Rodriguez Zapatero jauna espainiar Gobernura heldu denetik, kalean bigarren trantsizio bat hasiberria dela entzuten dut behin eta berriz. Egia ukaezina bada, Führerzitoaren agintea bukatu berria dela eta edozein jarrera aldaketak tentsioa murrizten duela.
Azken zortzi urteotan atzerapen demokratiko itzela jasan eta gero, badirudi jarrera demokratikoagoa izango duela espainiar Gobernu berri honek. Baina, egia dena ere bai, zera da, trantsizio berri bati hasiera emateko eta gobernu honek benetako kutsu demokratikoa lor dezan lehenengo eta behin legegintzan eta justizian PPk egindako hainbat eskubideren urraketa suposatu duten ekintzak atzera bota beharko dituela Zapaterok.
Batasunaren ilegalizaziotik hasita, Zigor Kodeari eta Justizia sozialari dagozkieneraino. Euskal Herriak espainiar eta frantziar estatuekin duen gatazka onartzeko eta honi elkarrizketaren bidez aurre egiteko ausardia ere izan beharko luke. Behingoz autodeterminazio eskubidea onartuz, gure eskubidea baita.
Benetako bigarren trantsizioa ote da egun biziko dugun egoera berri hau? Espainiar Gobernuaren eskuetan dago.
Gaia: Politika orokorra
Egilea: Ibon Usandizaga
Komunikabidea: Gara
0 Erantzunak to “Bigarren trantsizioa?”
Itxaron mesedez
Utzi erantzuna