Gazteak gara herrialdetako etorkizuna, bizitzak bere bidea jarrai dezan beharrezkoak garenak eta herri guztien makinariak funtzioan jarrai dezan funtsezkoak garen piezak gara. Teorian lanean jardun beharko genukeenak gara, urte luzez lanean aritu direnen pentsioak ordainduko lituzkeenak, horrela ziklo laborala itxiko litzatekeelarik. Read more »

Donostiako Gazte Abertzaleakek bere ezinegona adierazten du Donostiako udal gobernuak (PSOE-Alternatiba-Aralar) TAOaren zonaldeak zabaltzeko hartutako erabakiaren aurrean. Ondorioz, Unibertsitateko zonaldea eragiten duenez bertako ikasleak aterako dira kaltetuenen.

Gazte Abertzaleakek uste du automobil bidez doan ikasleei gehiegizko kostu bat suposatuko diela neurriak eta hiriko gobernuaren diru-biltze nahi bati soilik erantzuten diola.

Zentzu berean, gaztedi independentistaren aburuz, diru behar hori hiriak behar ez zituen beste proiektu batzuetan gastu zuhurgabeak egitetik dator, PSOE, Alternatiba eta Aralarrek bultzatutakoak hain zuzen ere. Honek gaur egungo udal gobernuak duen gaitasun eza azalerazten du.

Udalbatzarrak hartutako neurria, Eusko Alkartasuna eta oposizioko beste alderdiak aurka agertu zirelarik, ez du soilik ikasleen poltsikoa kaltetzen, euren errendimentu akademikoari ere eragiten baitio. Gazte talde abertzale bezala, geure buruari galdetzen diogu ikasleek nola egingo duten klase orduak eta estazionatzeko muga-orduak urztartzeko; era berean, Donostian bizi ez diren beste ikasleak nola moldatuko diren galdetzen diogu gure buruari, bidaiaren kostuak ordaintzeaz gain helmugan berriz ordaindu beharko baitute (askotan euren herritik garraiobide publikoen bidez iristea ezinezkoa delarik).

Bestalde, GAk positiboki ikusten du kotxearen erabilera bateratua sustatzeko ekimena, baina PSOE-Alternatiba-Aralarrek hartutako neurria ez dela nahikoa deritzo.

GAk bide honetatik jotzen duten ikasleentzat exentzioa eskatzen du. Eusko Alkartasunako gaztedi donostiarren aburuz, “kaltea egina dago” eta udal gobernuari eskatzen diogu etorkizunean “gaztedian eta honen beharretan gehiago pentsatu dezaten”.

Jabier Estebanez Laredo
Donostiako Gazte Abertzaleakeko koordinatzailea

Sutsuki entzuten dira erreibindikazioan daudenen doinuak. Indartsu entzuten dira duela asteburu batzuk, kementsu eta zalantzarik gabe. Larunbat eta igandero ikasketa osatu bat izateko eskubideak murriztuta ikusi nahi ez dituztenen kontzertu inprobisatu bat dugu. Argi dago, Musikene, Musika zentro Nagusiko ikasle eta irakasleek bizi duten egorari buruz argi garela. Gazte Abertzaleak, zehazki, ikastegiaren gaur egungo egoerak larritzen du, eta batez ere, Carmen Rodriguez Suso gerente aukeratu zutenetik. Susok aurreko zuzendaritza taldearen “gestio txarrari” buruz hitz egiten du, datorren urteko plaza kopurua 114tik 50era pastasen duen bitartean, ikasleek aukeratu ditzaketen 34 espezialitateen artetik 14 kentzeaz gain.

Musikene erakunde gailena da Europa osoan, eta hori donostiarrontzat ohore bat izan beharko luke, musika beti oso presente izan dugun hiri kultural batean. Herritarrek ezin dute Musikene Donostiara ekartzeak suposatu zuen esfortzua ezerezean geratu edota beste leku batera joatea utzi. Ikasleek, euren aldetik, ezin dute ikastegiak eskaintzen duen ikasketa plan berezia galdu, hori baita nazioarteko garrantzia ematen diona.

Horrexegatik, hiri honen kide bezala, ikasle eta kulturaren miresle, gure elkartasuna mobilizatzen ari diren ikasleentzat eta hiritarrak, bestalde, ikasle eta irakasleekin batera manifestatzera deitzen ditugu gaur arratsaldean Antiguotik Bulebarreraino.

Jabier Estebanez Laredo
Donostiako Gazte Abertzaleakeko koordinatzailea

Badira 100 urte emakumeon eskubideen aldeko eguna ospatzeko Emakumearen Lehenengo Eguna antolatu zela, aldarrikapen honen lehenengo gakoa sufragio unibertsala izan zelarik. Baina 1914. urtera arte, I Mundu Gerratearen baitan sortu ziren injustizien artean, emakumearen berezko baztertze egoera areagotu zuelako, honen aurka martxoak 8 inguruan Europa osoan antolatu ziren lehenengo aldiz, guk urtero egiten ditugun emakumeen eskubideen aldeko aldarrikapenen ekitaldiak. Read more »

Handienak txikiena oinperatzeko probokazio egoera larria bizi dugu urritik, batez ere jakinda edozein mugimendu eginda ere indar gehien duenak partida honetan irabazteko aukera gehien dituena izango dela, gure askatasuna eta egoera erabat zapalduz eta txikituz. Read more »

Alderdi baten historia urteak pasatuta eraikitzen da, baina hori eraikitzeko pertsonak beharrezkoak dira, azken batean bakoitzaren nortasuna, lana, eraikin horren funtsezko zutabeak baitira.

Eusko Alkartasuna alderdiaren 23 urteetan, funtsezkoak izan diren pertsona asko pasatu dira, bakoitzak bere aztarna utzita, baina gutxik aberastu dute hainbeste Eusko Alkartasunak 1986an hasitako bidea. Garaikoetxea lehendakariarekin, lehen Eusko Jaurlaritzan parte hartu zuen Javier Cañok, benetan urte zailetan. EA sortu zenean, ez zuen inongo zalantzarik izan, eta Gazte Abertzaleetatik urteak pasatuta asko baloratzen dugu egin zuen konbentzimenduzko lana. Read more »

Gazte Abertzaleak-ek bere gaitzespena erakutzi nahi du ETAk Lazkaon eragindako indarkeriagatik. Gazte erakundeareantzat, banda armatuak aspaldi ulertu behar izan zuen lekutik kanpo dagoela eta hauteskundeetan egin beharreko papera ez dela hau. Euskal Herriak bestelako eraikuntza nazionala merezi du. Horregatik, GAek ETAri borroka armatua usteko eskaria egiten dio berriro ere, hauteskunde lasaiak izateko eta hortik aurrera bakea eraiki ahal izateko.

Gazte Abertzaleak, Eusko Alkartasunaren gazte erakundeak, bere harridura erakutsi nahi du EBB presidenteak, Iñigo Urkulluk, galdeketaren posibilitateen inguruan eta EAren jarrerari buruz. GAren ustez, ez da batere desegokia euskal erakundeak Auzitegi Konstituzionalaren iritziaren aurka joatea, erakunde hauek herriaren borondatea ordezkatzen dute eta. Gainera, gogorarazi behar zaio Urkullu jaunari bere alderdiak Eusko Jaurlaritzan parte hartzen duela, horixe bera gizarteari aurkezten zion programa bati jarraituz.

Horregatik, GAek bere bermea adierazi nahi dio Eusko Alkartasunari politiko horrek egindako adierazpenen inguruan, kontsulta egingo dela esatea oso egokia baita. Gazte Abertzaleak-entzat, bakearen eta autogobernuaren alde azken urteetan egin den aposturik sendoena egin du EAk eta lan hau ezin da bertan gelditu. Nahiz eta zenbait bide lagun trenetik alde egin nahi duten bidea hasi aurretik.

Berriro ere prentsan ikusi dugu nola Donostiako alkateak Monpaseko pasabidearen aldeko apostu mediatikoa egiten ari den. Oraingoan, gutxienez, ez du hiritaron dirua erabili erakusketa bat egiteko; oraingoan alkateak,ingurumenari buruzko jardunaldi batzuk aprobetxatuz,ministroa Monpasko pasabidearen inguruko erakusketara eraman du. Eta han, nola ez bada, ministroak bere alderdikidea den, Elorza jaunaren, proiektua defendatu zuen.

Bestalde, pena da alkate jaunak ministroa Donostiako hainbat pasealekuak ikustera eraman ez izana.Gernikako Zuhaitzaren pasealekua esaterako, zein egunez egun gero eta baztertuagoa dagoen (Bizkaiako pasealekuarekin berdina gertatzen da). Zentroaren inguruko auzoez ere hitz egin genezake, non biztanleek dituzten arazoentzako behin betiko irtenbideak nahi dituzte. Baina dirudienez, garrantzitsuagoa da Monpaseko  pasabidea nahi eta nahi ez egitea (alkatearen hitzak erabiliz “malgutasunarekin” egitea). Badirudi hirian ez dagoela beste arazorik.

Jarrai dezala Elorza jaunak Donostiako pasaleakuak 800 metro luzatzeaz arduratuta, nahiz eta zabalkuntza horrek Donostiako itsasertza aldatuko duen; nahiz eta zabalkuntza horrek hormigoiz beteko duen Donostiako kostako berdegune urriak; eta nola ez, jarrai dezala donostiarron eguneroko arazoak estaltzeko kanpainarekin; dudarik gabe, konpondu beharreko arazo batzuk eta hiritarrok konpontzeko eskatzen ditugunak.

Jabier Estebanez

Harri Fernandez

Gazte Abertzaleak-ek Espiniako Alderdi Sozialisaren buruzagi eta Espainiar Estatuko presidentea den, Jose Luis Rodríguez Zapateroren jarrera salatu nahi du berriro ere. Gazte erakundearen ustetan, inmobilismo horrek euskal gatazka luzatzera besterik ez dator. Itxaropentsu dauden hainbat euskaldunen ilusioak lurrera botata. Elkarrizketari ezetz esatea, akordioari ezetz esatea da.

Horregatik, GA-ek Espainiar Gobernuko buruari jarrera aldaketa eskatzen dio, euskal ordezkari demokratikoen proposamenak behar bezala errespetatuz. Zentzu horretan, erakunde independentistak espainiar herriari gogororatu nahi dio Ibarretxe ez doala alderdi baten ordezkari moduan, baizik eta hauteskunde batzuen ondorio ateratako proposamen baten buru bezala.