Gazte Abertzaleakek Udaberriko XVIII. ikastaroa hasiko dugaur arratsaldean, Iruñean, Euskal Herriko hiriburu historikoan. Aurtengo dinamikek egoera sozioekonomikoa izango dute aztergai, Euskal Herriak Estatu bezala egituratuta zer nolako aukerak izango lituzke mahai gainera ekarrita.

Zentzu honetan, jarduera horien artean Eusko Jaurlaritzako Ingurumen Sailburuordea izandako Iñaki Ezkurrak herri bat jasangarritasunean oinarritutako garapena izateko zer nolako indikadoreak kontutan izan behar diren aztertzeko eta eztabaidatzeko mahai ingurua egingo dute Lizarrako alkartetxean ostiral arratsaldean; eta larunbat goizean, Iñaki Varasek abokatua eta Eusko Alkartasunako Nazio Batzordeko kidea, Estatu espainiarrak planteatu eta ezarri dituen erreformen inguruko hausnarketa ekarriko du, gustatu ala ez, greba orokorraren ostean, horri frente egitea izan behar delako justizia sozialean, elkarlanean eta elkartasunean sinisten duten pertsona guztien helburu.

Ikastaro zikloak igandean bere itxiera izango dute, Gazte Abertzaleakeko kideak Independentistak Sareak antolatutako aldarrikapen eta jai egunean parte hartzeko deialdia zabaltzen baitu gazte erakundeak duen ildo estrategikoa jarraikiz.

Gazte bat murrizketen aurkako pankarta egiten

Gazte Abertzaleakeko kideok atzo Hego Euskal Herrian euskal gehiengo sindikalak deitutako greba orokorraren harira antolatutako martxa desberdinetan parte hartu genuen, gazteen eskubideen alde lan egitea ez delako jolasa, beharra baizik.

Modu berean, Gazte Abertzaleaketik kezkaz ikusten dugu atzo indar polizialek lana egiteko eskubidea bermatzearen aitzakiarekin hartutako jarrera bortitza, Xuban Nafarrate, gazte gasteiztarra, larriki zauritu zutelarik. Hau dela eta, gazte erakundetik bortizkeri poliziala salatu nahi dugu eta Barne Sailak bere erantzukizuna onar dezala eskatzen dugu.

Greba Orokorraren egunaren ondorenean , Euskal Herriko hainbat txokotan bultzatutako aldarrikapen mugimenduak sustatzea oso garrantzitsua deritzogu eta iraultza ezin dela hilabete honetan eten argi dugu. Gaur erreformaren garapena nondik- norakoak ezagutuko ditugu, eta ziur gaude ez direla aurrekoan onartutako murrizketak baino suabeagoak izango. Hau dela eta, gazte guztion inplikazioa eskatzen dugu, gauden esparru desberdinetatik gure ekarpenak mahai gainean jarriz, eta eskubideen urraketen aurrean gure presentzia gero eta indartsuago eginez.

]]> http://www.gazteabertzaleak.org/greba-orokorraren-ondoren-jarrai-dezagun-lanean/feed/ 0 http://www.gazteabertzaleak.org/gazte-abertzaleakek-bateragune-kasuko-auziperatuak-aske-uztea-exigitu-du/ http://www.gazteabertzaleak.org/gazte-abertzaleakek-bateragune-kasuko-auziperatuak-aske-uztea-exigitu-du/#comments Sun, 25 Mar 2012 10:35:06 +0000 Gazte Abertzaleak http://www.gazteabertzaleak.org/?p=1610

Gazte Abertzaleakeko ordezkariak diren Mikel Arreseigorrek eta Haritz Perezek atzo goizean Miramar jauregian egindako ekimen jendetsuan parte hartu dute, Euskal Herriko beste hainbat eragile eta pertsona erreferentzialekin, Bateragune auziaren errebokazioa exigitu dutelarik.Hona irakurri zuten testua:

“Datorren asteazkenean, hilak 28, “Bateragune” delako auzian Entzutegi Nazionalak 8 eta 10 urte bitarteko espetxe zigorretara zigorturiko Arnaldo Otegi, Rafa Diez, Miren Zabaleta, Arkaitz Rodriguez eta Sonia Jacinto militante politikoen defentsak aurkezturiko helegitea aztertuko du Auzitegi Gorenak.

Izaera politiko nabarmena duen epaia aztertuko du Auzitegi Gorenak; iazko irailaren 16ean Entzutegi Nazionalaren moduko salbuespenezko auzitegi batek kaleraturiko salbuespenezko epaia.

