Gazte Abertzaleak-ek, Eusko Alkartasunaren gazte erakundeak, “Ausardiaz. Alternatiba eraikiz.” lelopean bere IX. Nazio Biltzarra ospatuko du asteburu honetan, otsailaren 24 eta 25ean, Deban.

Nazio Biltzar honetan 70 bat ordezkarik parte hartuko dute eta erakunde independentista ezkertiarrak, GA politika eskola danaren filosofiatik abiatuz, bai politika nazionalaren inguruan, Euskal Herriak bake eta normalizazio gaietan bizi duen egoeraren aurrean, bai politika soziekonomikoari dagokionez, gazteok dauzkagun egungo eta etorkizuneko erronkei begira, datozen bi urteetan jarraituko dituen ildoak zehaztuko ditu.

Era berean, erakundearen funtzionamenduan eragina izango duen aldaketa estrukturalen proposamenari buruz eztabaidatuko da, GA-en estatutuen aldaketan islada izango duena. Proposamen honek eskema foral-probintzialisten gainditzea suposatzen du eta ardatz nazional eta lokaletan oinarrituz egitura berriztean datza.

GA osotzen duten gazteek , gainontzeko Euskal Herriko gazteek bezala, gure belaunaldiak emanzipatzeko eta etxebizitza bat lortzeko dituzten arazoak, lan duina lortu eta milaeuristen belaunaldia izaten ez jarraitzeko, aisialdi eta kultur alternatibetan parte hartzeko, garapen iraunkorrean aurrerapausuak emateko eta bake eta normalizazio politikoan eragile aktiboak izateko, beste gai batzuen artean, euren kezka eta ardura adierazten dute . Eta eztabaiden abiapuntuan erronka hauei aurre egiteko bide politikoak jarraitzearen apustua egongo da. Gauzak aldatzeko modu bakarra politikaren bidea dala mantenduz eta politika beste era batera egiteko apustuarekin nazio gaiak eta sozioekonomi kuestioak eztabaidatuko dituzte.

Igandean, otsailaren 25ean, Lasturko (Deba) Krosika Frontoian eguerdiko 12.30etan GA-k ekitaldi politikoa burutuko du. Partehartzaileak Begoña Errazti, Eusko Alkartasunako Presidentea, Jesus Mª Agirrezabala, Debako Alkatea, Ibon Usandizaga, egunarte GA-en Idazkari Nagusi izandakoa eta gazte erakundearen Idazkari Nagusi berria izango dira.

Gaia: Jardunaldiak

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, EAren gazte erakundeak, GAZTEDENDA.ORG martxan jarri du. GAZTEDENDA.ORG, Gazte Abertzaleak-en denda birtuala, gazte erakundeko bolondresen lanarekin sortu dute software librea erabiliz.

Gazte erakunde independentistak GAZTEDENDA.ORG denda birtuala Phpshop lizentzia libredun softwarea erabiliz landu du erakundearen filosofoari jarraituz.

Gazte erakundearen helburuak azken urteotan burutu duen “ezkergaztea” produktuen internet bidezko salmenta hobetzea eta era berean sarearen erabiltzaile guztiei tresna honen bidez Gazte Abertzaleak-en mezu erreibindikatibodun erropa eskeintzea eta interneten presentzia sendotzea izan dira. GAZTEDENDA.ORG-en gazte erakunde independentista ezkertiarrak egun salmentan dituen kamiseta eta sudaderak eskeintzen dira.

Denda birtualaren helbidea: http://www.gaztedenda.org/

Erreferentziak:

Ø Erabilitako softwarea, PHP Shop: www.phpshop.org
Ø Denda birtualaren garapenaren azalpena: http://www.galder.net/2007/02/21/gazte-denda-en-marcha/
Ø Zer da software librea? http://es.wikipedia.org/wiki/Software_libre

