Gazte Abertzaleak EFAYko sortzaileetako bat izanik, zeinak beti azaldu duena giza eskubideen defentsa mundu osoan eta baita arduratu izan dena herri guztiek beraien erakunde propioak izan ditzatela, Iranen izan diren hauteskunde presidentzialen ostean sortutako giroaz arduratzen da.
Gazte Abertzaleak, hautesle zerrenda bat gabe egin diren hauteskunde batzuen ostean eman diren protesta hotsak entzun beharrean sentitzen da. Hauteslekuen inguruan izan diren irregularitate denuntziak, non nekazal lurretan arratsalde erdirako itxiak ziren hiriburuan beraien ordutegia areagotu egin behar izan zuten bitartean; inkestek hautagai berritzailea irabazle bezala ematen zuten bitartean datu ofizialek bere aurkaria aupatu zuten; horrek guztiak adierazten du Iranen egun hauteskundeak denbora pasa besterik ez direla, eta benetako boterea klerikoek eta iraultzako liderrak, Alí Jameneík, dutela, azken honen adierazpenak argi utzi zutelarik hauteskunde kanpainan esan zuenean ezin zela irtetera zihoan presidentearen aurkako ezer esan.
Gazte Abertzaleaketik, herri guztiek erakunde propioez libreki hornitzeko duten printzipiotik, uste dugu honako hauteskunde hauek herri pertsiarrarekiko iruzur bat direla. Horregatik ulertuko genuke herrialde hartako agintariek betebehar morala dutela eta beste hauteskunde batzuetarako deia egin beharko luketela, beti ere balore pertsa, txii, tradizionalak zein egungo Irango errepublikakoak galdu gabe. Horrela herri pertsaren arima ez dadin mediatizatua ikusi batzuen interesengatik gehiengoak hauteslekuetan libreki adierazi duenaren aurka.

Gazte Abertzaleak-ek bere elkartasuna adierazi nahi dio Eusko Alkartasunako zuzendaritzari eta erakundea sortu zeneko jorratu duten bideari jarraitzeko GA-ek bere indarrak gehitu nahi ditu. Gazte erakundeak subiranotasunaren aldeko indarren elkartzearen alde egindako apostua, bakezale eta aurrerakoiak edonolako indarkeria gaitzesten dutenak eta hurrenez- hurren, gure nazio eskubideeak gureganatzeko aukera ematen digun estrategia egokia deritzo, batez ere beraien burua abertzaletzat duten beste alderdien inmobilismoari aurre egiteko. Read more »

Gazte Abertzaleakek, Eusko Alkartasunaren gazte erakundeak, beharrezkotzat hartzen du euskal sindikalismoaren gehiengoak Bizkaia, Gipuzkoa, Nafarroa eta Arabako langileen eskubide defentsarako antolatutako greba orokorra. Krisia gainditzeko erabili behar diren tresnak euskal erakundeen esku egotea beharrezkotzat hartzen du gazte erakundeak. Bide batez, erabakiak hartzeko unean sindikatuen papera goraipatu nahi du erakundeak. Hezkuntzatik hasita, hau da, lan politika aktibo eta pasiboen kudeaketan, PSEek 1980 eta 2005 bitartean bere programa politikoetan hartu duen bazala.

UGT eta CCOO grebarako deia ez egitea, zentralismo estrukturalaren ondorioa dela azaldu nahi du erakunde independentista eta progresistak. Horren adibide, 2002ko greba orokorra, non euskal berezitasuna ez zen kontuan hartua izan edo sindikatu hauek abertzaleekin Nafarroan duten jarrera, erabaki guztietatik kanpo uzten baitituzte.

Horregatik, Hego Euskal Herriko lagun eta afiliatuei deia egiten die GAek, hurrengo maiatzaren 21ean greba egin dezaten.

Gazte Abertzaleakek, Eusko Alkartasunaren gazte erakundeak, Espainiako Gobernuari bere hauteskunde programak zeuzkan puntu guztiak betetzeko eskaria egiten dio, baita lehen belaunaldiko zentral nuklearren itxiera ere. 2009an zehar, Garoñan, bederatzi istripu larri izan dira eta azken 12 hilabeteetan espainiako zentral nuklearretan izandako istripuen herena eman da bertan. Bestalde, zentrala arrisku altuko lekuan dagoela azpimarratu nahi du gazte erakundeak, izan ere, Miranda de Ebro, Gasteiz eta Bilbo handia bertatik gertu daude. Arrisku horren murrizketarako, kautelazko behin behineko itxiera bat eskatzen du GAek.

GAren ustetan, nuklearrei buruzko eztabaida demokratiko eta argia berpiztu behar da. Beldurrik gabe eta askatasun osoz. Zentzu horretan, esan behar da Zapaterok eta Lopez-ek ez dutela ezer esan, nahiz eta Garmendia ministrak nuklearrei baietza eman dien. Eztabaida honetan, GAek energia berriztagarrien paper garrantzitsua onartu nahi du, Nafarroan erakutzi den bezala nuklearrak ez baitira beharrezkoak.

