Batasuna legez kanpo uztea helburutzat duen prozesua aurrera doala ikus dezakegu egunotan komunikabideetan. Batasunaren ilegalizazioa Euskal Herriak Frantzia eta Espainiarekin duen gatazkaren konponketan beste traba bat besterik ez da. Pentsaera guztietako organizazioen arteko elkarrizketa da behar dena, inor alde batera utzi gabe. Euskal Herriko biztanleriaren zati esanguratsu bat ezin daiteke legez kanpo utzi. Jendetza hori erakunde publikoetan ordezkaririk gabe, hau da, hitzik eta botorik gabe uzteak daukagun arazoaren konponketatik urruntzen gaitu. Indarkeria da alde batera utzi beharreko elementu bakarra Euskal Herrian, indarkeriak indarkeria besterik ez baitu eragiten. Herrian garrantzia duen alderdi politiko bat ezin daiteke legez kanpo uztearekin eztabaidatik alde batera utzi. Abertzaleok hitza besterik ez dugu behar gatazka honetan gure Herriaren askatasuna lortzeko.

Gaia: Euskal Herria

Egilea: Ibon Usandizaga

Komunikabidea: Euskaldunon Egunkaria

Ez dago iruzkinik

Oraindik ez dago iruzkinik.

Bidalketa honen iruzkinentzako RSS jarioa. TrackBack URI

Iruzkina idatzi