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Hezkuntzak sekulako garrantzia du gure seme-alaben garapen pertsonalerako zein herri gisa dagokigun ongizate maila hobetzeko. Gizarte anitz eta aldakor honek Hezkuntza arloan hainbat erronkari aurre egin behar dio ezinbestean, eta honek horri buruzko gogoeta sakona egitera behartzen gaitu, jokoan dagoena kontuan hartuta, Eusko Alkartasunak ere baduelako zer esan eta egitekorik.
Ildo honi jarraituz, hausnarketa elkarrekin egin eta guztiok aberasteko asmoz, Hezkuntza sistemari buruzko jardunaldiak antolatzea erabaki dugu eta bertan partehartzera gonbidatu nahi zaitut gutun honen bitartez.
Jardunaldietan, zehazki, hiru arlo desberdin jorratuko ditugu:
-Hizkuntz ereduak
-Eskola inklusiboa
-Euskal Kurrikuluma
Saioak datozen otsailaren 10 eta 11n egingo dira Donostiako Kursaal Jauregian, egitaraua honako hau izanik:
Otsailak 10
Goizez
10,00: Jardunaldien aurkezpena
10,15: Txostenen aurkezpena:
          Hizkuntz Ereduak (Ignasi Vila Jna.)
          Eskola Inklusiboa (Josep Valcorba Jna.)
          Euskal Kurrikuluma (Javier Granja Jna.)
12,00: Etenaldia
12,15: Lan tailerrak
14,00: Bazkaria
Arratsaldez
16,00: Lan tailerrak
18,00: Etenaldia
18,15: Lantalde guztien arteko eztabaida
Otsailak 11
11,00: Ondorioen aurkezpena
12,00: Eusko Alkartasuneko lehendakariaren hitzaldia

Gaia: Jardunaldiak

Gazte Abertzaleak-ek, EAren gazte erakundeak, Euskal Herriko gizon-emakume gazteak Euskal Herriaren alde, bakearen eta elkarrizketaren alde, Milakabilakak antolatutako manifestazioan parte hartzera animatzen ditu.

Erakunde independentistaren zuzendaritzak bere militanteei deialdia luzatu die bihar Bilbon Milakabilakak antolatutako manifestazioan parte har dezaten.

Euskal Herriaren alde, bakearen eta elkarrizketaren alde bihar zehaztutako ibilbidea egin dezaten animatu ditu gazte erakundeko militanteak eta gauza bera egiten du Euskal Herriko gazteriarekiko.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek, Eusko Alkartasunaren gazte erakundeak, bere babesa adierazten die Lehendakariaren erakundeari, Euskal Autonomi Erkidegoko gobernuari eta EAEko legebiltzarrari, Euskal Herriko hiru lurralderen ordezkaritza gorena eta zuzendaritza politikoa daukatenak, eta espainiar estatuko Botere Judizialaren sektore garrantzitsu bat bake eta normalizazio politikorako prozesuan parte hartzen duten eragile guztien aurka burutzen ari den gehiegikeri eta astakeriak salatzen ditu.

Gazte erakunde independentistak elkarrizketaren eta ideien kriminalizazioaren bidez espainiar estatuko botereetako batek, exekutiboaren eta legislatiboaren laguntzarekin, EAEko instituzio hauen kontra eta baita zenbait gazte eta erakunde politiko abertzaleen aurka burutzen ari den eraso sistematikoa gaitzezten du. Eraso hauek bere burua zuzenbidezko eta demokratikotzat jotzen duen estatu batetan onargaitzak dira, botereen arteko banaketaren printzipioa eta oinarrizko eskubide gisa errugabetasun presuntzioa dituen einean.

GA-k, euskal gazte askoren izenean, ekintza politikoaren judizializazioak suposatzen duen inboluzio demokratikoaren inguruan alarma guztiak pizten ditu eta espainiar estatuto hiru botereei, exekutiboa, legislatiboa eta judizialari alegia, Euskal Herrian bizi dugun une historikoak eskatzen duen mailan egotea eta Euskal Herriak hainbat alditan eskatu duen bake eta normalizazio poltikorako prozesua ez torpedeatzeko exijitzen die.

Gaia: Euskal Herria

Egilea: Gazte Abertzaleak

Komunikabidea: Prentsa Oharra/Nota de prensa