GAZTE ABERTZALEAKek Europako gizarte foroan parte hartu du.
argitaratua. Zaharra-n. Etiketak: Justizia-sozialaGAren delegazio batek parte hartu du asteburu honetan ospatu den 3. Europako Gizarte Foroan Londresen, erakundearen idazkari nagusia den Andoni Iturzaeta buru.
Europako Gizarte Foroa gogoetarako esparru bat da non alderdi politiko, sindikatu eta gizarte mugimenduak ideia neoliberalak baztertzen dituzte, mundu eta Europa bidezkoago baten eraikuntzarako mesedetan. Europar Konstituzioaren aurkako jarrera, gerraren kontrako ekintzak eta nazioarteko elkartasuna ardatz nagusienak izan ziren Londresen. Foroa Londreseko kaleak zeharkatu zituen manifestaldi izugarri batekin bukatu zen.
GAren presentzia oso positiboa izan da foro honetan, Europako Gizarte Foroa oso erabilgarria baita Europa mailan dauden borroka soziala guztiak ulertzeko, Iturzaetaren hitzetan. Era berean ,idazkari nagusiak adierazi zuen GAZTE ABERTZALEAKen presentzia indartuko dela hurrengo foroan, Euskal Herriko eta beste Estatu gabeko herrialdetako errealitatea ezagutarazteko asmoarekin, EFAYen bitartez, eta Europako beste gazte mugimendu batzuekin harremanak sortuz.
Gaia: Justizia soziala
0 Erantzunak to “GAZTE ABERTZALEAKek Europako gizarte foroan parte hartu du.”
Itxaron mesedez
Utzi erantzuna