Gazte Abertzaleakek, Eusko Alkartasunaren gazte erakundeak, berriz ere ETA-k enpresen eta eraikin publikoen kontra bonbak jarriz burutzen jarraitzen duen atentatuen aurrean bere gaitzespena adierazten du.

Atentuen ondorioak jasan dituzten gizon- emakumeei bere alkartasuna adierazten die eta ETA-ri indarkeria etetzeko eskatzen dio. Gazte Abertzaleak-ek elkarrizketaren eta akordiorako borondatearen aldeko apustua egiten jarraitzen du gatazkaren konponbidean aurrerantza egin dezagun.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak, Eusko Alkartasunaren gazte erakundeak, bere gaitzespena adierazi nahi du atzo Auzitegi Nazionalaren atarian gertatutako egintza penagarrien aurrean. “Libertad y Justicia” erakundearen partaideek bere zatarkeria morala erakutsi dute pertsona baten heriotza botila bat zabalduz ospatu nahi izanagatik. Iritzi politikoak alde batera, pertsona bat zendu izana ez da ospatzeko gauza. Beraz, gertakizun penagarria da eta gatazka politikoaren inguruan sortutako zenbait erakunderen benetako izaera nolakoa dan erakusten duena .

GA-ek galdetu nahi dio PP-ri zein den gertakizun hauen aurrean duen iritzia eta zein den erakunde honekin duen harremana argitzea eskatzen dio.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

RASD-en aldarrikapenaren 30. urteurrenean, saharar herriaren borondatearen islada dana, Gazte Abertzaleak-ek, Eusko Alkartasunaren gazte erakundeak, Euskal Herriko zenbait tokitan gaur izango diran mobilizazioenganako bere atxikimendua adierazten du eta Euskal Herriko gazteak parte hartzeko animatzen ditu.

Erakunde independentistak Nazioarteko Komunitatearen pasibotasuna kritikatzen du eta espainiar estatuari daukan erantzukizun historikoa bere gain hartzea exijitzen dio, Portugaldar gobernuak bere egunean Ekialdeko Timor-ekin eraman zuen prozesua eredu bezala hartuz. Era berean, espainiar estatuari saharar herria saltzen ez jarraitzea eskatzen dio.

Gazte Abertzaleak-ek, espainiar estatuari eta Europar Batasunari behingoz saharar herriari zilegitasun osoz dagokion autodeterminazio eskubidearen alde mugitzea eta marokoar diktaduraren aurrean presio bide ezberdinak erabiltzea exijitzen dio honek bere errepresio estrategia eta giza eskubideen urraketa eten dezan.

Gazte Abertzaleen ustez dena espainiar estatuaren eta Europar Batasunaren eskuetan dago eta hauek ezin dute euren erantzukizuna ekiditu.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Batzuek sortzen dituzten oztopoen gainetik, Gazte Abertzaleak itxaropentsu agertzen da garai politiko berriaren hasiera honetan. Erakunde independentistarentzat, benetan euskal gatazkaren amaieraren prozesua hasteko aukerak daude eta zentzu horretan, eragile politiko eta sozial guztiei, gure erakundeak orain arte erakutsitako elkarrizketarako eta akordioetara heltzeko borondate berdina erakustera gonbidatzen die. Bide batez, gazte erakundeak azpimarratu nahi du beharrezko izango dela, benetako amaiera ahalbidetzeko eta berriro ere partxe bat ez jartzeko gizarte arazo honi, gehinengoaren adostasun batera heltzea, negoziazioan inor baztertu gabe. Horregatik, GA-ek gogor salatu nahi du PP-k eta bere buruzagiek mantentzen duten jarrera atzerakoia eta inmobilista. Bide horretan gogorarazi nahi die herriaren hitza errespetatu beharko dutela, nahi eta nahi ez. Azken batean hori baita haiek orain berri horrenbeste defendatzen duten demokraziaren esentzia.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek modu positiboan hartzen du behingoz PSE akordio baten bilaketaren prozesuan sartu izana. Hala ere, ez du ulertzen zergatik jarraitzen du erabakitzeko eskubidea herriari lapurtu nahian. Erakunde independentistarentzat txalogarria da mahaiaren gainean jesartzeko borondate handia erakustea, hala ere, ezin dira aldez aurretik mugak jarri prozesuari. Horregatik, GA-ek PSE eta bere buruzagi den Patxi Lopez-i demokraziari eustea eskatzen dio, azkenean herria izan dadin Euskal Herria eta estatuen arteko harremana zein izango den erabakiko duena.

Bide batez, GA-ek gaitzetsi nahi du ETA-k Urdazubin egindako atentatua, kaltetuei bere alkartasuna luzatuz eta gogoraraziz beharrezkoa dela inora eramaten ez gaituen indarkeria alde batera uztea.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek harrigarritzat hartzen du azken egunetan Unai Romano euskal gaztearen auziaren inguruan izandako gertakizunak eta honi bere alkartasunik sendoena erakutsi nahi dio. Erakunde independentistarentzat, erabat argi gelditu da jada zein izan zen Romanok polizi etxean jasotako tratua eta horregatik ez du ulertzen zergatik artxibatu den honen salaketa. Behin gehiago ere, euskal gizartea harrituta ikusi behar du nola Espainiako justiziak partzialitate osoz jokatzen duen euskal politikagintzarekin harremana duen gai batean. Espainiar estatuaren justiziaren zilegitasuna hutsa da eta euskal kutsua duen edozeren aurrean duen jarrera aurreko autoritarismoen garrak besterik ez dira.

GA bide batez bere alkartasunik zintzoena erakutsi nahi dio Unai Romanori momentu latz honetan eta nahi dutena egiteko karta zuria duten politikari atzerakoien zuzendaritzapean lan egiten dutenekin justizia egin dadila eskatzen du. Justiziaren garaia heldu da, Euskal Herriaren kontrako estatuen gerra zikinak bukatzeko garaia.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa