Gazte Abertzaleak-ek, Eusko Alkartasunaren gazte erakundeak, beharrezkotzat hartzen du Batasuna Apirilaren 17an ospatuko diren Euskal Autonomi Erkidegoko hauteskundetan parte hartzea, horrela ez bada, urnetatik ateratako emaitza biztanleen borondatearen isla ez baita izango.

Gazte erakunde abertzalearentzat , Batasuna hauteskundetan hautagai ez izatea Euskadi-ren egoera politikoa irreala den eskenatoki batera eramango luke, gizartearen borondatea islaturik egongo ez litzatekeen egoera. Hortaz, beharrezkoa da PSOEren gobernuak izaera ausarta izatea eta aukera politiko guztiak hurrengo hauteskundetan askatasunaz aurkezteko eskubidea izatearen berma ematea. Alderdi politikoen legea, PP-k egindakoa, hasiera batean ideologiak ilegalizatzea eta ideiak jarraitzea zuen helburu, denborarekin erakutsi den bezala posiblea ez den helburua, bizitza politikoaren alde bat erakundeetan ez izatea ez baitu gizarte mugimenduarenkin bukatzen. Beharrezkoa da beraz, aurrerantzean PSOE jarrera eraikitzailea erakustea eta euskal politikagintzan egiten duen espainiar eskuinaren jarraipena behingoz ustea. Bestalde, Batasuna gai honen inguruan hausnarketa sakona egitea beharrezkoa da,eskenatokiaren aldaketa ekarriko duen hausnarketa. Gizartearen borondateak barneratzeko garaia da, bakarrik elkarrizketaren bidea erabiliz euskal gatazkaren gainditzetarako. Zentzu honetan, Gazte Abertzaleak-ek Batasunak egiten duen momentu politikoaren irakurketa politikoa desegokia eta desbideratua dela uste du, hirukoari bere legeztapenerako neurriak jartzea eskatzen baitio. GA-ren ustez momentu honetan Batasuna da urratsak eman behar dituen indar politikoa , izan ere, beste alderdiei erantzukizunak eskatzen dien bitartean, ez du bere legeztapenerako emango dituen urratsak eta jarrera berriak planteatzen.

Batasuna-k bere presentzia bermatua ez dagoen bitartean hauteskunderik ez izatea hirugarrenei eskatzen dien bitartean, horren aurrean bere urratsak zeintzuk izango diren definitzen ez ditu. Bestaldetik, alderdi sozialista, PP-ren politikaren jarraipena egiten jarraitzen du EAE egoera antidemokratikora eramateko borondatea erakutsiz. Horregatik, Gazte Abertzaleak-ek bi alderdi politiko hauei Euskal Herriaren demokratizazio eta normalizazioaren bidean martxan jar daitezela eskatzen die, elkarrizketaren eta sentsibilitate politiko guztiak berdintasunez aurkezteko eskubidea izatez helduko direnak.

Gaia: Politika orokorra

Egilea: Gazte Abertzaleak

Komunikabidea: Prentsa Oharra/Nota de prensa

Ez dago iruzkinik

Oraindik ez dago iruzkinik.

Bidalketa honen iruzkinentzako RSS jarioa. TrackBack URI

Iruzkina idatzi