Herri honetako gehiengo politiko eta sozialarentzat agerikoa izan zen iazko ekainean buruturiko epaiketak eta osteko epaiak herri honetan ematen ari diren urratsak oztopatu eta baldintzatzea zuela helburu. Helburu honetan huts egiten ari dira eta ziur gaude, ez dute lortuko.

Bost euskal herritar hauen aurkako zigor gogorrarekin, indar erakustaldia burutu nahi izan zuen Estatu espainiarrak, errepresioan oinarrituriko erakustaldia. Azken urteotan aldaketa nabarmen eta sakonak izan dituen errealitate politiko baten aurkako indar erakustaldia izan zen hura. Euskal jendartearen gehiengo batek bake, justizia eta demokrazian oinarrituriko etorkizuna ikuskatzen duen agertoki baten aurkako erantzun errepresiboa. Gure herriaren aurrean zilegitasunik gabe geratu den indar erakustaldia.

Izan ere, euskal gehiengo sozialak judikatura helburu politikoekin erabiltzea arbuiatzen du; agertoki berriaren aurka judikatura erabiltzea arbuiatzen du. Ideia politiko guztien defentsa eta antolaketa askeak bermatuak izan behar dutela aldarrikatzen euskal jendarteak. Ondorioz, egoera berri honetan ez dago lekurik, behin betiko eten behar dute, bake eta aterabideen aurkako agenda politiko eta judizialek.

Bertan bildu garen lagunok, Entzutegi Nazionalaren epaia baliogabetu behar dela deritzogu. Arnaldo Otegi, Rafa Diez, Miren Zabaleta, Arkaitz Rodriguez eta Sonia Jacintoren berehalako eta baldintzarik gabeko askatasuna exijitzen dugu.

Horrela, bertan bildutakook gatazkaren aterabide demokratikoarekiko gure konpromisoan berresten gara, bai eta bide horretan egun espetxeraturik dauden lagunek egindako ekarpenaren aitortzan. Bake eta konponbiderako lanean diharduten sektore politiko, sindikal eta sozial guztien berme eta sinesgarritasuna dute auzipeturiko lagunek.

Azkenik, datorren 28an Bilboko Albiako Lorategietako Justizia Jauregiaren aurrean burutuko den kontzentrazioaren berri emateko aukera probestu nahi dugu.”

Batiste Ezeiza, EGKko presidentea, Mikel Arreseigor gaztekidearekin (urdinez)

Gazte Abertzaleakek pozez agurtzen du larunbat honetan EGK-k amaitu berri duen 31. Batzarra. Donostiako Deustoko Unibertsitatean bildu dira erakunde ezberdinetako ordezkariak urteroko plana eta kide berrien sarrera, besteak beste, onartzeko.

Aurtengo batzarrean Gazte Abertzaleaketik Mikel Arreseigorrek, gazte tolosarra, Bilduko gazte saileko zinegotzia Tolosako udalean, aurkeztu du bere burua Euskadiko Gazte Kontseiluko permanentean zeuden hutsuneetariko bat betetzeko.

EGK-REN INGURUAN  IRAKURKETA

Gaur egun ematen ari diren murrizketen testuinguruan, Euskadiko Gazte Kontseilua ez da libratzen eta Eusko Jaurlaritzaren eskuetan dagoen artaziaren helburu izan dira. Baina ezin dugu ahaztu EGKri bideratutako aurrekontu guztiek urtez urte murrizketak jasan behar izan dituztela, nonbait gazte programei zuzendutako politikak ez baitute garrantzirik erakunde publikoentzako.

Euskadiko Gazte Kontseiluaren balorea gazte zuzendutako politika sektorialak lantzeaz eta babesteaz gain, urteetan gazteekin lanean dihardugun elkarteoi elkar ezagutzeko eta komunikatzeko esparru aske bat eskaini digula da.

Zentzu berean, Gazte Abertzaleakeko kideok aurrekoan esan genuen bezala (irakurri Zergatik ez gara elkar aritzen?), elkarlanak dituen berezko baloreak mahai gainean jartzen jarraituko dugu, gazte guztion ideia ezberdinen ezagutza geure lanari, gazte eragileen lanari, zentzu berezia ematen baitio; eta nola ez, Euskal Herriko herrialde desberdinetan jarduten dugunon ezagutza eta esperientzia, aniztasunaren eta elkartasunaren ikurrak bihur daitezke dudarik gabe. Modu honetara EAEko, Nafarroako eta Iparraldeko gazteok elkartuko gintuen esparru zabal zein askearen eraketa bultzatu eta babestuko dugu.

