[youtube]mtEI-Jwnsbo[/youtube]

Hemen duzue ekitaldiaren bideoa:

[youtube]Uwv5Yy9yw44[/youtube]

Lehengoan bi bailaretako taldeek bat egin zuten Oarsoalde guztian, San Markos-eko zabortegia istearen aldeko kartelak ipintzeko. Hurrengo egunetan, Donostian garraiobide publiko merkeen eta etxebizitza duinaren aldeko kartelak jarriko dituzte.

Hemen dituzue argazkiak:

Aurkibidea honakoa duzue:

4.or. EDITORIALA

6.or. ERREPORTAJEA

-Selekzioaren historio laburra

8.or. EH. MUNDIALERA

-Euskal selekzio bat izateko…

-Bide eginez.

-Selekzioa babestuz.

13.or. EH. ATZERRIAN

-Venezuela vs. Euskadi

-Catalunya vs. Euskadi

Aldizkaria ikusi nahi baduzue, egin ezazue klik hemen edo argazkian.

 Gazte Abertzaleak Euskal Selekzioaren aldeko manifestazioan egon zen.

[youtube]kTpjTvG6L-c[/youtube]

GAko militanteak, Rafa Larreinarekin, manifestazioko pankarta eramaten (25 000 pertsona inguru, bildu ziren manifestaldian).

GAko kideak Donostia euskal selekzioaren aldeko kartelak jartzen ibili ziren. Bilbon, berriz, San Mames estadioaren kanpoan Euskal Herriko Selekzioari buruzko Gaztekari monografiko baten 2000 ale banatu zituzten partidua baino lehen.

Partiduaren hasieran jokalariek “Nazio bat selekzio bat. Una nació una selecció.” leloa zuen pankarta eusten.

Asko dira egunero inongo banderarik esekitzen ez dituzten estatuko udalak, baina PP nahiz PSOE beste sindikatu ultraeskuindarrekin batera bandera espainola Euskal Herrian ondo esekia egon dadin arduratzen dira, gogorarazteko horrela beste behin, Bidasoaren ibaiertz honetan gauden euskaldunak espainiar inperio sakrosantuaren parte garela konkista-eskubideak direla medio.

Beste behin motibazio politikoak ikusi ditzakegu sententziaren atzean, izan ere, soberan erreza eta errentagarria da euskal gatazkari esker Espainian botoak lortzea.

Gazte Abertzaleak-en gero eta argiago dugu estatuak uzten digun bide bakarra desobedientzia zibil, baketsu eta demokratikoa dela eta horregatik Bilboko alkate den Iñaki Azkunari bandera espainola ez esekitzeko eskatzen diogu, bilbotarrek eskatzen ez dioten bitartean. Modu berean alkateari gogorarazten diogu herri-arautegian badaudela nahiko mekanismo parte-hartzea bultzatzeko eta hiritarren nahia zein den jakiteko.

Donostiako Zinema Festibalean egin zuten bezala,  Gazte Abertzaleak-eko kideek, Fantasiazko eta Beldurrezko Zinemaren XVIII. Astea aprobetxatuz, berriro ekin zioten euskarazko zinemaren aldeko kanpainiari. “Kutxidazu bidea euskaraz” lelopean, euskararen aldeko orori egiten diote dei, bakaoitzak ahal duten heinean, gure hizkuntzan egindako zinemaren alde lan egiteko. Batzuk ekoizpena bultza dezakete; besteek, aldiz, bikoizketarengatik apostu gogorra egin dezakete, eta gelditzen den gizartearen eskuetan dago egindako filmak ikustera joatera. Euskarazko zinema euskararen normalizaioan aurrera egiteko ezinbesteko lanabesa da; halera bai ekoizpena zein bikoizketa ere oso baxua da.