Gazte Abertzaleakek gogoratu nahi dio Patxi Lopez Lehendakari berriari hauteskudeetatik ateratako emaitzen arabera ez dela bera legitimitate osoa duena euskal gobernu berria zuzentzeko. Zentzu horretan, uneoro ideia hau buruan izatea eskatzen dio gazte erakundeak buruzagi sozialistari, bere gobernukidearen nahien arabera ez ibiltzeko. Saiaketa batzuk izan eta gero, azkenik indar espainolistek lortu dute Madrildik eraikitako estrategiaren bidez herri honen kontrola izatea eta atzo legebiltzarrean ikusitakoaren arabera, espainolak ez garenei sorbalda emango digutela ematen du.

Horregatik, GAek gogoratu nahi du Eusko Jaurlaritzaren lanak jarraituko dituela azken urteetan izandako aurrerapausuak mantendu daitezen.

Gazte Abertzaleakek, Eusko Alkartasunaren gazte erakundeak, ongizate estatua zalantzan jartzen den maiatzaren lehengo hau, gure herriko langileen aldarrikapenetan aldaketa puntutzat hartu nahi du. Eskumak zergen beherapenaz hitz egiten du, gizarte zerbitzuak eta lan eskubidea argaltzen diren bitartean. Idea honi Gazte Abertzaleakek ezetz esaten dio, pentsioen bermea mantendu behar delako, beti ere Eusko Jaurlaritzaren zuzendaritzapean. Bide batez, lanbide politika aktibo eta pasiboen kudeaketa aldarrikatzen du erakundeak, gure herriaren jarduera ekonomikoaren bultzatzaile moduan.

Gure herriko langileek ez dituzte krisiaren ondorioak ordaindu behar. EREak ezin dira enpresen onurak handitzeko bidea izan eta zentzu horretan, politikak ekonomiaren gaineko kontrol sistema zorrotza ezarri behar du. Frogatu baita kontrolik gabeko merkatua akatz larria dela. Horregatik, GAren apostua, sozialdemokrazia, krisitik irteteko aukera onena da. Zentzu horretan, aldarrikapen hori egiteko erabiliko du langilearen eguna GAek, eraiki nahi dugun euskal errepublika bidezkoago bat sortzeko baliagarria ere badelako.

[youtube]http://www.youtube.com/watch?v=kxVfcXbcxzE[/youtube]KORRIKA, Alfabetatze Euskalduntze Koordinakundeak (AEK) Euskal Herri osoan zehar antolatzen duen euskararen aldeko lasterketa berriro martxan da. Gure hizkuntzaren aldeko kontzientzia suspertzea eta barnetegi zein euskaltegien eguneroko lana indartzeko dirua biltzea du helburu. Horregatik, GAek bere babesa eskaini nahi die antolatzaileei, parte hartuko dutenei eta bereziki denbora honetan euskarara gerturatu diren lagun guztie.

Aurrera  KORRIKA !!

Ongi etorri !!

Gazte Abertzaleak-ek garrantzitsutzat hartzen du gizabanakoen eskubide zibilak urratu direla adierazten duen Eusko Jaurlaritzaren informean esandakoak behar bezala aztertzea. Gazte erakundearentzat, Espainian askotan ez ikusiarena egiten da zenbait atxilotuen egoeraren inguruan. Horregatik, beharrezkoa da egun hauetan hedabideetan agertutako txosten horretan esaten direnak behar bezala ikertuak izatea.

Bide batez, GA-ek banakoen eskubideen defentsan duen konpromezua azpimarratu nahi du, pertsona hauen egoera zein den kontuan izan gabe, eta atxiloketa prozesuak gardenagoak izan daitezen deia egiten duen bitartean. Asko dira tortura eta egoera irregularraren itzala duten kasuak. Horregatik, GA-ek praktika hauekin bukatzea eta eskubide guztiak bermatzea eskatzen du.

Gazte Abertzaleaken ustetan, Antonio Basagoitik esandako hitzak hurrengo lau urteetan Euskadi nola gobernatua izango den islada dira,  zeinetan bi alderdien batuera bat emango den non bozken gutxiengoa izan dituenak aginduko duen. Gazte erakundearentzat erabat argia da, popularren buru den Basagoti jaunak eskatutako egituratuko den gobernu ardurak, herri honen gizarte politikak, politika sozialak eta batez ere kulturalak baldintzatu ahal izateko dela. Horregatik, GAen aburuz, Basagoiti izan daiteke hurrengo urteetan agintea izango duena Euskadin, argazki soil bat besterik nahi ez duen alderdi sozialista baten onespenarekin.

Horregatik, GAek Eusko Alkartasunari kementsu jarraitzeko eskatzen dio, euskal herritar independentista sozialdemokraten hitza behar bezala ordezkatua egoteko Eusko Legebiltzarrean.