Gazte Abertzaleak-ek egunotan Euskal Herrian burutzen ari den maniobra militarren helburua zein den galdetzen du, espainiar Gobernuak ondo bait daki ekintza hauek behin eta berriz euskal gizarteak onargaitzat jo dituela.

Erakunde independentistak praktika hauen anormalitatea azpimarratzen du, are gehiago euskal gizartea bakegintza eta normalizazio prozesu batean murgilduta aurkitzen denean.

Era berean, GA-k gatazka politikoen desmilitarizazioa kontzeptuaren zentzurik zabalenean defendatzen du, hots, euskal eszenatokian erakunde militarren presentziak, estatuen ejerzitoena edo beste mota batetako erakunde militarrena, ez du Euskal Herriak espainiar eta frantziar estatuekin duen gatazka politikoaren konponbidean batere laguntzen.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa

Donostiako Gazte Abertzaleak-ek Zinemaldia dela eta kanpaina hau aurten ere martxan jarri du. Bertan, euskaraz ikus daitekeen zinema gutxi dela salatu nahi izan dute. Horretarako kartel eta zinerako gonbidapenak prestatu dituzte. Aste osoan zehar Gipuzkoako hiriburua kartelez josita izango da, eta bertatik pasatzen diren guztiak “Istorio Amaigabea” filmerako bere sarrera jasoko dute eskuan.

“Gaur egun gizarteak duen euskara gaitasuna eta euskaraz bizitzeko eta gozatzeko dauden mugak ez datoz bat gizarte normalizatu bati dagokionarekin. Zineman agerikoa da aipaturikoa, ez baita euskaraz bikoiztutako filme eskaintzarik. Egoera honi aurre egiteko beste hainbat herrietan eman diren neurriak ez dira hartu (Katalunian esaterako). Ezinbestez beraz, euskara hartzaileak eta hiztunak gure erdaretara bikoiztutako filmak ikustera behartuta gaude. Dei egiten diegu beraz Eusko Jaurlaritzako, Nafarroako Gobernuko zein estatuetako gobernuetako Kultura arduradunei honi irtenbide bat bila diezaioten.”

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, gaurtik hasita iganderarte “Alkartasun Asteburua” ospatuko du Bergaran eta Arrasaten Euskal Herriaren eraikuntza ezkerretik, Euskal Herriaren independentzia helburu politiko gisa eta normalizazio politikoa eta bakegintza ardatz gisa hartuz.
Gazte erakunde independentistaren kideek asteburu honetan hiru gai nagusi hauei buruz hausnartu eta eztabaidatuko dute erakunde politikoaren XX. urteurrenean.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek bere gaitzespenik indartsuena adierazi nahi du azken asteburuan Donostiako kaleetan gertatutakoaren aurrean. GA-ek ere gogorarazi nahi die horrelako ekintzak helburu politikoak lortzeko baliagarriak direla uste dutenei urte askotan ez dugula ezer lortu eta horrek ez duela sufrimendua besterik ekartzen. Zentzu horretan, penagarria da hitz hutsekin ibiltzea atentzioa desbideratzeko benetan garrantzitsua denetik, eraso faxista horiek benetan bakea nahi ez dutenak egiten dituztela. Indarkeriak ez du inoiz bakea ekarriko Euskal Herrira eta horren aurrean isiltzen direnak, ondorioen errudun dira berdin berdin.

Horregatik, GA-ek eskatu nahi die eragile politiko guztiei prozesuan benetan inplikatzeko, austura soziala handitu ez dadin eta momentu honetan horren esperantza handia duen gizarteari pozik egoteko zergaitia emateko. Eta PSOE eta ezker abertzalea deitutakoari erantzukizunez jokatzeko exigitzen die.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

GAk hainbat ekintza burutu zituen Donostian estropada eguna zela eta, iaz bezala. Goiz ekin zioten gazte ausartak ekintzari, goizeko 6tan. Donostian zehar alkartasunezko mezuak eskuetan eta gure herriarenganako maitasuna bihotzean. Alde zaharra goitik behera kartelez bete zuten Donostiako GA-ko kideak. Joan den urtekoa txikia gelditu zen aurtengoarekin alboratuta.

Benetan zoriontzeko egindakoa! Zorionak Donostiako GA-i. datorren urtean berriro ziaboga ezkerrerantz egin behar dela gogoratuko diegu!

Gaia: Politika orokorra

Egilea: Martin Aranburu

Komunikabidea: Prentsa Oharra/Nota de prensa