Beraz, eta amaitzeko, Gazte Abertzaleaketik zorionez ospatzen dugu EGK-k gaur batzar hau antolatu izanaz. Erakunde batek duen bizitzeko grina eta indarra bere antolakuntzan eta helburuen lorpenekin erakusten baita. Hori guztia dela eta, Batiste Ezeizaren gidaritzan dagoen taldeari gure esker ona helarazi nahi diegu.

Asier Gomezek, Eusko Alkartasunako gazte erakundeko Bilboko bozeramaileak, “Euskara, Gazte eta Kirol Zinegotzia den Sabin Anuzitak prentsaurrekoan azaldu dituen zenbatekoak, itxuraz handiak, gazte programen atzean dauden murrizketak ezkutatzea dute helburu” aipatu du.

Gomezen hitzetan Udalak beste udal sail batzuetan edota beste erakundeetan jada jasotzen ziren hainbat eskaintzak ematea erabakia hartu zuenean “eskaintza gutxiegi zegoelako erabaki zen, beraz zurikeri galanta da zinegotziak bere saileko kontuak aurketu dituenean programa batzuen desagerpenak bikoizketak ekiditea dutela helburu esatea, argi eta garbi programa horien desagertzea murrizketen zioa dutela esan beharrean”.

Modu honetara, Gazte Abertzaleaketik gogorazi nahi izan da 2007tik, Bilboko Udalean EAk gazte saila kudeatu zuen azkeneko urtea izanda, harrezkeroztik “gazteentzako aisialdi jardueren” aurrekontuak % 27,38 murrizketa jasan duela 2012ko aurrekontuekin alderatuta.

Honengatik “Gazte sailaren egoerari dagokionez bost axola zaie eta PNVrentzat gazte politikek ez dutela garraintzirik argi gelditzen zaigu” azaldu du.

Prozesu parte hartzailea

Bestalde, Gomezek Anuzitak “bere buruari gazteei zuzendutako parte hartze prozesu baten irekieraren domina jartzea” gaitzetsi du.

“5 urte berandu heldu da, EAk gazte saila zuzentzen zuenean, 2006- 2007 urteen artean gazteen parte hartzea martxan jarri zuelako, udalbatzarrak onartu zuen II Gazte Plana (Bilbao Aktiba) aktibazio horren emaitza izanik” oroitarazi du.

“Gaur egiteko gelditzen zaien bakarra Gazte Plan hori kajoiatik berrekuratzea eta behar den bezala martxan jartzea da” aldarrikatu du.

Azkenik, Gazte Abertzaleakeko bozeramaileak Bilbon “murrizketen aurrean adi egongo gara eta zinez itxoiten dugu, behingoz Bilbo gazteok merezi ditugun gazte politikak planteatzea eta aurrera eramatea” ohartarazi du.

]]> http://www.gazteabertzaleak.org/gazte-abertzaleakek-bilboko-udaleko-gazteri-saileko-murrizketak-salatu-ditu/feed/ 0 http://www.gazteabertzaleak.org/m8-honetan-ere-berdintasunaren-alde/ http://www.gazteabertzaleak.org/m8-honetan-ere-berdintasunaren-alde/#comments Thu, 08 Mar 2012 08:28:05 +0000 Gazte Abertzaleak http://www.gazteabertzaleak.org/?p=1592 Gazte Abertzaleaketik urtero egin dugun moduan, horrelako egunek egutegian lekurik ez luketela izan behar aldarrikatzen dugu; jendarteak 101 urte daramatza egun hau ospatzen eta gaur aldarrikapen eta borroka eguna jarraitu behar du izaten guretzat genero berdintasuna bermatua ez dagoelako. Argi dugu, egutegian emakumearen eskubideak ozenago aldarrikatzeko egun bat zehaztuta izateak, gizarte honek emakumeekiko bidegabekeriak egiten jarraitzen duenaren isla dela.

Hortaz, 101 urte ostean gaur ere borroka egitea beharrezkotzat hartzen dugu, eta beste behin ere mugimendu feministek deitutako martxetara gehitzeko deialdia egiten dugu, ozen baina ez haserre, jakin badakigulako, mugimendu feministen konsolidazioarekin eta guztion artean egiten dugun lanarekin, gero eta errealago bihurtzen ari garela parekidetasunaren aldeko lana eta bere helburuak.

Baina esperantza hori oinarri izanik, M8a bezalako egunetan gure lana geure gizarteak erabateko aldaketa behar duela izan birgogoraraztea datza. Gizon edo emakume jaiotzeak gizarte rol bat izatera eramaten gaitu, askotan kentzea zaila den papera. Lan baldintza txarrak eta indarkeria, iceberg erraldoi baten punta besterik ez dira, emakumea jaiotzeagatik gertatzen diren eguneroko giza eskubide basikoen urraketan oinarritzen den iceberg erraldoia.

Eta zer esanik ez, betikotze horretan berriz ere azalean gelditzen diren joera kritikagarriak: sistema neoliberal honek erraz uzten du bide genero desberdintze sakonak egiteko; erraz asko azaldu ditzakegu emakumeen lan baldintzak, emakumeen lan jardunaldi bikoitza, emakume atzerritar askoren patua… Hezkuntza sisteman hezkidetzaz hitzegiten dugu berdintasunaren aldeko jokaerak errotik sustatzeko, baina erakunde publikoek ze puntutaraino sinesten dute horren ezarketan? Zenolako mekanismoak jarri behar ditugu benetako parekidetasunaren alde jokatuko duen sistema izateko, zeinak diskriminazio egoerak modu errealean epaituko dituen eta genero berdintasuna babestuko duen?

Beraz, Gazte Abertzaleakeko kideok emakumeek jasaten dituzten eskubide urraketen eta irainen kontrako borrokan birbaieztatzen gara, berdintasunaren aldeko deia berea eginez. Hau guztia dela eta, mugimendu feministek deitutako martxa guztietara parte hartzeko deialdia luzatzen dugu, herri honek sistema alternatiboa jorratu behar baldin badu, feminismoak urteetan aldarrikatu dituen urratsak ere bere egin behar ditu.

Duela urtebete Fukushiman gertatutakoa oroitzan izanik, eta historikoki Gazte Abertzaleakek nuklearren inguruko izan dituen printzipioei eutsirik, oraingoan ere pertsona orori dei egiten diogu manifestazio honetan parte har dezan; gure ahotsan dagoelako oihua eta gure ekiteko jarreretan gure erantzuna: Garoña itxi orain!

Urteroko Euskadiko Gazte Kontseiluaren asanblada asteburu honetan ospatuko da, martxoak 10. Aurreko urteetan bezala, historia gehiago edo gutxiago dugun erakunde ezberdinetako ordezkariok elkartu egingo gara kontseiluko batzar honetan.

Garaiak asko zein gutxi alda daitezke, baina inori ez zaio ahaztuko azken urteetan heldutako aldaketa politikoen zurrunbilo hauekin nabari ahal izan diren aldaketak gogor eutsi dion gizarte baten lanarengatik etorri izan direla. Eta bereziki bere eragile nagusiengatik, gazteria, urteetan zehar gogor ekin diona. Ez gara okertuko. Euskal Herriko gazteek izan eta izaten ari dira itsasontzi hau abian mantentzeaz arduratzen ari direnak, itsasontzi hau lan egiten mantendu dezan; eta ez izan zalantzarik, gazteria bere lanean jarraituko du, ardatz politiko esterilak inposatu nahi diguten gazteei zuzendutako politikak baino urrunago doan espazio bat eraikitzeko, zeinetan gazteok parte hartze zuzenago eta justuago bat praktikan jar izango dugun.

Azken honengatik, EGKren asanblada honen aurrean Gazte Abertzaleaketik elkarlanerako espazioen garapenean eta Euskal Herriko lurralde ezberdinen arteko elkarlanean sinesten dugu. Ulergaitza da gaur egun organismo baten barruan, Euskal Herriko gazte guztien sentsibilitate eta ideiak batzen dituen kontseilurik ez egotea. Hainbatetan ikusi ahal izan den bezala, herrialdeak banatzen dituzten diferentzia administratiboak alde batera utzita, Pirineoetako alde bietan aurki ditzakegun gazte ezberdinen elkartasuna, edo Altsasun dagoen osina sinestarazi nahi diguten baino harago , interesgarria izango litzateke Nafarroako eta Iparraldeko gazteriarekin elkarlanerako mekanismoak planteatzea, sistema neoliberalean gertatzen ari diren mugimenduen aurrean talde justu eta solidario bat eratzeko. Argi eta garbi esan behar dugu: gazteriaren parte hartzea funtsezkoa da, dibertsitatea eta kulturaren bidez sozializazioari bidea irekitzen dio, gizarte baketsu eta justu baten eraketan lagunduz. Zergatik ez dugu gure inguru kulturaleko beste lurraldeekin elkarlanerako organismo baten osaketa aukeratzen?

