Martxoaren 1ean, Donostiako Loiola auzoan Nekane Alzelaik eta Gazte Abertzaleak-ek Loiolako Kuartel militarraren desalojoa eskatu zuten. Horrekin batera, desmilitarizazioaren alde agertu zen erakundea, espazio edo zonalde horiek gizarte esparrura zuzenduko direlakoan. Read more »

Hauteskunde kanpaina hasi da eta zure ahotsa Madrilera eramango du EAk. Hementxe dituzue hauteskunde spot-ak. Read more »

2008ko otsailaren 16an Eusko Alkartasunak ekitaldi bat egin zuen Gernikan. Honetan, Unai Ziarretak, EAko presidenteak, askatasunaren aldeko hamar puntuko manifestua irakurri zuen. Han izan ginen Gazte Abertzaleak-eko kideak ere. Read more »

 Gazte Abertzaleak Euskal Selekzioaren aldeko manifestazioan egon zen.

Read more »

Abuztuak 8, larunbata, Bilboko jaien hasiera markatu zuen txupinazoa izan zen. Jaiak, konpartsa ezberdinetan partehartzen duten jendearen laguntzaz, irekiak partehartzaileak eta herri nahiak hasetzen dituztenak izaten jarraitzen dute. Gazte Abertzaleak jaiei eta txupinazoari begira pankarta bat jarri zuen Eusko Alkartasunako Bilboko egoitzan.

Gazte Abertzaleak-etik eskertu nahi dugu Bilbotar eta jai partehartzaileak sustatu dituzten orori. Urtero bezala GA-k herritarrentzako festetarako lan egin du eta ostiralean 3º GAZTE TOPAKETA izan zuten: 12:00ean trikitilariekin kalejira bat egin zen, gero herri bazkaria eta, azkenik, mus eta igel-toka lehiaketa izan zen, poteoa baino lehen.
GA-ko kideak, urtero bezala, Aberrigintzanen txosnan lan egin zuten.

[youtube]7E96owQQV_k[/youtube]

Gazte Abertzaleakeko kideok, pasa den asteburuan, otsailaren 24 eta 25ean, bere IX. Biltzar Orokorra ospatu genuen Debako Lastur auzoan.Larunbatean, goizeko 8:30ean hasi eta arratsalde bitartean, hiru ponentzia aztertu, eztabaidatu eta onartu genituen. Batetik, ponentzia politiko bat, zeinetan gazte erakundearen planteamentu politikoak adierazten diren; bestetik, sozioekonomikoa, non hainbat gai sektorialen inguruan eztabaida eta ondorioak atera genituen (lana, etxebizitza, eta abar luze bat ) eta azkenik, estatutu berriak eztabaidatu eta bozkatu genituen biltzarreko partehartzaileok. Ponentzia eta estatutuen adibide adierazgarri gisa hainbat elementu aipa ditzakegu. Esaterako, afiliazio mota berri bat ezarri zen, zeinek ahalbidetzen duen gaztekide orok zuzenean militante oso eta aktibo bilakatu beharrean, bere nahiaz, jarraitzaile baten estatusa hartzea. Jarraitzaile deiturikoak informazioa, aldizkariak, eta abar jasotzeko eskubidea izango du, baita halanola, bere konpromezua handituaz militante oso bihurtzekoa ere.

GAren bederatzigarren Biltzar Orokor honen ezaugarri nagusietako bat eta bere planteamendu independentista ezkertiarrarekin zuzenean loturikoa foralismo zatikatzailearen gainditzea dugu. Horretarako, Nazio Batzordeko Idazkari batek, Euskal Herriko bailara guztietako ordezkariekin lan egiteko ardura zuzena hartuko du, bailara eta herriguneak indartuz eta haien arteko proposamenen koherentzia, koordinaketa eta elkarlana bultzatuaz.

Igandean, berriz, Nazio Batzorde eta Bermapide Batzorde berriaren hautaketari ekin genion, hautatutakoak hauexek izan zirelarik: Harkaitz Millan (Idazkari Orokorra), Leire Pinedo (Finantza idazkaria), Alain Zamorano (Antolakuntza Idazkaria), Juan Karlos Perez (Sektorialeko Idazkaria), Alex Alba (Lurralde Idazkaria) eta Harri Fernandez (Komunikazio Idazkaria). Bermapide Batzordeari dagokionez, Iñaki Agirrezabalaga (Lehendakaria), Elisa Sainz de Murieta (Bokala) eta Iban Ugarte (Bokala) izan ziren hautatuak.

[youtube]IWTLLLS9dIA[/youtube]

[youtube]4bGxOoOPR-Q[/youtube]

Ostean, eguerdiko 12:30 inguru, Lasturreko Kroskika frontoian, Biltzarrari amaiera ezin hobea emateko, ekitaldi politiko bat burutu genuen. Bertan Ibon Usandizaga, jada GAko Idazkari Orokor ohia, izan zen aurkezle, eta Jesus Mª Agirrezabala, Debako Alkatea, Unai Ziarreta, EAko Idazkari Nagusia eta Idazkari Orokor berria izan ziren hizlari. [youtube]POQyVAbh1Tc[/youtube]

Carlos Garaikoetxea lehendakaria ere etorri zen bere babesa eskaintzera, ekitaldiaren ondorengo hamaiketakoan gazteoi, hitz batzuk zuzendu zizkigularik.

[youtube]Rl3Jc9tNRVw[/youtube]

[youtube]HwIgW6ylgjo[/youtube]

Bertaratu ginen guztion ilusioz beteriko hausnarketa honela labur daiteke: Ausardiaz etorkizunera!!

Gaia: JardunaldiakEgilea: Gazte Abertzaleak

Komunikabidea: Prentsa Oharra/Nota de prensa

Gazte Abertzaleak-ek joan den Urriaren 12-an gertatutakoaren bideo bat publikatu egin du Internet-en. Antzerki honekin militarrak Euskal Herrian duten egoera salatu nahi izan du gazte erakundeak, behingoz
hemendik alde egitearen eskakizuna egin zen bitartez. Euskal Herri desmilitarizatuaren aldeko erreibindikazioa.

INPOSAKETA MILITARRARI INTSUMISIOA!
MILITARRIK GABE ASKOZ HOBE!

Hona hemen bideoa:

[youtube]XSvRgb4s2o4[/youtube]

Hemen duzue GA-k 2005-2006 urte artean egindako ekintzen bilkura bideoa:

[youtube]gNjTkH3CVDg[/youtube]