Gazte Abertzaleak-ek, Eusko Alkartasunaren gazte erakundeak, uste du IRAk egindako armen usteak eredu ona suposatzen duela Euskal Herrian bizi dugun gatazka politikoaren irteera bilatzeko bidean. Gazte erakundearentzat, borondate politikoa da gaur egun beste eskenatoki politiko batetik aldentzen gaituen oztopoa, Irlandan orain berri pasa duten oztopoa. Zentzu horretan, GAk ausardia eskatzen die bai ETAri eta espainiar gobernuari behingoz indarkeriarik gabe herriak hain gogotsu bilatzen duen bakearen bidean lanean jar daitezela.

Gazte Abertzaleak uste du Gerry Adams-ek emandako urratsa, IRAri armak ustea eskatuz eta gero hauek hartutako jarrera, gaur egungo gizarteetan hitza helburu politikoak lortzeko arma bakarra dela argi utzi dute. Horregatik, GAk ETAri armak isiltzeko borondate berdina erakutsi dezala eskatzen dio. Hala ere, espainiar gobernuak ezin ditu bere erantzukizunak alde abtera utzi, hala nola, dispertsioa, torturak eta alderdi politikoen ilegalizazioa. Bada beraz, apustu ausartak egiteko denbora, bakearen aldeko apustu sendoak.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Detenitua eta torturatua izan ondoren, 20 urteko gazte saharar baten heriotzaren aurrean, Gazte Abertzaleak-ek, Eusko Alkartasunaren gazte erakundeak, berriz ere, Nazioarteko Komunitateari eta espainiar estatuari, bereziki, saharar herriak sufritzen duen gatazkaren konponbidean inplika daitezela eta giza eskubideen urraketak ekidi ditzatela exigitzen dio. Azken honi, saharar herriarekiko daukan erantzukizun historikoa bere gain har dezala eta Marokori giza eskubideen eta oinarrizko askatasunen urraketan geldi daitela eta autodeterminazio eskubidea aitor dezala exigitzea eskatzen dio. Espainiar estatuak Portugalek Ekialdeko Timorri dagokionez burututako deskolonizazio prozesua eredutzat hartu beharko lukeela uste du Gazte Abertzaleak-ek.

Gazte Abertzaleak-en ustez, sekulako sarraskia gertatzen ez dan bitartean Nazioarteko Komunitatean ez du inork atzamarrik mugituko eta hau, noski, onargaitza da. “Intentsitate baxuko” indarkeriaren aurrean denek begiak ixten dituzte. Era berean, Gazte Abertzaleak-en iritziz, estatuek alkartasun folklorikotik erreibindikazio politikoetara pasa beharko lukete.

Gaia: Internazionala

Egilea: Gazte Abertzaleak

Komunikabidea: Prentsa Oharra/Nota de prensa

“You´re in the Basque Country” : Bilboko Gazte Abertzaleakek, hirian, uztailaren 15etik 17ra Bilbao Urban Circuit izeneko kotxeen lasterketak ospatu dirala aprobetxatuz, erreibindikazio eguntzat hartu ditu asteburu honetako hiru egunak. Horrela, “You´re in the Basque Country” Kanpaina kaleratu du, pankartak eta pegatinak zazpi hizkuntz ezberdinetan Bilbo osoan jarriz.

Gaia: Politika orokorra

Egilea: Gazte Abertzaleak

Komunikabidea: Kanpaina

Gazte Abertzaleak, Eusko Alkartasunaren gazte erakundeak, bere gaitzespenik sutsuena erakutsi nahi du ETAk Boroako zentral elektrikoaren aurka egindako erasoaren harira. Gazte erakundearentzat, gatazka Euskal Herrian edozein motatako indarkeriaren gainetik bideratuta dago eta deia bat egiten dio ETAri behingoz onartu dezan gizarteak bere geroa erabaki nahi duela sortzen duen indarkeriarik gabe. Horregatik GAk eskatzen du, azken garaian egin duen bezala, euskal gizartean hainbeste min sortu duen egoera gainditzeko ausardia eta alderdi politikoek izatea azkeneko irtenbidea emateko erantzukizuna, gatazka soilik politikoa baita.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, uste du aurreko legealdian euskal gobernuaren proposamenera aprobatutako Euskadiren eta espainiar estatuaren arteko harremanak arautzeko proposamenak zituen oinarriak oraindik ere baliagarriak direla Euskal Herrian akordio politikora heltzeko. Gazte erakundeearentzat oraingoa euskal gizarteari zuzenean geldetu beharreko legealdia da eta zentzu horretan, akordioa beharrezkotzat hartzen du gizarteak bere geroa askatasun osoz erabaki dezan. GA-ek ez du ulertzen beraz PP eta PSEk mantentzen duten jarrera inmobilista eta atzerakoia, hitza gatazkaren gaindiketarako baliabide bakarra dela aitortzen ez baitute. Legealdi honek, dudarik gabe, euskal aktore politikoek normalizaziorako duten grina azaleratuko du eta horregatik erakunde independentistak distentzio politikora deitzen ditu jarrera inmobilistetan diharduten alderdi politikoak.