Hausnarketa honetan oinarriturik, Gazte Abertzaleaketik xede amankomunak dituzten lurraldeen arteko kontseilu baten eraketan sinesten dugu, era eraginkor batean Euskal Herriko erakundeek duten antolatzeko behar nazionalari aurre egiteko, era solidario batean estatu baketsu baterantz lan egiteko, irekia eta independentea.

Ez litzateke saiatzen den lehen aldia izango, baina oraingoa inoiz izandako egoera pribilegiatuena dugu. Euskal Herriko Gazte Kontseilu berria, gazteentzat nahi handia izateaz gain, bide berriak garatzeko aukera da, zeinetan lurralde guztietako gazteria eztabaidatzeko, hausnartzeko eta, bereziki, gazteriaren gainean dagoen krisiaren betiereko itzalarekin amaitzeko aukerak proposatzeko aukera duen.

Gazte independentistak Estatu mailako gobernutik ezarritako erreforma jendarteari egiten zaion “iseka zakarra” dela dio eta Hego Euskal Herriko gazteei nekea eta kezka “ozen” adieraztea eskatzen die, Aznarrek bere garaian proposatu zuen lan erreformarekin “langilegoaren eskubideen zutabeak kolokan egon baziren, gaur pertsonok duintasunez bizitzea ezinezko bihurtzen diguten eskubideen murrizketen aurrean altxatu behar gara” aldarrikatzen du gazteak.

Erreforma hauek klase ahulenei kalte zuzena egingo dietela aurreikusten du eta “enpresariek izango dira pertsonok ditugun banakako eskubideen jaun eta jabe, bizi dugun sistema honetan txontxongilo gehiago gehituz”. Hala eta guztiz ere, Gazte Abertzaleakeko ordezkariak “etsipenean ez erortzea” dei egiten du “lan eskubideen alde borrokan jardutea pertsona guztion lana baita, eta batez ere gazteok gazteak garen ezkerotik nahitaezkoa da egoera honen aurrean altxatzea eta aski da esatea”.

Bukatzeko, Alvaro Goñik greba orokorrera “gazteok hamaika arrazoi” dituztela esan ostean, Gazte Abertzaleaken “Europaren dekonstruzioa: gazteak eta Europako amildegia” hausnarketa- zikloaren irekieraren berri eman du, zeinetan egun ezagutzen dugun “Europa” kontzeptuaren inguruan funtzionamenduan dauden sistema ezberdinen planteamendu berrien hausnarketa egingo den, eta batez ere gazteriak zenolako erlazioa izan behar duen kontinente zaharrean, Goñiren ustetan “gure lana atzera bueltarik ez duen puntu batetara joatea datzalako, zeinetan elkarlanaren galtzada- harria altxa eta sistema honek urte askotan ezarri digun lozorroaren aurka botatzeko”. Borondate garbi hau oinarri izanik, apirilean Iruñeatik hasita, foro ezberdinak irekiko dituzte, Europako gazte ezberdinekin gai honen inguruan jorratzeko eta “gure lanaren oinarri izango den elkartasunezko eta kooperatzeko etika baten lanketa sakona egiteko” bidea zabaltzeko.

Gazte Abertzaleakeko Bilboko koordinadoreak, Asier Gomezek, “pribatizazioak gatazken sorburuak” direla adierazi du eta “lehenago baino beranduago proiektua ematen zaion enpresaren eta langileen artean lan arazoak suertatuko dira eta nola ez, zerbitzuaren kalitatea jokoan egongo da beste behin ere” aurreikusten du.

“Beste behin ere gazteok gara politikarien kudeaketa txarren emaitzak pairatu behar ditugunok eta honetan ere argi gelditzen da, murrizketen aurrean, artaziaren lehenengo mozketa gazte politikak dutela helburu” salatu du gazte bilbotarrak.

“Hainbeste murrizketekin gazteon arloetan inongo mozketarik egiteko esparrurik ez zaie geldituko, ez baitute gazteontzako laguntzarik utziko eta” dio irmoki.

GAZTE PLANA

Gazte erakundeko bozeramaileak gogoratu du “PNVren eta IUren gobernuak gazteoi iruzur egin ziguten, udalbatzarrean onartutako II Gazte Plana alboratu zuten, kajoi batean sartu eta ez zuten martxan jarri legealdi hartan”.

Beraz “gazteoi zuzendutako politikak ez dira existitzen udalerrian” dio Asier Gomezek.

Zentzu honetan, Bilboko udaleko gazte sailari eskatu dio behingoagatik gazteen parte hartzea sustatzeko mekanismoak martxan jar ditzan, eta beharrezkoa bada, udalbatzarrak onartu zuen Gazte Planaren eguneraketa aurrera eramatea ere iradoki du.