialak inposatzen dituen eskuinarekin egin beharko luke. Beharrezkoa da beraz euskal gizarteak, PSEren hautagaiaren ahotik, Ajuria-Eneara heltzeko zein izango den bere jarrera ezagutzea.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Datorren apirilaren 17an Euskal Autonomi Erkidegoan bizi garen pertsona guztiak urnekin zita bat daukagu. Aurrekoan bezala, hauteskundeen aurrerapenarekin datorkigun zita da honako hau ere. Bi hauteskundeen arteko antzekotasuna ez da kasualitatea, bi prozesuak eskuin eta autodenominatutako ezker espainolaren arteko bat egitearekin batera baitatoz. Oraingo honetan, Euskal Legebiltzarrean gehiengo absolutuarekin, Euskadiren eta estatu espainolaren arteko elkarbizitzarako marko berria baieztatu ostean eta Madrilen ezetza jaso eta gero, bi aldeak gizarteari bat eginda aurkeztuko zitzaizkiola argi gelditu zen. Nahiz eta horretarako euskal gizartearen gehiengoaren borondateari bizkarra eman behar. Badira hauek beraz Euskadirentzat oso hauteskunde garrantzitsuak, geure erabakitzeko eskubidea kolokan baitago.

Kanpainari hasiera eman aurretik ere, etengabekoak eta nabarmenak ziren PP eta PSE-ren artean egiten zituzten keinuak, bozkatzerako eguna heltzen den bitartean handitu diren keinuak. Gazte Abertzaleak-etik ez dugu inolako zalantzarik, bai alderdi baten bai bestearen jokabidea aurreikusteko orduan, bien indarrak batuz euskal gizartearen borondatea estaltzeko aukera badute. Honen adibide garbiak dauzkagu, hala nola, ezkerraldea edo Arabako foru aldundia. Instituzio hauetan alderdi bat bestearen mesedetan jarri da, eta alderantziz, alderdi abertzale demokratikoei legitimoki dagokien lekuetatik kentzeko.

Beraz, Patxi Lopez eta Maria San Gil-en arteko ezkontza, posiblea bazaie gertatuko den errealitate baten karikatura da. Inork ez du Euskadin bat egite honen zalantzarik. Prestige, LOU, Irak-eko gerra, manipulazio informatiboa…. bi buruzagi hauek aurrez aurre jarri zituzten gaiak dira, baina ez dugu inolako dudatik euskal gizartearen borondatea ordezkatzeko aukera agertzen bazaie guztiak alde batera utziko dituztela eta elkartuko direla.

Horregatik, Gazte Abertzaleak-ek 25 urte hauetan egindako lan guztia egun bakar batean gal ez dadila eskatzen dizu. Zure botoarekin komenientziazko ezkontza hau galaraz dezazun.Zure botoa aniztasunari, gizarte ongizateari, autogobernuari, Euskadiren etorkizunari eta erabakitzeko eskubideari eman.

Zure botoa erabakigarria da !!!!

Hartu ezkontzarako zure gonbidapena !!

Gaia: Politika orokorra

Egilea: Gazte Abertzaleak

Komunikabidea: Kanpaina

Gazte Abertzaleak-ek, Eusko Alkartasunaren gazte erakundeak, EAEko Auzitegi Gorenak Euskal Herritik kanpo dauden presoen senideei Eusko Jaurlaritzak emandako diru laguntzen ezeztapena gaitzesten du. Gazte erakundearentzat, erabaki hau dagoeneko oso zigortua dagoen kolektibo bati min gehiago gehitzera besterik ez datorren erabaki politikoa da. Zentzu horretan, azpimarratu behar da pertsona hauek, bere senideak bisitatzeko egin behar dituzten bide luzeak izatez badirela zigor gehiegi, gainera jasotzen dituzten dirulaguntzak ere kentzeko. Erakunde independentistarentzat, dispertsioa mendekuan oinarritutako herraminta politikoa da, senideei mina eta sufrimendua besterik ekartzen ez diena, eta gatazka politikoaren zuzeneko biktimak bihurtzen dituena. Espetxe politika honen emaitzak argiak dira gainera, urte oro harrituta ikusi behar baitugu pertsonaren bat errepidean hil dela senide bat bisitatzera zioanean. Guzti honengatik, Gazte Abertzaleak-ek dispertsioaren bukaera inoiz baino ozenago aldarrikatzen du, politika hau bukatzen ez den bitartean senideak diru laguntzak jasotzen jarraitzearen aldeko deia eginez.

Marko politiko berri batera salto egin beharraren beste adibide bat besterik ez da hau Izan ere, espetxe arloan transferitutako konpetentzia ez izatea, parlamentuan ordezkatutako Euskal Autonomi Erkidegoko biztanleen borondatearen eta gure herriaren eskumenen ahalmenaren arteko erlazioa desorekatua da.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, demagogikotzat hartzen du alderdi politikoen ilegalizazioaren inguruan izandako azken gertakarien inguruan PSOE-k izandako jarrera. Gazte erakundearentzat, Euskal Lurraldeetako Alderdi Komunistaren ez ilegalizazioak, Alderdi Popularrak egindako eskakizuna, ez da PSOEren jarrera aldaketa baten ondorioa, izan ere bere ETArekiko lotura arbuiatzerakoan, Batasunaren eta Aukera Guztiak plataformaren kasuetan emandako argumentuen berdintsuak erabiltzen baitira. Beraz, Gazte Abertzaleak-ek, alderdi sozialistaren aldetik etorri beharreko estatu espainolaren benetako demokratizazioaren eskakizuna egiten du , oraingo egoerara heldu izana bere erantzukizunaren menpe baitago. Azken urte hauetan politika jarraitzailea eta identitate gabekoa egin izanaren erru, etekin elektoralak ateratzearen helburuarekin egindako politika egin baitu alderdi sozialistak, bere izaera demokratiko historikoa gordetzeari baino garrantzi handiagoa emanez. Zentzu honetan, barregarria da indar politiko batzuk ilegalizatzeko baliagarriak diren argumentuak beste batzuk kanpo usteko onak ez izatea, horrela argi gelditzen da Batasunaren ilegalizazioa helburu elektoralekin egindako maniobra besterik ez dela, inolako sendotasun argumentalik gabekoa.

Horregatik, Gazte Abertzaleak-ek PSOEri jarrera aldaketa eskatzen dio, distentsio egoera batera eramango gaituen aktitude demokratikoagoa, Euskal Herriari bakea eta normalizazioa ekartzeko lehengo urratsa izango dena.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa