Gaur Europaren Eguna dala eta, zenbait gazte erakunde politiko abertzalek, European Free Alliance Youth (EFAY) osotzen dugunok hain zuzen ere, Europari buruz konpartitzen dugun ikuspuntua adierazteko deitu zaituztegu prentsaurreko honetara.
Euskadi, Andaluzia, Gales, Katalunia, Britania, Südtirol, Silesia, Mazedonia eta Ukraniako gazteak, beste batzuen artean, momentu honetan adierazpen hau irakurtzen ari gara elkarrenganako alkartasuna adieraziz, gure Europaren ikuspuntu barnetzaile eta aurrerakoia azaltzeko. Gutariko bakoitzak EFAY osotzen dugun arakundeak ordezkatzen ditugu, Alianza Libre Europea osotzen duten erakunde politikoen gazteriaren federazioa dana. Alianza Libre Europea / European Free Alliance europear alderdi politikoa eta abertzaleek eta erregionalistek osoturiko talde politikoa da Europar Parlamentuan.
2000. urtean Bilbon eratu zenetik, EFAY- k egun Europan bizi garen gizon- emakume guztion eskubideen defentsan oinarritzen den erakundea izaten jarraitzen du. Europa lankidetzaren ideian oinarrituz ulertzen dugu, Europar Batasuneko herrien arteko lankidetzaren ideian ezezik toki guztietako herrien artekoan ere. Honek bereziki oraindik Europar Batasuneko kide ez diren zenbait estatutan bizi diren gizon emakumeak barneratzen ditu (Ukrania, Moldavia eta Georgia, esate baterako). Gaur europar erakundeei herri hauek ez ahazteko eta herri eta nazio historikoen Europar Batasun baten bat egitearen alde lan egiteko deialdia egiten diegu.
Europear guztioi eta gizon- emakume guztioi askatasun kulturala, erlijiosoa eta demokratikoa dagokigu. Gure hizkuntzak eta ohiturak erabili eta euretan hezkuntza oinarritzeko eskubidea daukagu. Hauetxek onartu beharreko oinarrizko eskubideak lirateke. Ez dugu giza eskubideak ahaztuz helburu ekonomikoak lortzeko irizpide bikoitza erabiltzen duen Europar Batasun bat nahi. Ez dugu uste hau helburu idealista denik.
EFAY-k beti etorkizunaren gure ikuspena errealitate bihurtzeko politikak eta ekintzak burutu ditu. Europa osoan hizkuntzen, kulturen, giza eskubideen eta herrien eskubideen garrantzia azpimarratzeko gazteon ikuspuntutik antolatu eta hainbat ekimenetan parte hartu dugu. EFAY antolatutako ekintzarik garrantzitsuenetarikoa 2004an izan zen Bruselan. Aniztasuna aberastasuna da deitu genion; horixe izan liteke gure erakundearen leloa.
Gutxituen eskubideak denon eskubideak direla azalaratzeko publikazio desberdin eta dokumentu batzuk atera ditugun azken urteotan. Agenda Berdearen aldeko gure lana ere azpimarratu nahi dugu, baita antzeko interes duten beste erakundeekin elkarlana. Gure erakundea bakezalea da eta indarkeriaren manifestazioak gaitzezten ditugu.
Gure erakundeak Europan estatu gabeko nazioen eta talde gutxituen eskubideen errespetuaren alde lan egiten du. Nazioen eta regioen izatea errespetatzen duen Europa bultzatzen dugu. Eta bere eskubideak marko juridiko berri baten bitartez babestea dugu helburutzat. Benetako integrazio europarra nahi dugu, zeinetan estatu gabe herriek parte hartzeko eskubide osoak dituzten.
Nazioek eta regioek egungo estatuek besteko indarra eta ordezkaritza eukitzea aldarrikatzen dugu. Horrexegaitik aniztasunaren defentsa gure lanaren ardatzat hartzen dugu. Subsidiaritate printzipioa ahal den leku guztietan aplikatua izatea aldarrikatzen dugu, herrialde eta nazio guztiak indar berdina izan behar baitute. Gure eginbeharra da aniztasun hori babestea, era berean gure indarra eta inspirazioa.
Gutxiengoek pluralitatea eta dibertsitate kulturala aberastu eta lagundu egiten dutela sinesten dugu, baina ez dago zalantzarik gaur egungo Europan zailtasun asko daudela oraindik, bakea, justizia, estabilitatea eta demokrazia mehatxatuz.
Argi esa nahi dugu Europa askea nahi dugula, non autodeterminazio politiko, kultural eta ekonomikoa errespetatzen den eskubidea den. Gure helburuak lortuko ditugula sinesten dugu, eta ziur gaude etorkizunean Europa irekiagoa eta demokratikoagoa lortuko dugula.
Ez ditugu gure “auzokideak” -Ukraina eta Bielorrusia bezalako herrialdeak, oraindik Europar Batasuneko parte ez direnak -. Gure ustez, Europar Batasunak herrialde hauek ezagutzen ahalegindu behar da, argi utziz ongietorriak diren Europar Batasunean sartzeko ala ez. Ez dugu ahaztu behar ere herrialde hauen oraingo lagunak Errusiak imposaturikoak direla eta asko poztuko zirela ez balute Europar Batasuneko kide izatea lortuko.
EFAy bere barnean hartzen du gure printzipioak onartzen dituen erakunde oro, eta bere partehartzea errazten saiatzen da Europar mailan. Modu horretan gure kanpainak modu efektiboago batean bideratzen ditugu eta batasuna aniztasunean posible dela frogatzen dugu. Momentu honetan 31 erakunde daude EFAy barnean, 12000 gazte militante ordezkatzen dituztenak Europa osoan.
Berdintasunean, giza eskubideetan eta garapen iraunkorrean sinesten duten gazte guztiei gurekin lan egiteko eskatzen diegu, guretzako denontzako Europa sortu ahal izateko. Ez dugu gutxi batzuentzako kluba den Europa, gure helburak eta printzipioak konpartitzen duten guztiekin lan egin nahi dugu. Ez dugu uste hau ikuspuntu idealista denik, badakigu lortu ahal dugula eta zentzu horrekin lan egingo dugu modu justu batean!
Hau da gure Europa eta gure etorkizuna! Eskerrik asko gure hitzak entzuteagatik.
Gaia: Internazionala
Egilea: Gazte Abertzaleak
Komunikabidea: Prentsa Oharra/Nota de prensa
0 iruzkin 