Gazte Abertzaleak-ek, Eusko Alkartasunaren gazte erakundeak, adierazten du hispanitatearen eguna, hego Euskal Herriko euskaldunei inposatutako jai eguna dela. GA-ren ustez, Euskal Herrian ez litzateke espainiar estatuko patroiaren eguna ospatu behar, euskal gizarteak behin eta berriro bere etorkizun nazionala erabakitzeko eskubidea aldarrikatu duelako eta espainiar gobernu desberdinak eskubide hau aitortu ez diotelako. Horrenbestez, gazte erakundeak espainola euskaldunei inposatutako nazionalitatea dela adierazten du eta euskal gizarteak bere etorkizuna erabakitzeko aukera izan dezan eskatzen dio, berriro ere, Espainiar gobernuari.
Hispanitatearen egunean jai arrazoi desberdinak egiten dute bat, Guardia Zibilaren eguna, kolonizazioaren ospakizuna eta arrazaren goraipamena, besteak beste. Frankismo garaian ematen ziren ospakizunen parametro berdinetan antolatutako eguna dela, deritzo talde independentistak. Bide honetan, Gazte Abertzaleak-ek egun hau ez ospatzearen nahia adierazten du, jai hau euskaldunontzat iraingarria eta arrotza delako, euskaldunak hispanoak ez diren heinean eta behin eta berriro Guardia Zibila Euskal Herrian ez egotearen gura adierazi duelako euskal gizarteak. Bide batez, Gazte Abertzaleak-ek azpimarratu nahi du azken urtearekin I+G militarrean gastua espainiar estatuan oinarrizko I+G-aren %19a dela; bost eurotatik bat hain zuzen ere. Horrelako datuak Gazte Abertzaleak taldearen jarrera antimilitarra indartzen du, ulertzen duelako gaur egungo egoera politikoan erabat desegokiak direla gastuak horretara bidaltzea.
Azkenik, Gazte Abertzaleak-ek, talde bakezalea den heinean, desfile militarra eredu propagandistiko nazional zaharkitu bat besterik ez dela adierazi nahi du eta desfilean erakusten diren armen benetako helburua zein den gogoratu nahi dio gizarteari, objektibo errealen kontra erabiltzea.

Gainera Donostian Gazte Abertzaleak-ek militarren aurkako kartelako jarri zituzten.

Donostiako Gazte Abertzaleak-ek, aurten ere, euskarazko zinemaren aldeko kanpaina martxan jarri du, Donostiako Zinemaldiaren 55. edizioa aprobetxatuz. Euskarazko zinema euskal kulturaren garapenerako ezinbesteko lanabesa dela ukaezina da baina, zoritxarrez, errealitatean euskaraz ekoiztutako zein euskarara bikoiztutako film eskaintza urria da.

Hori dela eta, azken egunotan Gazte Abertzaleak-eko kideak “Kutxidazu bidea euskaraz” deituriko filma ikusteko zinemarako gonbidapenak banatzen aritu dira. Honekin, euskaltzale orori dei egiten diete bakoitzak bere eremuan euskarazko zinemaren alde lan egin dezan. Batzuk, ekoizpena susta dezakete, besteek euskarara bikoizteko bideak dituzte eta, gainerako hiritarron esku dago euskarazko filmak ikustera joatea.

Sarreraren atzealdean, aldiz, honako testu hau irakur daiteke:

“Sarrera honekin, euskarazko zinema eskaintza urria dela salatu nahi dugu. Euskal hiztunoi euskarazko zinemaz gozatzeko aukera eta eskubidea egunetik egunera urratzen digute. Euskarazko zinema euskal kulturaren ezinbesteko lanabesa da.

Horregatik bi eremu sustatzeko eskatzen diegu erakundeei:

      -Ekoizpena euskaraz.

      -Euskarazko bikoizketa.

Zuk ere euskarazko zinema bultza dezakezu, anima zaitez filmak euskaraz ikustera! Erakutsi diezagutela bidea EUSKARAZ!”