Bide batez, Gazte Abertzaleak-ek deia egin nahi du hastear dagoen prozesu berri honetan baldintza onak eman daitezen, egun oraindik ere sufritu behar dugun indarkeria desagertu dadin.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

GAk kanpaina bat aurkeztu du PSEren jarrera salatzeko Arabako erakunde naguisetan “non txeke zuri bat eman dio PPri haietan gobernatzeko. Ruben Rico eta Iñaki Sánchez izan dira Gazte Abertzaleak-eko arduradunak, Diputazio Jauregi aurrean kanpainia hau hedabideetan aurkezteko, Manuel Ibarrondo, Eusko Alkartasuneko bozeramailea batzar nagusitan, Antxon Belakortu , Udaletxeko bozeramailea, eta Gasteizko zein Arabako Batzordeetako kideen sotenguarekin. Kanpainaren kartelak, kanpaina beraren mezu nagusia isladatzen dute, ROJOREN TXEKEA, TXEKE ZURIA.

“PSEk egunero alkatearen eta diputatu nagusiaren gestioa kritikatzen dute, beraien ez betetzeak saltasen ditutzte, instituzioak gaizki gestionatuak daudela esaten dute etab. Baina beraien hitzaldian gai oso garrantzitsua ahazten dute: beraien laguntza gabe ez zirela postu hoietan egongo ez Alonso ez Rabanera” salatu egin zuen Iñaki Sanchezek, gehitu zuenak “honek ez du esan nahi, egoera honen errudun nagusia PP ez denik baina bai PSEk ardura handia daukala egoera honen aurrean”.

Kanpainaren inguruan,Gazte Abertzaleak Araba, Arabako gizarteari Rojo jaunari zuzenduriko txekeak betetzeko aukera emango dio, benetazkoak diren beharrak eskatzeko “ez egun PPen gobernuak arabarroi eskatzen dizkigunak, aurrekontu, proiektu eta progama gabe, adibidez lanpostu egonkorra, etxebizitza duina, auzoetan hobekuntzak…”

GAk konprometitzen da eskaera hauek PSEri bidaltzeaz, “azken finean, Rojok PPri txeke zuri bat eman badio, zergaitik ezin zaie eskatu Arabar gizartearekiko konpromezua?”

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak gaur goizean Iruñeara gerturatu da San Ferminen hasiera aprobetxatuz Euskal ikurren eta pluralitatearen aldeko kanpaina bat egitera. Gazte erakundeak, txupinazoaren aurretik ikurrinak banandu ditu doan Iruñeako kaleetan, prentsa aurrekoan bere Idazkari Nagusiak, Ibon Usandizagak, esan duen bezala “Euskaldunak izateko eskubidea urratua dugulako banatzen ditugu ikurrinak, lege uniformizatzaile baten kontra”, Nafarroako Sinboloen Lege Foralaz hitz egiten. Bide batez, kaleak “Nafarra izateko eskubidea, euskalduna izateko eskubidea” lelopeko kartelak jarri ditu Gazte Abertzaleak-ek hiriko alde zaharrean eta pankarta handia Gazteluko plazan.

Gaia: Politika orokorra

Sinboluen legea uniformizazioaren aldeko apustua besterik ez da. Arau sektarioa da, eta bere edukia milaka nafarren askatasunaren aurka landu zan. Nafarrek sentimendu euskalduna eta nafarra batera bizitzeko eskubidea bai dute.Askatasunen murrizketa onartezina suposatzen du debeku honek. Ikurriñak Nafarroako gizartearen gehiengoaren nahia ordezkatzen ez duen arren,horregatik ezin zaie gutxienekoa dan nafarroako gizarte zati horri bere identitatea eta Euskal Herriko kide izatearen sentimendua inposaketaren bidea jarraituz ukatu, ikurriña debekatuz. Ulergaitzagoa suertatzen da kalean eta festetan ikurriñaren erabilera lege bidez ukatzea, euren ezaugarria askatasuna izanik.

Guzti honengatik, Gazte Abertzaleak lege honek ezartzen dituen inposaketen aurka agertzen da eta bere indargabetzea eskatzen du. Milaka Nafarren askatasuna urratzen duelako. Milaka nafarrek euskaldun eta nafar izatearen sentimentuak zilegitasunez batera bizitzeko eskubidea baitute. Eta era berean aniztasunaren eta askatasunen errespetuaren aldeko apustua egiten du.

Gaur, txupinazoaren eguna izanik, San Fermin jaietan ikurriñaren presentziaren aldeko ekintza erreibindikatiboak burutuko ditugu.

Gaia: Politika orokorra

Egilea: Gazte Abertzaleak

Komunikabidea: Prentsa aurrekoa

Gazte Abertzaleak-ek atzo ESAIT-ek antolatutako Euskal kirol Selekzioen aldeko jaian parte hartu zuen. Gazte erakundeak, ahal duen guztietan egiten duen bezala, gure nazioaren ordezkari izango diren kirol selekzioen aldeko eskaria egin zuen Algortako Portu zaharrean ere. Prestaturiko programan ekitaldi nagusia, kirolariek bere ordezkaritza euskal selekzioekin egitearen alde irakurritako manifestua izan zen. Bertan, Frantzia eta Espainiarekin parte hartzera derrigortuak direla azpimarratzen zen. Gure nazio eskubideak urratuak gelditzen direlarik kirol ordezkapenean.

Jende mordoa bildu zen atzo Algortan eguna giro ezin hobean pasatzera eta euskal selekzioaren aldeko deia egitera.

NAZIOA GARELAKO, EUSKAL SELEKZIO OFIZIALAK!!!!

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa